المليادير..والأسهم..والزخم

[On Time]

في استراحة طحاطيح (جمع طحطوح وهو الشخص المقرش)..

كان حوار متعصّب عن الهلال والنصر .. وكان الملياردير الهلالي يزبد ويرعد

والنصراويين شابين عليه....وهو بلحاله تقل عشرة ديمن تك...وأنا اللي أنّط وأردف العشره..(بصفتي ولد ديمن)

من هنا بدأت تقوى الصحوبيّه اللّي كانت عابره مع الملياردير..

عزمنا في المنصّه في استاذ الملك فهد..كان معي تسعه من الشلّه..وجينا متطيّبين ومتبخرين

وصفّينا مع الكباريه...

(ماقصرت يابوتركي.....كلّفنا عليك بتذاكر المنصّه )...
والتفت علي ( أي تذاكر..كلّها تجي هدايا من النادي......اللّه يقطع ذا الزوري ياهو نكبه)

وبعد الفوز الهلالي اقترح علي أخاويه بيروت نحتفل بفوز الأزرق هناك..قلت( تم)
وقال الحجز أولى وحاجزين سويتات في
لارويال و تراك محفول مكفول...وأنا اللّي أرفض وبشدّه...(يعقب وش شايفني
خوي عنده!!؟؟)

وفي بيروت عرفت أن تذاكره وشلّته جايته بلاش...والفندق معطينه السويت بلاش ..يقولون لأنّه لعّيب!!!

يومها حسيت بـ غلقه...وتكّه...وغبن...

الطفران يدفع..والملياردير بلاش!!!!؟؟؟؟؟!!

وفي ذات سهره ...رن جوال الطحطوح..هس هس هس
وعالسبيكر..
(بشّر يابوتركي عسى القصيم الزراعيه معك!؟)

(أبشرك..راكبين قدّام..ومكثرين)

(من بكره بتبداء النسب ..بلّغ من يعّز عليك)

(كفو تقول وتطول ياوحش الشاشه)...

حتى في الأسهم ...كل شي ببلاش!!!!

(هلا ناصر -صديقي راعي أسهم وخسران_ بع اللي عندك واشر القصيم)
هذا أنا اللي اكلّم

(أيه ولاتنسى بلّغ كل العيال...أنا بحط الكاش كلّه قصيم)


ومن باتسر....وبعد ما تقضّينا قصيم..ارتفعت نصف ساعه

ثم نسبت...بس ...تحت...!!!!
وفي ذات سهره وعالسبيكر مع وحش الشاشه..
(وش السالفه ياوحش ..وراكم دحدرتوا بالسهم ههههههههههههههه)
(كنّا نبي زخم ياحلو)
(والله انّي حسّيت وبعت النص ههههههههههههه)
(حلو أجل كل مانزلنا أشتر برخيص...ههههههههه)
وقفّل...

وكلّنا بصوت واحد ..(وحنّا وش بيصير علينا؟)
رد الطحطوح...(هههههههههههه أنتم الزخم.....لاتبيعون انتظروا )

وقتها بس عرفت ليش سوقنا الى الأن مابعد قبلوه مع الأسواق الناشئه..!!
وعرفت أن في هالدنيا مايحاسب ويدفع الثمن الا الطفارى..
ولّأ الطحاطيح.. كلش بلاش ...ويحبّون يلعبون بـ الزخم!

زخم..غلقه...تكّه ...غبن...مترادفات.!!!

[Fahad]

هذا الموضوع بهذا الوقت مثل موضوعك السابق دعم تاسي القادم في وقت الكل يرجف
المزاج نسبة بدون دعم ولا مقاومات
الله يسعدك ابو بدر

[On Time]

هذا الموضوع بهذا الوقت مثل موضوعك السابق دعم تاسي القادم في وقت الكل يرجف
المزاج نسبة بدون دعم ولا مقاومات
الله يسعدك ابو بدر

كل عام وانت بخير مديرنا
لاجعلك الله زخما لطحطوح

[عبدالله المفلح]

هذا الموضوع بهذا الوقت مثل موضوعك السابق دعم تاسي القادم في وقت الكل يرجف
المزاج نسبة بدون دعم ولا مقاومات
الله يسعدك ابو بدر

هههههههه

وانا بعد اكررها الله يسعدك يابو بدر

[croom]

المشكلة ان من يحرك الزخم العاطفة

[محمد بن صالح]

عاااد الزخم الى المنتدى بعودتك يابوبدر تحياتي لك

[Ranger]

الي فهم من الزخم شيء يفهمنا
اما الكبار فعارفين ان حتى فواتيرهم مايدفعها الا المالية

[((باريس نجد))]

طيب فهمتها اشتري بالقصيم الزراعيه

[ابن طواله]

اهم شي من باتسر جازت لي
وفعلاً تم تنضيف السوق من ما ذكرت .. عدا كم متمرد هم في تهامه الحين

[On Time]

هههههههه

وانا بعد اكررها الله يسعدك يابو بدر

ويسعدك اخوي عبدالله

[On Time]

المشكلة ان من يحرك الزخم العاطفة

صدقت ..ونوّرت يابدر

[On Time]

عشت اخوي محمد
كل التحايا لك

[On Time]

هو مصطلح في التحليل الفني

وله مؤشر خاص فيه

momentum

يعني أخو الماكد بس من بعيد

[On Time]

طيب فهمتها اشتري بالقصيم الزراعيه

يلوموني في وكر الصقور

[On Time]

