تكرمون يا إخوان.
اليوم .الظهر ذهبت للمسجد اللي يصلي فيه وعملتها كأنها صدفة ...شفته ودردشت معه وكان مستانس وطول معي..يقول هاليومين حشينا منكم يا هالصغار لا عدمناكم ..قلت تستاهلون وحنا كسبنا ..قال حنا ودنا نكسب وأنتم تكسبون..لكن إح إح قلت كمل قال ولا بلاش!!! ..قلت له السوق هذه الأيام يطلع مئات النقط والمضاربون اليوميون الصغار ما يستفيدون كثير (فهم كالأطرش بالزفة)...قال صحيح وأنا أخوك اختلفت تكتيكاتنا عن أول !!! الطريقة اللي كنتم تحسونها تصريف في الماضي نستخدمها اليوم للتجميع..وإذا أردنا نصرف نعمل بالطلبات أو العروض عملا نخليكم تحسونها تجميع...قلت له كيف!! قال أنا منيب قايل لك لكن راقب وتعرف.شف أحيانا نخليكم ضايعين تماما ما تدرون السهم طلوع ولا نزول أمس أخذنا بالمواشي كل المعروض بل أخذنا مليون سهم ب 51 اللي يشوفنا يقول رايحة ل 55 بعدها رشينا إلى الخمسين!! هاه وش تقول طلوع هاليومين ولا نزول .؟؟ قلت والله انك ذيابه ضيعتونا؟؟؟ قال الآن أسهم ببالي سوف تعضون الندم وراكم فوتوها ؟؟وبعض أسهم نبي نموتها على سعرها إلى ما يأمر الله !! قلت تكفى قل لي واحد ؟ قال خلك من هذا واسأل غيره .قلت يقولون إنكم تبي تخلون الكهرباء آخر شيء ترفعونها ويجي التصحيح ..قال تصدق ان بعض الربع قال لنا كذا..لكن ما دام انتشرت يمكن نغير استراتيجيتنا!!..قلت له وش رأيك بالتعمير؟؟ فجأة جاء سواقه وركب معه قال نكمل بعدين!!
أفضل ما قال لي: شف إذا كثر كلامكم بالمنتديات عن سهم وصاروا كل يوم يطبلون له..ابعد عنه..لأن كل يشتري فيه ..وشلون نطلعه ..تبي ترشون علينا يالصغار من فوق..قلت له هذا دائما قال لا لكن غالبا ,,,حتى يملون القراء من توصيات المنتديات للسهم هذا وبعدين نشوف؟؟ شف أحرقتم على أنفسكم سهم ما أقوله لك لكن سعره بين 160-180 من كثرة التطبيل!!
العجيب وهو ماشي ..قال عليك بسهم محسرن بكم؟؟؟ وما أمداه مع الأسف يقول لي وشو!!
المفضلات