هذه البلاد مباركة(انظر الخبر) واشكر الله انك سعودي

[alsaadi]

لنا اكثر من 70 سنة ننتج نفط وبكميات كبيرة وعملنا بنى تحتية منه كبيرة وتحسنت البلاد والعباد
وكونا احتياطيات
والجميع خائف من ان ينتهي ويطالب بان نقلل من عملية الانتاج ومعنا حق خوفاً على الاجيال القادمة
لكن انظر الخبر
بعد كل ذلك تزيد احتياطيات المملكة بنهاية عام 2015 من 261 مليار(المؤكدة) لل 266.5 مليار
هذه والله البركة ان تسحب كميات هائلة ولا ينقص المخزون بل يزيد

فلنشكر الله على هذه النعمة لكي تدوم وتدعم اقتصادنا لعشرات السنين حتى نتطور ونكون بدائل للنفط
انه ربنا لطيف بنا

ما احزنني البارح قابلت جاري عند باب المسجد بعد صلاة العشاء وتحادثنا عن امور الاقتصاد
فاخبرني بان زميل لهم مدرس اصابته جلطة لانه سمع بان بدل التدريس ربما يلغى وهذا يؤثر
على التقاعد لان البدلات لا تحسب بعد التقاعد
يا اخوان الارزاق بيد الله لا يشيل الانسان هم اكثر من اللازم وقد يغير الله الاحوال في طرفة عين
ويبحث الانسان عن مصدر آخر في المساء يعوض عن ما فقد
لا يكبر الشيطان الامور في ذهن الانسان فيقوده الاحباط للامراض او الانتحار
بل تكن الصعوبات حافز لنا للبحث عن الحلول.

[طالع نسبه]

الخوف سيطر على قلوب بعض العباد

[The_Legend]

قصة جميله اذكرها لكم :

انا انسان طبيعي بس الشي الغريب محد يذكرني ، يعني ان جيت ولا رحت عادي جوالي يجلس اسبوع محد يدق علي ، صح تعبت نفسيا من التهميش بس
تعودت وصرت ماسولف مع احد ، ولا احب افرض نفسي ع احد ،انا موظف (حارس امن) الشهاده لكم عليها ، عندي عمي كبير العائله احبه حب جنوني و اقدره لرزانته وحكمته وتعقله ، واقاربي دايم يستشيرونه اذا عنده مناسبه ، اكون اول الحاضرين ، واصب القهوه والشاهي ، واهتم عشان مايزعل ، وكان في المناسبات يعتمد علي وكنت مبسوط لانه مايهمشني مثل البقيه ، أخوي الي اصغر مني تخرج ضابط ، وقررنا نخطب انا وهو من عند عمي ، تعرفون لما تحب انسان او تتعلق فيه وتنصدم منه صدمة العمر ، قال اخوك يختار من اكبرهن لين اصغرهن وانت مالك نصيب عندنا ، قلت : ليه ياعم ! ضحك قال منت بكفو ! سكت من الصدمه . اخوي انتظره يقول شي سكت يبي بنته الي يحبها ، بلعت الكلمه ومن بعدها جلست اسبوع اقوم اخر اليل اصرخ من القهر
لهدرجه محد يشوفني شي . طيب انا ماعمري اذيت احد وخدوم وبالاخير ماني كفو لو جت من غيره عادي بس عمي الي مربيني من بعد ماتوفى الوالد من تأثري بكلمته تركت الوظيفه ، واعتزلت الناس وصرت افكر بمستقبلي جامع مبلغ بسيط ، وقررت اشتغل في التجاره ، وبديت اشتري خضار ، وكنت اشتري احسن شي في السوق ، وانقص في سعر الربح ، العالم تدبل السعر وانا ابيع باأقل من النص ، عشان امشي بضاعتي، وصرت اتعامل مع الشريطيه يوم يضحكون علي ويوم اضحك عليهم ، صرت شاطر في البيع والشرا ، البضاعه الي اشتريها مايجي العصر الا وهي مخلصه ، سنتين وبديت افتح محلات خضار، ونفس البدايه مكسبي مايتعدا نص سعر البضاعه . تزوج اخوي ، وانا ماعاد رحت لعمي الا اذا جات مناسبه كبيره ، احضر واجلس مع الناس ماعاد اناقز مع القهوجيه ، بعد سبع سنوات من كلمة عمي صار عندي في كل جهه من الرياض اقل شي محلين خضار ، رصيدي في البنك يبطي عمي وعياله يجمعونه . شريت بيت لي وللوالده وخواتي في ارقى حي في الرياض ، جوالي اللي محد يدق عليه كل يوم معزوم وعمي مبسوط مني وصار يستشيرني دق علي وقال ترا جايك بكره قلت حياك وكنت عارف ليه جا ،قلت لازم استرد كلمته الي جرحني فيها وعطتني دافع اتغير ، جاني هو وولده يخطبون اختي وجايب معه أثنين من كبار العايله يبي يحرجني ، قلتله ابد البنت بنتك وولدك اخوي بس عندي شروط . قال وش شروطك : قلت المهر مية الف ، ولها بيت لحالها ، وشغاله وسواق . قعد يضحك ويقول تتكلم من جدك ؟ قلتله الي مو بكفو يلبي طلباتنا لايخطب من عندنا . انصدم وقال ماربيتك على كذا . الان اختي مزوجها امام مسجد في حارتنا وعمي اذا شافني داخل اي اجتماع او مناسبه يوقف ويرحب فيني وكذا مره يلمحلي يبيني اتزوج بنته واقول له ماني بكفو اناسبكم

