المشاركة الأصلية كتبت بواسطة عالم نفس
حياك الله يا أخي .. وبارك الله في جهدك ونقل تجربتك .. وهذه التجارب تخدمني وأبحث عنها دائماً .. (( لها ملف خاص عندي )) ..
بالنسبة للطفرة يا أخي لا تتحقق إلا بمجموعة عوامل تتضافر ويتحقق من ورائها طفرة .. عادةً هي تتحقق لمرحلة كاملة تأخذ من ثلاث إلى أربع سنوات والسبب (( تراكم القناعات )) ..
فيه موضوع لي هنا بعنوان (( مستقبل السوق بإذن الله )) .. يتوافق مع توجهاتك وطرحك ..
عموماً نورت وأسفرت .. ودائماً يقولون من سبق لبق .. ومن ركب الموجة في أولها يكون من المستفيدين عن من ركب متأخراً .. والله يكتب لنا ولك ولمن حضر التوفيق ..
هلا ومليون غلا اخوي علم نفس
الله يحيك ويبقيك
الف شكر ي عزيزي ع طروحآتك المقنعة والقيمة بنفس الوقت
اطلعت على طرحكـ الرائع ووقتة منآسب جدا ويلامس الحقيقة
مداخلتك جميلة عن الطفرة لها عوامل حتى تتحقق وتراكمات للقناعات .. معك بمدة التحقق ساذكرهآ
لو نرجع لسوق الاسهم وهو بقمتة وكنآ ببداية عام 2006 بشهر ينآير والتوصيآت النارية والمحللين بكل مكآن من قنوات السوق رايح
وبالاخير طآحو الصغآر وابتسمو الكبآر وانتهى
قبل 3 سنوات 2015 حضرت مزاد بقاعة السيف بالخبر لشنب عقاري معروف على مستوى المملكة في ساعة
خلص المزاد بـ 497 مليون تخيل والله بساعة انتهى والكل يصفق ويهلل للعقار قبل اي قرارات من ضرائب والاسكان
انا اتكلم بعام 2015 يعني قبل 3 سنوات تقريبا حضوري كان بتغطية صحفية تصدق اني حضرت وانا مصدوم من
الوضع لان نفس الشخص ان لصق بمخطط او ارض من المستحيلات يبيع بسهولة
والله العظيم اني سلمت على الشخص بعد الانتهاء من المزاد واعطيتة الضحكة الصفراء ونظراتي لة
تقول لة والله البيعة هذي بعدهآ في مصيبة قآدمة وقلتها لخوي بالسيارة في شيء غلط .. وشوف الوضع الان ..
انا لا اعلم بالغيب ولا بالنيات علمهآ عند الله وانا ذكرت هذي القصة اي انسآن يستشعر ويفكر بمآ يدور
من حولة طبعا هذا الاستشعآر من دروس بحياتنا وليست فقط ذكاء او علم .. الهدف من القصة
بعام 2015 يوجد من هم اذكياء ووصلت قناعتة بالمكسب وتخلص نفس طريقة الاسهم بـ 2006
صورة متطابقة لا يختلف عليها اثنين .. بعام 2015 في من طلع من هذا القطاع لقناعات او تخوف
او ان الله كتب لة الخروج بمكسب هذي ارزاق مقسمة وعلمها عند الله ..
وبنفس الوقت فعلا العقار وصل مراحل هم انفسهم اصحاب العقار لم يتخيلوها نفس طريقة الاسهم اسعار لم تاتي بالحلم
انا تكلمت من عام 2015 ونحن الان بـ عام 2018 يعني 3 سنوات ممكن على هذا الاساس اقدر اقولك احتمالك
تراكم القناعات والمدة حاليا 3 سنوات لان بعام 2016 خرجت القرارت والطبيعي صارت تغير مراكز كما تفضل
اخونا سعود من 2016 الانظار اتجهت للاسهم والتمركز بهآ وهذا شيء جيد ومحفز قآدم للسوق بوقتنا الحاضر ..
بعد هذى الفترة كلها 3 سنوات ليومنا هذا لا يوجد اسهل من الاستثمار بالاسهم من كل النواحي وبدون عنا
مجرد متابعة بالبنك او عن طريق اللاب توب او حتى الجوال حاليا بوقتنا لا يوجد غير السوق واسعآره المغرية
اخوي علم نفس قرآءتك لما يدور بفكري ما شاء الله بالصميم
اهنيك
اخر سطر بمداخلتك هو ما اقصدة بالفعل
من سبق لبق هنآ المهم وليس بعد الارتفاعات تبدا الاصوات والتوصيات النارية والحق ما تلحق
ونعيد نفس مصيبة 2006 هنا المصيبة الحقيقية
من لم يتعلم من ماضية لن يرحمة مستقبلة
التمركز والهدوء والصبر 3 عوامل لنجآح حافل باذن الله واراها بعام 2018 ان شاء الله
كل التحايا لشخصك
المفضلات