المشاركة الأصلية كتبت بواسطة رائد الحربي
بيض الله وجهك
طيب بكم المتر هناك ؟ عالبحر طبعا
يعني السعر اللي تشوفه صيدة لو حصل لي
ووجهك ابيض شوف من املج الى ضباء ما يتكلمون بالمتر مثل اهل المدن الرئيسيه
مثلا عندي ارض 700م اقولك ابي 800 الف ريال والله يبارك له ما يحسبها بالمتر مثلنا
مثلا 2016 لقيت 3 قطع ع البحر واجهتها ع البحر الثلاثة حول 70 متر يعني واجهة فخمة بقوة ع البحر
الثلاث قطع بمليون ونصف واجمالي المساحة 1600م2 والاهم طولها ع البحر لا يفوت
وكلمت لي صاحب بالشرقية عقاري قلت تعال للفرصة لقيته ما يعرف املج وين
قلي منطقة ما اعرفها وبعيد عنها .. المهم ما تشجع والحين ندمان ومقهور
بس نزلت لاملج الحين رجعت لصاحب الارض قلت هآآ بتبيع قلي 4.5 مليون
عشان كذا اقولك ي رائد ارتفعت اضعاف الاسعار والسبب طبعا توجهآت الدوله للمشاريع وبنفس الوقت
زادات اكثر بقرار ايقاف نقل الملكيه والبيع والشراء الناس تمسكت اكثر
حاليا مع ايقاف القرار وحرية البيع والشراء ممكن تنزل الاسعار لكن ليس ع وضع 2016
يعني لو لقيت 1000 م ع البحر بسعر مليون ونصف صيدة طبعآ لكن الاهم ما تكون عميقة الارض
يعني تكون واجهتا ع الشارع تكون اطول عشان تعطي منظر سواء شقق مفروشة محلات اي شيء ..
ولعلمك هنآكـ ما في لف ودوران واعمل لي شيك مصدق واعمل لي خطاب برغبتك بالشراء وزحمة اهل المدن
وشغل الشريطية وازعاجهم ما في من راسك لراس المالك ان في مكتب ودلك اعطية حقو لكن ارحم من مكاتب اهل المدن
ممكن ما تصدق بعض ما رايته من طرائف وصدمات 2016
شخص يعطي ارض ويبدلهآ بسيارة كابرس خلاص عالقه معه يبي كابرس يقوم يعطية الارض وياخذ الكابرس
وقصة ثانية
مثال : انا خالد صاحب بيت جاني فيصل واشتري البيت واعطاني فلوسي واعطيتة البيت بدون افراغ ولا كاتب عدل وسكن
فيصل بالبيت سنة وهو باسم خالد قام فيصل باع البيت على تركي واخذ فلوسة فيصل وسكن تركي سنه وهو البيت باسم خالد باقي
ولف البيت على خمس اشخاص بنفس الطريقة هههه ويجي خالد اخر شيء يشترية ثاني ههههههآآآي يموت
اتوقع عرفت الفرق بين المدن الرئيسية وهذي المدن
هوا لفه البيت بين بيع وشراء خلاص ثقة بينهم وبين بعض كلمتهم وحده ما في الزحمة اللي حنآ نعيشها بالمدن الرئيسية
وحقيقة عشت فترة فيهآ صابني الذهول وحسيت اني اعيش بزمن غير زمني اللي اعيشة من طيبه النآس وتعاملهم بكل بساطة
ومنا هنآ محبتي وتحيتي لكل جهني ومرواني وما به قصور بباقي القبائل والنعم بالجميع على العين والراس لكن كنت بينهم وحبيت اوضح الحقيقه اللي يستحقوهآ
المفضلات