[سكوري]

كلام جميل
لا يقود الاحباط الى الامراض او الانتحار

[noo way]

تعليقي على القصه
المفروض انه يحط عمه على راسه ويحترمه اكثر من الأول لانه بكلمه وحده فجر الخمول الموجود فينا
منت بكفو فعلا كلمه صغيره لاكنها غيرت ناس كثير

[أيمن خالد]

الرضا والشكر من أبواب الصلاح والتقوى
ومن امتلأ قلبه بهما هانت في عينه الدنيا وما فيها
الذين يكثرون الشكوى هم من يملكون الكثير لأنهم امتلؤوا بالدنيا
بينما نجد المرضى على الأسرة يكثرون الحمد لله ولا يشتكون من دنياهم
لأنهم عرفوا وأدركوا مقدار النعم التي كانوا فيها
وشعروا بعظيم فضل الله عليهم وتقصيرهم فلهجت ألسنتهم وسخروا أوقاتهم في الشكر والعبادة

البعض اعتاد على الشّكوى ،
وكأنها جزء من يومه وحياته ،
سواء يشكو من شيء أو لا .

عدم الرضا هو مرض في نفس الإنسان ،
وإن عاش في قصر فلن يقتنع ويرضى
بل تبقى عيناه إلى الخارج وما بيد غيره .

يجب أن نمتلك قناعات تُشبعنا وتروينا ،
دون النظر إلى الآخرين بأعين فارغة مُفترسة ..

....

جزاكِ الله خيرا ً وبارك في قلمك .

[الفارس الخفي؟]

جزاك الله خير

[raji]

اضرب 70 سنه بمعدل 5 مليون برميل بمعدل 30 دولار للبرميل او ببساطه اكثر اضرب 300 مليار في 70 سنه وشوف كم يطلع الرقم
ثم ثلاثه من كبار من يخططون لاقتصاد البلد يقولون بنفلس بعد 3 سنوات
وتبغى المواطن الضعيف مايخاف
هي وحده من الثنتين يانا مانفهم طبعا اقصد الشعب
او الرياضيات وجدول الضرب،والحساب اللي علمونا ايام الابتدائي والمتوسط والثانوي خطا وعشره ضرب عشره تساوي عشره

[Omarrr]

المفروض يكون البترول امر ثانوى بعد السبعين سنه، لكن ...!!!

[ابو زيد السروجي]

الرحمن على العرش استوى * له ما في السموات وما في الأرض وما بينهما وما تحت الثرى

لئن شكرتم لأزيدنكم

[ابوصالح ميكللي]

كلام جميل بس ما تدري التريليون وين راح !!

