شركات سوق نيويورك Nyse

[السبيعي]

ان شركات سوق نيويورك( The New York Stock Exchange ( NYSE وتكون اسهمها من حرف الى ثلاثة احرف هي شركات قد تكون جيدة للاستثمار ولكنها في نظري لا تصلح للمضارب اليومي او الاسبوعي الذي يراقب الشاشة فانك تجدهم يعرضون كميات كبيرة ثم تختفي هذه الكميات فجأة ويطلبون كميات كبيرة وتختفي بدون تنفيذ وايضا يوجد فجوة كبيرة بين سعر العرض والطلب لذلك ياليت الاخوان يتجنبون ذكرها في المنتدى ويركزون على النازداك
المضارب خالد السلوم يضارب في ibm وهوناجح فيها اما انا فقد حاولت فهم حركات البروكرين فيها فلم افلح الا في شركة gx فقط فهم يتلفون اعصابي بكمياتهم وسوق النازداك عندي اوضح منها كثيرا لذلك ساتركها الا في حالة الاسهم الصغيرة التي يصاحبها كميات تداول ضخمة على نحو gx لاغير

[السبيعي]

وانا اعلن فشلي في المضاربة في اسهم سوق نيويورك قلبوا راسي ماعاد ادري هم يبيعون ام يشترون تلقاهم يعرضون بسعر اقل من سعر الطلب او قد يكون المطلوب 100 سهم فقفط ويعرضون 50 الف سهم
المهم انني فشلت في المضاربة باسهم سوق نيويورك فكانت الارباح التي اجنيها من اسهم النازداك اضيعها في اسهم سوق نيويورك واخر ماخسرت فيه من سوق نيويورك شركة ene فقد اتلفت اعصابي وخسرتني يجيني ربح وافرح به اصبر شوي وفي لمح البصر يتحول الى خسارة بسبب النزول السريع وضاع ذهني ماعاد ادري هم يبيعون والا يشترون حيروني ياجماعة الخير ماعاد ابغى الا النازداك بس

[alharbi]

عزيزي السبيعي

بالنسبه لاسهم نيويورك ليس شرطا ان تكون ثلاثه احرف او اقل بل ان هناك اسهم اكثر من 5 احرف ولكن الاغلبيه 3 احرف وانت نازل

اما التفاوت في السعر بسبب قوة الشركات
لان النيويورك مدرج فيه اكثر من 3 الاف شركه من الشركات القويه التي لا يستطيع المضاربون التلاعب باسعارها ونظامهم فيه اختلاف عن الناسداك والنيويورك حجمها اكبر من الناسداك وشركاتها اقوى
وقليله اسهم التكنولوجيا فيها واكثقر الاسهم نشاطا هي التكنولوجيا وهي موجوده تقريبا جميعها في الناسداك

وهذا لايمنع ان هناك شركات جيده للمضاربه في النيويورك لان بعض الشركات في النيويورك احيانا يتجه لها المضاربون لفترات محدوده

والمضارب يستطيع ان يضارب في اي سهم ايا كان السوق المدرج فيه اذا انطبقت عليه الشروط اللازمه لاسهم المضاربه
واهمها حجم التداول والتفاوت في السعر ارتفاعا وهبوطا
وهذان الشرطان تنطبق على اسهم كثيره فب الناسداق والنيويورك واميكس وكل البورصات في العالم

[السبيعي]

يبدو انك ياعزيزي الحربي ماعمرك جربت اسهم سوق نيويورك لفترة طويلة راقب بدقة ene وشف بنفسك وعلمني رايك

[alharbi]

ياعزيزي
ههههههههه
ماشوف الى سهم لو تراقبه وتتوفق في شراه عند رجوعه ممكن تحقق فيه ربح 100 بالميه اقل شيء

[$1$]

اخوي السبيعي والحربي

أسهم النيويورك مشكلتها ان المسؤل عن كل سهم شخص واحد اسمه سبشلست specialist

عشان كذا هوا الي يتحكم بالسوق ويربح منه

وهذا عكس النازداك حيث ان الذين يتحكمون بالسوق هم الماركت ميكر يعني لكل شركة اكثر من بروكر وهذا يؤدي لتنافسهم وتذبذب السهم القوي

يعني سهم النيويورك نايم لأن وااحد الي يحركة عشان كذا يسمونها ستيبل ( نايمة) تصلح للمستثمر وليست للمضارب

[السبيعي]

لله درك يادولار واحد وان شاء الله تصير مليون دولار
شركات نيويورك ( NYSE ) تلعب بالاعصاب العرض 100 الف سهم والطلب 100 سهم فقط
وهناك دائما فجوة بحدود 10 سنت بين العرض والطلب لا والسهم يهوي بسرعة شديدة جدا ويرجع بسرعة شديدة مايمديك تفرح بالربح الا وهو صاير خسارة وتندم وتبيع بربح مثل قلته وشوي الا وهم طايرين ماقدرت القى لهم ضابط محدد
وفيها تلاعب واضح يخلون اللي يراقب السهم يرغب في التخلص منه باسرع فرصة ينطله عليهم
لذلك اغلب شغلي في NYSE خسارة اللي احصله من النشمي النازداك اضيعه في المحرقة نيويورك

لذلك لاتعطونا ولا تكتبون لنا اسهمها الا سهم صغير وعليه فوليوم خيالي مثل gx الله يذكرها بالخير
اذا لم تستطع شيئا فدعه ******** وجاوزه الى ماتستطيع

[السبيعي]

شفتوا gx وهي من شركات نيويورك العرض 500 الف سهم ب 1.15 والطلب 10 الاف ب1.13
الحركات السيئة هذي ماتشوفونها في النازداك

[$1$]

