الله يحفظك يالامير
وتعال تعال ابيك
انت شفت لك موضوع تقول اخر موضوع ومدري ايش
ترا محد سامح لك تروح
الوقت اللي تشوف نفسك فاضي ومروق شارك معنا بالمنتدى ترى تواجدنا هنا نفيد ونستفيد كلنا
واذا الان تشوف نفسك مرهق او عندك ظروف ريح كم يوم وتوجع غزال لنا ان شاء الله ياغالي
يجيك مني رد وافي كافي ان شاء الله ونصيحتي لك لاتفك سهم واحد منها الان وتثبت خسارتك وصعب تعوضها بعدين ترى اذا خسارتك ٣٠٪ الان تحتاج لتعوضها حدود ٥٠٪ وصعب التعويض مع الضغط النفسي
والسهم ممتاز ولكن انت دخلته في قمة وسيعود لها ان شاء الله
وترى كتبته ضمن القائمة اللي انصح بها اعلاه خلك بسهمك وسأعطيك مالدي عنه ان شاء الله هاليومين اما في هالموضوع او موضوع مستقل وفي اقرب فرصة ان شاء الله
بارك الله فيك ورحم الله والديك . نعم الرجل الناصح.
جزاك الله خير أخوي أبو ضاري .. ولله الحمد من خاواك ما خاب..
الله ﻻ يهينك . والله النفسية ماش ..
لكن العوض عند الله .
وﻻ نستغني عن رأيك تكفى .
البيع شيلوه من اذهانكم ياخسرانينز
بعد افتتاح البترول الليلة نقدر نحدد هل نبقى ام نخرج غدا
وجهة نظري ان البترول الليلة سيفتتح على ارتفاع ان شاء الله والاسباب كثيرة
لذلك اللبدة ياحلوين
جزاك الله خير
بااارك الله فيك وفي جهودك
السلام عليكم ورحمة الله وبركاته
ممكن تعطيني موقع مميز لمتابعة اسعار البترول
ابشر وانا اخوك مايحتاج تكفى
انا شرت عليك ونصحتك قبل امس ان تمسك سهمك مجموعة الحكير لان خسارتك كانت كبيرة والسهم فقد الكثير من سعره خلال فترة بسيطة وكان لابد يرتد شوي
وامس الحمد لله اغلق على ارتفاع قرابة ٥٪ ونصيحتي لك كما كانت ابقى بالسهم وابشر ان شاء الله اعطيك وجهة نظري كاملة حول السهم بس عطني كم يوم ان شاء الله
مشكور والله يجزاك خير
ان شاء الله اتوقع ان تحقق شركة سابك ربحية للربع الثالث ٢٠١٤م بمبلغ ٦ مليار و ٨٠٠ مليون ريال حولها وحواليها قد تزيد او تنقص ب ٥٠ مليون او مايقاربها والله اعلم
مع ان تحقيق سابك لربح ٦ مليار و ٦٠٠ مليون يعتبر ممتاز لو تحقق ان شاء الله ولكن يغلب ظني على ان نرى المبلغ اللي ذكرته في الاعلى ان شاء الله تعالى والله اعلم
اللي يهمنا اليوم الاثنين هو مالذي سيكون عليه سعر البترول اللي سيفتتح بعد قليل واتوقع ان يكون ايجابي ان شاء الله ويكفينا ان يستقر فوق ٨٦ دولار هالايام ان شاء الله مع اني ارجح ارتفاعه ان شاء الله
وحتى هذه اللحظة نصيحتي كما هي وهي الاحتفاض باسهمنا والخسرانين عدم البيع بخسارة وتأكيد الخسارة فعلياً واي جديد ايجابي او سلبي سيكون امامكم مباشرة ان شاء الله في هالموضوع والله يرزق المسلمين من واسع فضله ان شاء الله
الله يسعدك .. لقيت واحد يقول في أمل
الله يكثر من أمثالك .. ويعطيك العافية .