[المحلل]

قصة جميله اذكرها لكم :

انا انسان طبيعي بس الشي الغريب محد يذكرني ، يعني ان جيت ولا رحت عادي جوالي يجلس اسبوع محد يدق علي ، صح تعبت نفسيا من التهميش بس
تعودت وصرت ماسولف مع احد ، ولا احب افرض نفسي ع احد ،انا موظف (حارس امن) الشهاده لكم عليها ، عندي عمي كبير العائله احبه حب جنوني و اقدره لرزانته وحكمته وتعقله ، واقاربي دايم يستشيرونه اذا عنده مناسبه ، اكون اول الحاضرين ، واصب القهوه والشاهي ، واهتم عشان مايزعل ، وكان في المناسبات يعتمد علي وكنت مبسوط لانه مايهمشني مثل البقيه ، أخوي الي اصغر مني تخرج ضابط ، وقررنا نخطب انا وهو من عند عمي ، تعرفون لما تحب انسان او تتعلق فيه وتنصدم منه صدمة العمر ، قال اخوك يختار من اكبرهن لين اصغرهن وانت مالك نصيب عندنا ، قلت : ليه ياعم ! ضحك قال منت بكفو ! سكت من الصدمه . اخوي انتظره يقول شي سكت يبي بنته الي يحبها ، بلعت الكلمه ومن بعدها جلست اسبوع اقوم اخر اليل اصرخ من القهر
لهدرجه محد يشوفني شي . طيب انا ماعمري اذيت احد وخدوم وبالاخير ماني كفو لو جت من غيره عادي بس عمي الي مربيني من بعد ماتوفى الوالد من تأثري بكلمته تركت الوظيفه ، واعتزلت الناس وصرت افكر بمستقبلي جامع مبلغ بسيط ، وقررت اشتغل في التجاره ، وبديت اشتري خضار ، وكنت اشتري احسن شي في السوق ، وانقص في سعر الربح ، العالم تدبل السعر وانا ابيع باأقل من النص ، عشان امشي بضاعتي، وصرت اتعامل مع الشريطيه يوم يضحكون علي ويوم اضحك عليهم ، صرت شاطر في البيع والشرا ، البضاعه الي اشتريها مايجي العصر الا وهي مخلصه ، سنتين وبديت افتح محلات خضار، ونفس البدايه مكسبي مايتعدا نص سعر البضاعه . تزوج اخوي ، وانا ماعاد رحت لعمي الا اذا جات مناسبه كبيره ، احضر واجلس مع الناس ماعاد اناقز مع القهوجيه ، بعد سبع سنوات من كلمة عمي صار عندي في كل جهه من الرياض اقل شي محلين خضار ، رصيدي في البنك يبطي عمي وعياله يجمعونه . شريت بيت لي وللوالده وخواتي في ارقى حي في الرياض ، جوالي اللي محد يدق عليه كل يوم معزوم وعمي مبسوط مني وصار يستشيرني دق علي وقال ترا جايك بكره قلت حياك وكنت عارف ليه جا ،قلت لازم استرد كلمته الي جرحني فيها وعطتني دافع اتغير ، جاني هو وولده يخطبون اختي وجايب معه أثنين من كبار العايله يبي يحرجني ، قلتله ابد البنت بنتك وولدك اخوي بس عندي شروط . قال وش شروطك : قلت المهر مية الف ، ولها بيت لحالها ، وشغاله وسواق . قعد يضحك ويقول تتكلم من جدك ؟ قلتله الي مو بكفو يلبي طلباتنا لايخطب من عندنا . انصدم وقال ماربيتك على كذا . الان اختي مزوجها امام مسجد في حارتنا وعمي اذا شافني داخل اي اجتماع او مناسبه يوقف ويرحب فيني وكذا مره يلمحلي يبيني اتزوج بنته واقول له ماني بكفو اناسبكم

بصراحة قصة مؤثرة ما ادري حقيقة او خيال

وما توفيقي الا بالله

لكن موفق باذن الله

[أويس]

رد عليك اخ الصاعدي لانتقادك الشيبان وانه يجب تجديد الدماء بالشباب
والتقى ترمب أمس الخميس وزير الخارجية الأميركي الأسبق هنري كيسنجر 93 عاما للاستماع لرأيه -على ما يبدو- في ما يتعلق بالسياسة الخارجية ومنصب وزير الخارجية

عجوز يستشير طاعن بالسن اليهودي كسينجر !!

[الكلاسك]

ابو حازم
بعيدا عن الموضوع
حدثنا عن تجارتك في العملات
اشوفك ما تجيب لها طاري
هل هي مجديه في هذه التقلبات الرهيبه
وما ذا تنصح لمن يريد خوض التجربه
بمبلغ صغير للغايه
تحياتي