الله يحييك اكثر يامعلم .... ههههههه الطاقية لابسينها من زمان الحين وقت الشمغ
انا اطلع اقفل الجلسة واجرد المستودع هههههه وانت يابو محمد تطلع وقت نقليط الرجاجيل
الله يحييك اكثر يامعلم .... ههههههه الطاقية لابسينها من زمان الحين وقت الشمغ
انا اطلع اقفل الجلسة واجرد المستودع هههههه وانت يابو محمد تطلع وقت نقليط الرجاجيل
حبيبي المرقم : خلنا نشوف وش اخرة (( ذالبطانيج )) ويصير خير ... السيولة الى الان مش بطالة فوق 4 مليار !! المشكلة في البتوك انا مستغرب جدا منها
وراها شي مثقلها سامبا تحت الـ 22.5 مشكلة .. الراجحي تحت الـ51.25 برضه وغيرها تحت الدعم اللي عليه الكلام ... نشوف وشلون يلعب فيها الزعيم !
من أمس وانا ملاحظ تصريف وجني الارباح ..
الوضع مايطمن
الروس يهددون
الله ينتقم منهم
حيا الله أبوطارق وصبحكم الله بالخير جميع
اليوم الزعيم محيرنا ويلعب باعصابنا وهذه الحركة دائما أخسرها أنا معه لكن مالها الا قفل الكمبيوتر والشاشات اليوم وقطع كل وسائل الإتصال معه خلال الثلاث ساعات القادمة وإن كان لنا رزق الله بييسره.
أخي نو واي
الوضع له سنين مايطمن وليس بجديد
خذ نصيحتي وقفل كل مصادر الأخبار وتابع الاخبار الاقتصادية فقط
اليورو كسر ١٠٦
ما انصح بسوقنا الدولار يزداد قوة
الأخ الغالي والاستاذ القدير alharbi الله يمسّيك بكل خير أنت وكل الأحباب
وعسانا أجمعين ممن تطول أعمارهم في طاعة الله ...
أبشكي لك يا طويل الذراع من خوينا اللي أنت خابر ...
أتصل عليّ قبل شوي إلا وهو يصيح ( ياربااااه )
قلت له : الله يبارك فيك على بالي إن ( صيحته الآنفة الذكر )
مباركة لي بفوز الزعيم على الليث البارحة
قال : زعيم إيه وليث إيه اللي انت جاااااي تئول عليه ..
قلت : عسى ماشر يا الغلا !! إلا وهو يعلمني بهرجه المعتاد ...
- و طبعًا كما تعرفون أنه يموت لو يفوته برنامج جرس الاغلاق -
المهم يقول إنه رأى يوم الخميس الموافق 26 / 11 / 2015م
سعر سابك على الشاشه بـسعر 82.50 ريال
وسمع لارا المذيعة تقول : ونرى اغلاق سابك على استقرار بـسعر 89.75 ريال !!!
قلت له شف ياخوي المره الأولى وجت معك لكن هذه المرة تكفى لا تفشلنا مع الرياجيل ...
رد عليّ بالعبارة المشهورة قائلًا : كلامي هذا - ليس توصية ببيع أو شراء -
ففي ظنك يابومحمد ولايهون الاخوان إني أقول :
ليتني بعت بالتسعين والربع
أو أني باصيح مثله واقوول - يا ربااااااه -
احلامك تخوف اخ مرحرح
اعتقد لك حلم سابق أيضا هبوط وتحقق
لاتنسانى يالحبيب باحلام الصعود
والله يجزاك خير
السلام عليكم ورحمة الله وبركاته
وصبحكم الله بالخير جميع
أخي الغالي الأسهم النقية لاشك متابعة الأخبار مهمة ولكن عندما تزداد سلبيتها ويعاكسها السوق فان ذلك يعني تحرره من تأثيرها وهذا ماحدث عندما قامت تركيا بإسقاط الطائرة لم يتجاوب سوقنا سلبا مثلا بينما في هذه الحالة تجد السوق يبحث عن اي شيء ايجابي ويتفاعل معه .
