اتمنى احد يساعدني

[nouf]

مرحبا اخواني وخواتي ...

انا ابغى اطلع دبي عشان استثمر فلوسي فيها بس للاسف ماعندي أي خلفيه

من ناحيه ايش البنك اللي اروح له وافتح فيه حساب لاني ماقد رحت الامارات

وماعرف ايش الشركات الكويسة

وانا ماقدر اضارب فيها لاني ماراح اروح واجي كثير على الامارات

ابي بين فترة وفترة اروح

ياليت اذا احد عنده فكرة او عايش في الامارات يقولي ايش اسوي بالتفصيل

وانا مابغى احطها عن طريق بنك في السعودية

واكون لكم شاكرة والله يجعلها في ميزان حسناتكم

[كسبان جدا]

أنا عندي نصيحه,, بدل ما تروحين الامارات
روحي البحرين وفتحي حساب لدى بنك طيب في البحرين (على فكره ملاك البنك سعوديين الراشد والزامل)
الوسيط التابع للبنك يقدر يشتري لك في سوق دبي أو الكويت اوقطر,,,بالتلفون ولا عليه زحمه كثير. زي الامارات
اذا فتحتي حساب هناك بامكانك أيداع الفلوس مباشره هناك والشراء في نفس اليوم او بعد فتح الحساب,,, تقومين بالايداع عن طريق البنك السعودي البريطاني في حساب بنك طيب..هو راح يعطيكي رقم الحساب الخص بهم ويصل المبلغ في نفس اليوم.

اذا رايحه الامارات رايحه..توجهي الى مبنى البورصه وخذي رقم مستثمر وقومي بتعبئة البيانات لدى الامارات الدولي للوساطه وتعبئة النموذج الخاص بسوق دبي وابوظبي ومن ثم فتح حساب في بنك الامارات وايداع المبلغ فيه والشراء مباشرة وأنتي في البورصه,,سيدات هم من يقمن بعمل فتح الحساب ويمكن دخولهم الى البورصه يوجد قسم خاص بهم

أو التوجه الى بنك الامارات في الرياض
أو فتح حساب لدى البنك الفرنسي محفظه خليجيه
وهناك مواضيع قام بكتابتها الاخ دينار تشرح بالتفصيل الدقيق هذه العمليه ..بامكانك أستخدام محرك البحث
بالنسبه للاسهم..اعمار ... العربيه للانشاءات في سوق دبي
اسمنت الخليج وجلفار سوق أبوظبي
وانا انصح بسوق الكويت الوطنية العقاريه والمخازن والتمويل الخليجي
بالتوفيق ان شاء الله

[سوبرمان]

وانا ازيد على أخي كسبــــــــــــــــان جداً

انصح بالابتعاد عن السوق الاماراتي لان ارتفع اكثير وانا اقول السوق القطري الان يعتبر افضل الاسواق

استثمار طويل الاجل ناقلات الغاز وان شاء الله حتى على المتوسط فيه خير

استثمار متوسط يوجد قطاع البنوك(المصرف الاسلامي, الدولي الاسلامي)
الصناعات(صناعات قطر,التحويليه,المتحده للتنميه)
الخدمات (العقاريه)

وانا بصراحه انصح وبقوه في هذا السوق لانه سوق حصل لهُ انهيار وسوق يعتبر ناشئ والله تقريباً 90% من راس مالي فيه والحمدلله الى الان ربحان وانا حبي للخير للجميع اقول السوق القطري أأمن سوق يعتبر الان .واذا عزمتي تروحين انا اعطيك نسبة التطهير في بعض الاسهم المشبوه وهي 3 شركات من الي وضعتها لك .

بالنسبه للبحريني والكويتي ماعندي اي خلفيه عنهم.


أخووك السووبر

[رادار الشاشة]

أختي ما شاء الله عليه الأخ كسبان جدا كلامه في الصميم..

واذا بتفتحين عن طريق الامارات, احرصي على الذهاب المبكر اذا تبين تخلصين امورك في يوم واحد..

وخيار البحرين لا تنسينه...

والبنك البريطاني ممكن يراسلهم لك بس ياخذون وقت وآخر علمي بهم يشترطون حد ادنى يعادل 100 الف دولار...

الفرنسي في نفس اليوم يفتح لك, وكان يشترط حد أدنى ما يعادل 50 الف دولار ورفعوه الى ربع مليون دولار يعني مليون ريال..
يشترون لك باسمهم وعشان كذا ما يحتاج مراسلات ولا ارسال صورة الجواز

عيبهم العمولة العالية 1% وميزتهم ممكن يشترون لك في اي سوق في العالم...

بنك الجزيرة ايضا خيار, ولا يراسلونهم ( مثل الفرنسي )... نسيت الحد الأدنى لكنه للنساء أقل من الرجال...

البنك السعودي الهولندي كذلك ومانيب متأكد من الحد الأدنى.... لكن اظنه 250 الف ريال

اعمار للوساطة عندهم بيع وشراء عن طريق الانترنت...

آخر علمي بهم ما يشرطون حد أدنى

وسطاء مثل الشرهان بيطلبون 500 الف حد أدنى

ولا انصحك بالمضاربة اذا ما عندك خبرة...

أنصحك بسهم املاك للاستثمار ... وبتعينين خير باذن الله وان شئتي التنويع عندك اسمنت الخليج ( على انه ممل ) في سوق ابو ظبي ( سوق مستقل عن سوق دبي, ممكن يدمجونهم قريب ) والعربية للانشاءات في دبي..

لكن املاك سهم من ذهب, وانصح بالشراء فيه باسرع وقت فهذه الاسعار فرصة لا تعوض.. والمستقبل لا يزال مشرق جدا امامه...

وبالتوفيق..

[طاير]

السلام عليكم


نصيحة لوجه الله أبتعد عن بنك الامارات الدولي وعن وسيطة السيئ الأمارات الدولي للوساطة


وأنت بألف خير .

[nouf]

مشكورين ألف شكر ...

وياليت اذا عندكم نصايح زياده تنصحوني فيها ....

[كسبان جدا]

نصيحتي لك..ترا ما فيه وقت,,الوقت من ذهب
التردد مو زين
أنا أنصح بسوق الكويت الوطنية العقاريه والمخازن وبيت التمويل الخليجي والاسمنت الابيض واسمنت الخليج
والصناعات القابضه (صناعات)
سوق الكويت لم يرتفع كثيرا حتى الان
بامكانك فتح حساب عن طريق النت عم طريق الاوسط
سوق دبي اعمار راحت عليكي باسعار 40 و41 وارتد اليوم...بس للمستثمر مدة سنتين وأكثر لا خوف عليه ان شاء الله ....ما بقى الا العربيه

بنك طيب موجود في البحرين يشترط 200 الف ريال