افتتح النفط قبل دقايق والحمد لله الان على ارتفاع ماشاء الله واللهم زد وبارك وسعر خام برنت الان 86.63 دولار مرتفعاً من اخر سعر اغلق عنده يوم الجمعة الماضية عند86.21 دولار
ولكن لازال الوقت مبكر لنحكم على الايجابية ولكن الصباح ان شاء الله قبل افتتاح السوق بساعتين تكون الامور قد اتضحت وان شاء الله فالنا كل خير
وتصبحون على خير ان شاء الله
هلا وغلا بعمدتنا ابو سهيل
انت استاذنا ياغالي ربي يرفع قدرك
نعم ياغالي من ناحية مالية واقتصادية فليس هناك مايخيف كما يصور ذلك في الاعلام الذي اهدافه معروفة والمفترض لانصدق مايردده من يخرجهم الاعلام ليوجهون الناس ويوحون لهم اما بايجابية بدون منطق او سلبية مخيفة ايضاً بدون منطق
والامور طيبة ان شاء الله حتى الان
اما كتحليل فني او رقمي فهذا انتم ادرى به كمحليين فنيين فاخوك لايجيد التحليل الفني ابداً ورحم الله امرأ عرف قدر نفسه
وكل مواضيعي تحليل اساسي ومالي فقط
تبي اقولها يالامير بصراحة والله اني ارى ارهاصات طفرة كبيرة ان شاء الله ويلغي كل ماذكرته ان حدثت امور سلبية كبيرة وحقيقية ليست موجودة الان ان شاء الله
يوم الاحد الاسبوع الماضي هبط السوق 700 نقطة ويوم الاثنين ارتد اكثر من 200 نقطة ووصل سهم المراعي للنسبة العليا
تدري كم كان معروض سهم على النسبة العليا لسهم المراعي ؟؟؟
فقط مايقارب 14 الف سهم معروضة على النسبة العليا
تخيل شركة اسهمها كثيرة مثل المراعي لايعرض على نسبتها العليا الا هالطفسة الصغيرة من الاسهم
وجهة نظري لتفسير ذلك هي ان السوق يجفف من الاسهم والله اعلم وقد اكون مخطئ تماما
نورت الموضوع يا ابو سهيل رفع الله قدرك ان شاء الله دنيا واخره
الله يعطيك العافة ويكثر خيرك
والأساس هو الأساس وانت أساس .. نحتاج نظرتك أكثر من التحليل الفني
لإن التحليل الفني احتمالاته متعبة وكثير ما يتم كسرها بخبر سيء أو حتى قراءه خاطئة من الشخص .. لكن الأساسي والمالي ميزان احتمال خطاه يكون قليل أو معدوم
وطالما أنك ترى الخير فبشرك الله بالجنة خير من الدنيا ومافيها .. وجزاك الله عنا الخير .
بارك الله فيك.
تفاؤل في محله بإذن الله .
الله لا يخيب رجانا ورجاك.
شمعة أمل من الشموع القليلة في سوق مفتعل فيه الظلمة.
الله ينوّر دربك ودرب كل مسلم.
تحياتي
ياالامير
لاتفكر تبيع ان كنت تبي الشور الطيب تراني ناصح لك ان شاء الله
تخيل انك بعت الاحد كم كانت ستكون خسارتك
وانظر بعد اغلاق الاثنين كم ارتد سهمك من السعر اللي وصل له بالاسفل
انت خسرت ٣٠ ريال ياذيبان في نزول السهم السريع والان في يومين من فضل ربي عليك تقلصت خسارتك بمايقارب ٩ ريال
والسهم ياغالي خذها من النهاية ان شاء الله سيرجع لاسعاره اللي هبط منها ان شاء الله ولكن يحتاج وقت شوي حتى تكتمل مشاريع الشركة الحالية فلديه ٣ فنادق سيتم افتتاحها هالربع الرابع ان شاء الله ونشاط الشركة امن وسهم دفاعي نمبر ون ولايتأثر بنزول بترول او طلوعه
وسيكون من الاسهم الاولى التي سيتجه لها الاجانب ان شاء الله
انا ترى والله متابعه لك ولو رأيت ان الافضل لك تبديله بسهم اخر سأخبرك مباشرة ان شاء الله لكن خل السهم يطلع ويستقر فوق ال ٨٠ وبعدها ابشر اشوف لك سهم يعوضك ماتبقى من خسارتك بسرعة ان شاء الله
سعر السهم العادل ان شاء الله في ظروف طبيعية مثل الظروف الحالية سيكون على الاقل فوق ٩٠ ريال في الشهور القريبة القادمة ان شاء الله
اذن خلاصة شوري عليك هو ان تبقى بالسهم هاليومين ولاتوتر نفسك واذا استقر فوق ٨٠ ساعطيك سهم تبدل الحمادي به ويكون اسرع بالارتفاع ان شاء الله
وفقك الله وسدد خطاك يابن الشيوخ
المفضلات