أخي الحبيب المرقم
الدولار سوف يكون أقوى عند رفع الفائدة الشهر القادم وسوف ترى اليورو يساوي دولار قريبا وهذا ايجابي لريالنا المرتبط بالدولار
استاذنا الغالي المرحرح
أعتقد والله أعلم أن هذا الحلم من تأثير الإستراتيجية التي أستخدمها الزعيم وقد أشرت اليها في 17 نوفمبر في رد لي على أبوطارق . وهي استراتيجية الصدمة والترويع :d وأعتقد هذه الأحلام طبيعية وهي من تأثير الصدمة
ولكن أنت تعلم أن لايوجد أحد يشتري بأقل سعر ويبيع بأعلى سعر ولذلك السوق خذ وهات وكل شيء محسوب . والطماع الحذر نصيبه أكبر. ومن خاف سلم من مكسب ومن خسارة .
الغالي أبوطارق
بيض الله وجهك كل شيء واضح على الشارت جزاك الله خير على ماتبذله من جهد وبعد تحول السوق الان فان نقاط الدعم تزداد قوة وأقواها 7140 التي وصلها في 11 نوفمبر وتراجع منها وعاد لكسرها في 22 نوفمبر اما الدعم اليومي 7180
الله لايحرمنا من رايك اخي الحربي
ومشكووور على المتابعه والتطمين
السلام عليكم ... صباح الخير للجميع..
السوق لازم يجني أرباحة (( المضاربين للاحاطة )) يعني الان هو عند الـ7274 .... مو معقولة يمر من عند الـ7250 بهالسهولة .
للتنبيه فقط للمضاربين .... الله يوفق الجميع
ماقصرت يامعلمنا الكبير الحربي الله يرزقك رزقا حلال من واسع فضله انه سميع مجيب.
صبحك الله بالخير يا أباعمر
في الحقيقة السوق صحيح يحتاج جني أرباح وهذا متوقع في أي لحظة ولكن دعنا نرى الوضع والكلام في هذا الموضوع لايخدمه بصراحة لأنه سوف يشوش على المتداولين.
هناك شيء محير بالنسبة لي وهوقطاع المصارف الاسلامية الذي لم يتحرك والذي يعد هو المستفيد الأول من رفع الفائدة أعتقد سوف يكون له دور رئيسي في ثبات السوق في الأيام القادمة ...
الدعم 7180-7200 ليس بسيطا يا أباعمر
"وأرجوا ممن يقرأ هذا التحليل أن لايعتمد عليه بتاتا ماهو إلا توقعات خطئها أكثر من صوابها والله أعلم "
أخي الحبيب أبوطارق اللهم آمين ولك بالمثل
هلا وغلا بالمعلم .... المصارف الاسلامية لاتستفيد من فائدة السندات الحكومية ، والامور تمام يامعلم .. البترول هو اللي محيرني ، المفترض أنه يولع فوق بسبب التوترات في المنطقة ..
لو الامور السياسية في المنطقة مستقرة : لشفنا هدف ابو طارق 7350 ، ولكن جني الارباح والقلق المستمر هو الذي يشوش على رؤوس الاموال ..
ياجعلنا ما نفقد شوفتك يابو محمد ..
الزعيم اليوم مزاجه رايق
ياخذنا على قد عقولنا
السوق بدأ في الهدوء يا أبوعمر ونشوفكم على خير إن شاء الله بعد كسر 7333
أما لوكسر 7161 الظاهر بانحاش ولا بطلع إلا بعد الميزانية
هههههههه
هلا بالغالي ابو محمد ... وهلا بالجميع
السوق فيه سكون غريب ، وكلامك يروع يابو محمد .. لكن الاتحاد الاوروبي(( رصص الكفرات )) ومرتاحين مع الزعيم !!!!
خلنا نطقطق معه حول القيعان ، وبيسهل الله سبحانه وتعالى الامور ... طلااااااتك يامعلم (( ولايهون الجميع )) في عين الاعتبار والتقدير
ماعنده غير الهروب للامام
المفضلات