شايف ان المنتدي بدأت فيه نوع من مفاضلة محللين ...كما احيانا تكون في مفاضله بين شيوخ الدين ...تحصل كل واحد مختار له شيخ ما يسمع لغيره ويستشهد فيه في كل حوار .
لايوجد بشر معصوم ولا كامل الا الله ....
حقيقة قد يكون هناك محللين افضل بعضهم على بعض لكن في النهايه اي محلل ليس له لدي سوى اضافة تحليله الى حقيبة المعلومات اللتي احللها انا لأجد الحل الامثل لي انا شخصيا ...ومن ثم اتخذ قراري بنفسي .
احس احيانا بعض المتداولين ياخذو تحليل او توصيه غميضي على اساس انه الشخص من الثقات وبعد كده يسب ويلعن في كل شيء قريب او بعيد اذا خسر .
تصدقو من يوم دخلت السوق عمري ولا حتى مره واحده القيت اللوم في خسارة ريال واحد على اي احد غير نفسي...عمري ما اشتريت سهم على توصيه عميانيه من احد..كل ما اتداوله اتحمل صوابه وخطأه ز
اذا اردتم ان تعلمو مين عمنا كلنا ههههههه
هو صانع السوق ...ياخي واحد مجرم ثعلب مكار ما تشوف حرافته الا بعد ما يرسم الصوره ...كلنا نحاول نكفشه لكن احس دايم هو اللي كافشنا
تصدقو زمان ما اذكر لكن بعد 2006 واحد كتب موضوع في احد المنتديات كان كاتب ان السوق اغلق في هذا اليوم نفس اغلاقه في نفس اليوم قبل بالضبط سنتين ...قلت في نفسي يلا طييييير ورحت فتحت تداول ولقيت اقسم بالله العظيم ان كلامه صحيح ...والله ما افتكر كم بالضبط لكن كان الاغلاق الى ثاني فاصله ...حاولت اطلع الايام ثاني الان وما قدرت ..لكن ان ما خابتني الذاكره كان الاغلاق 10153.53 ...طبعا انا قلت هذا لازم يكون عنده برنامج كمبيوتر يقفلله السوق على مزاجه ههههههههوكل شويه ارقام مميزه 15999.99 ان تذكرون.
عموما اللي يقول السوق عشوائي وماله قوانين وياكا ياكا ..احب اقول له سوقنا يمشي بمسطرة عمه .
نرجع للموضوع الاساسي ...بلاش نصير منتدي مثل المنتديات الاخرى ونتهاوش على مين افضل محلل ولكن خلونا نشكر من اصاب ولا نذم من لم يصب على اجتهاده..
ماشاء الله المنتدى فيه ناس فطاحله صراحه ...وهنا ما يجيني صداع زي المنتدى الاخر اللي صار كأنه حراج سيارات
المفضلات