أخوي السبيعي
من الاعيب السبشلست اتهم يحطون فرق 0.125 بين البيع والشراء والمشكله انهم هم الي يبيعون ويشرون في هالسهم ويستفيدون من الفارق بحيث لو باع على الأقل وشرا 100 الف سهم راح يطلع باليوم على القل بـ 12500$ وكل ما زاد الفاليوم زادت ارباحه

لذا عندما يطيحون به السكلبر وينافسونه يبدا يلعب بالسهم عشان يوحشهم ويشردون ويبدا ياكل هو لوحده

[alharbi]

وش رايك يالسبيعي
ENE اليوم زاد 25 بالميه من 11 الى 14 الان
واعتقد انه بيواصل لل 20 دولار قريب ممكن خلال ايام

السهم كان في نزول وعليه بيع مستمر
ولكن امس لاحظت عليه شراء وبداء البيع ينخفض عليه
وطالما السهم كان نازل من 40 دولار
فان رجوعه كان متوقع لل 15 او 20 على اقل تقدير

[السبيعي]

من اين هالمعلومات الثمينة يادولار واحد
اخوي الحربي ENE انا طلعت منها البارح بخسارة ضعيفة و لله الحمد والواجب اني اشتري اليوم بس ماطاوعني قلبي زعلان على السهم جاني مكسب ثم انهار بي وانت تعرف الشعور اذا انهار السهم وانت فيه

[$1$]

منكم نستفيد اخوي السبيعي :508:


اخوي الحربي وراك منتب معطينا وجه ، ما ترد علينا ولا تعلق عساك منتب شره علينا والا اخذ بخاطرك شيء

[alharbi]

واحد دولار

وش فيك لاتدف

وبعد كذا انا رديت على السبيعي

والسبيعي عارف ان السهم بيرجع يرتفع مره ثانيه يوم نزله امس وكان ب 11
بس مافهمت وش يقصد

وشوف وش قال
قال
يبدو انك ياعزيزي الحربي ماعمرك جربت اسهم سوق نيويورك لفترة طويلة راقب بدقة ene وشف بنفسك وعلمني رايك

واخرها منزل صورة هذه

وانا قلت له رايي في الرد

يعني والله السبيعي هذا محيرني اكثر من الاسهم

اما موضوع الناسداك والنيويورك وايهما
تبون الصدق
انا ماتفق معهم فيها

كل الاسهم ترتفع وتنزل والي يتحكم فيها العرض والطلب
والتفاوت من المتعاملين نفسهم
اكثرالمضاربين متجهين لاسهم التكنولوجيا ولذلك الناسداك المضاربين في شركاته اكثر لانه اكثره او كله تكنولوجيا واين ماتجد المضاربين تجد التفاوت في السعر

اسهم النيويورك انت ذكرت انها تنفع للمستثمرين
نعم كلامك صحيح ولكن ليس للتفاوت الي فيها وانما لنوعيتها لانها اكثرها من شركات الطاقه والبنوك والصناعات وغيرها وهي تعتبر الان ملاذ امن بعد انهيار اسهم التكنولوجيا للمستثمرين فقط وليس المضاربين

ولذلك تحول المستثمرين للنيويورك وتركوا الناسداك والعكس ايضا


والتكنولوجيا ام المضاربه تعتبر غير موجوده في النيويورك وان كانت موجوده فانها تكون من الشركات الكبيره التي لها تاريخ قوي ويصعب المضاربه عليها

ومبروك
جاتلك سيفين ونخله

[abu mohammad]

بقي لي شويه سيوف يالحربي لان عندي نفس شعور واحد دولار

[alharbi]

ههههههههههههههههههههههههه

[السبيعي]

هههههه يالحربي لاتتحير
انا نزلت السهم وحطيت لك الصورة ابغاك تضارب فيه لانك معلم في المضاربة ولاينخاف على اللي مثلك ولكن معنا في المنتدى مستثمرين توهم جدد وعظامهم طرية واخاف اقول اشتروا ويشترون ويطمعون ويخسرون الامر يبغى له ذيب مقطع جلده السوق ومتعود على المضاربات المحمومة لين اتقنها يعرف متى يدخل ومتى يظهر
الاسبوع اللي زل عطيت احد الاخوان في البنك شركة وقلت له اشتر فيها والحمد لله انهاارتفعت بعدما اشترى
واليوم اللي بعده نزلت فقلت له بكم بعتها قال مابعتها قلت الله يهديك جاك ربح 7%ليش مابعت قال توقعت ترتفع اكثر وانا خسران مايكفيني 7% قلت طيب هذي هي هالحين نازلة وش بتسوي قال سوف اشتري اكثر علشان اعدل سعر مشتراي.... فأسقط في يدي . كلمته يوم الثلاثاء قال لي بعت كل اللي عندي فيها بخسارة انا حظي شين في هالسوق
المهم الان انا عندي شركة اضارب فيها واظن انها قد ترتفع ومتحير ومتذبذب اعطيكم اياها والا لا

[$1$]

والله مشكور اخوي الحربي على هالهدية والمفاجئة الغير متوقعة والله ودي اطير من الفرحة

والله هالحين احس عند اخواني اللي معهم نجمة والا نجمتين اني مثل الرقيب بالحرس الملكي قدام العقيد بالأمن العام (والله مزحة)

اخوي ابو محمد (سبقك بها عكاشة)

اخوي السبيعي ليتك تعطيني الشركة لأني ماراح اضارب فيها انا اجلس اتابع الشركة عشان الستفيد منها كالتالي:

اشوف كيف اخترت الشركة

افحص مؤشراتها الفنية عشان ابحث عن شركات لها نفس المميزات مع الشكر

[السبيعي]

دولار واحد راقب adsx بس تراها ارتفعت كثيرا