قالوا تفضل واشتغل بالتـــــــداول ..... تتجر بسرعة دون أدنى حسافـه
قلت المشورة طيبة يالأفاضـــــل ..... وشلون أسوي واكتسب للحرافــه
قالوا على الشاشة وخلك مقابـل ..... وحاذر تصرف بالعجل واللقافــــــه
وخذت الإجازة وابتديت بتفـــــاءل ..... وابحرت في عزم بليا مخافـــــــــه
والموج ياخذني يمين وشمايــل ..... واحسبه يمزح قلت يكفي سخافه
وفي وسط لجة والعواصف هوايـل ..... أبي شراعي ، صار مثل اللفافــــه
صعب أفكه من سنون الغوايــــــل ..... خرفان أو كهرب وزرع وخلافــــــــه
واصبحت أنا تايه ببحر القوايـــــل ..... ضيعت دربي والخساير خلافــــــه
أدور بوش في محلي واخايــــــل ..... رزق بلا حروة ولا به كلافـــــــــــه
يا الله يارزاق راعي الفضايــــــــل ..... تعوض الخسران تظفي لحافـــــــه
المفضلات