اهم شي من باتسر جازت لي
وفعلاً تم تنضيف السوق من ما ذكرت .. عدا كم متمرد هم في تهامه الحين

تدري يالشيخ حسب تصنيف الأسواق..ان سوقنا لوكان نادي..يكون في أي درجه ؟


نادي حواري


ما امزح

[elliot]

تدري يالشيخ حسب تصنيف الأسواق..ان سوقنا لوكان نادي..يكون في أي درجه ؟


نادي حواري


ما امزح

ذكرتني بأيام جميلة كنا نمد سلك لإنارة الشارع ونسرق كهرباء لكشافات ملعبنا الترابي حتى نستطيع
اللعب في ليالي رمضان الجميلة . كل شيء في الحواري يعتمد على الترقيع ولكن ترقيع الحواري له
سبب رئيسي وهو قلة الإمكانيات المتاحة !
اما شغل الحواري (الترقيع) في سوقنا فهو مقصود بل هو عملية ممنهجة ، لأنك لو وضعت نظاماً
صارماً يسري على الجميع بدون إستثناء ، وقانون يحمي المتعاملين من تلاعب حنشل السوق فلن
يستطيع حواميرنا أن يسترزقوا من السوق بنفس الطريقة السائدة حالياً .

انا أذكر هذا الكلام وأعرف ان الأمور تطورت كثيراً عن الماضي ولكنها لم تصل إلى الحد الأدنى
المأمول .

كل سنة وانت طيب وعيد سعيد بمشيئة الله عليك وعلى جميع المسلمين .

[صديق المضاربين]

كل عام وانتم بخير جميعا لا جعلكم الله زخما في سهم ماحييتوا يااخوان

[دانة نجد]

موضوع جميل بس السؤال هل هذه الطريقة من صيد "الزخم" جائزة شرعا أم لا

[On Time]

موضوع جميل بس السؤال هل هذه الطريقة من صيد "الزخم" جائزة شرعا أم لا

الفكره هي أن الزخم لايعني التعليقه

الزخم هو القوه الكامنه للحركه للأمام


التعليقه هي الحركه للخلف..

ولاننسى أن أبوتركي يقول لا تبيعون
وهوصادق..باذن الله...بس انّه فلّأوي

[On Time]

(هلا ناصر وش عندك؟)

(ياخي تعلّقنا وش الدبره؟؟)

(ماتعلّقنا ولاشي,,,, قلت لك الرجّال يقول صرنا زخم)

(نفس الشي سعيد أخو مبارك)

(أبدا....موب نفس الشي ...ما تتابع أعمال الخليج .!)

(الا ليش؟!)

(شف فيه موضوع لـ on time عن الزخم)

(شفت حتى أون تايم صار يذب على أبوتركي)

(ياشين الفداغه...أون تايم يقول ان الزخم يتبعه ارتفاع قوي بعكس التعليقه يعدها دحدره)



(يارجّال شكل أون تايم من شلّة أبو تركي)


(بيني وبينك حتى أون تايم هلالي)

[علي العثمان]

الفكره هي أن الزخم لايعني التعليقه

الزخم هو القوه الكامنه للحركه للأمام


التعليقه هي الحركه للخلف..

ولاننسى أن أبوتركي يقول لا تبيعون
وهوصادق..باذن الله...بس انّه فلّأوي

هلا والله احد جاب سيرتي :d

يقولون بعد حسبتهم طلعنا في بحر 13500 وحنا مو داريين وهذه غيرت المعادله


وكل عام ونت بخير

[الربيع]

باذن الله تنعكس هالقوة الكامنه على محافظنا ... موفق خير بحول الله

وكل عام والجميع بخير

[On Time]

هلا والله احد جاب سيرتي :d

يقولون بعد حسبتهم طلعنا في بحر 13500 وحنا مو داريين وهذه غيرت المعادله


وكل عام ونت بخير

عيدك مبارك أخوي علي

أختلف معك في الحسبه....
وللعلم اذا كان بعض المتداولين توّهم يدرون
فـ الصنّاع العلم عندهم من البدايه..

[علي العثمان]

عيدك مبارك أخوي علي

أختلف معك في الحسبه....
وللعلم اذا كان بعض المتداولين توّهم يدرون
فـ الصنّاع العلم عندهم من البدايه..

اخوي ابو بدر كم على حسابتك الان المؤشر للاهميه والاهم مقدار الفارق الزمني 118 جلسه تداول

انا على حسابتي طلع 13993

وياريت اذا امكن طريقه الحسبه تحملني شوي الموضوع شاغلني

[On Time]

اخوي ابو بدر كم على حسابتك الان المؤشر للاهميه والاهم مقدار الفارق الزمني 118 جلسه تداول

انا على حسابتي طلع 13993

وياريت اذا امكن طريقه الحسبه تحملني شوي الموضوع شاغلني

أنت تحسب بالزمن...والقاعده في التحليل الفنّي تشير

الى أن المحلّل يتوقع الحدث ولكن لا يعلم متى وقوعه...وهذا يشرح مناطق الحيره في الشارت أو بعض ا
المسارات الجانبيه ..والتي يتبعها ترند بعد خبر وكأن الشارت ينتظر الخبر الذي لايعلم توقيته..

وأنا هنا لا أنكر محاولاتك في التحليل الزمني الغير مسبوقه...ولكن أشك في مدى دقّتها..

عوده الى تاسي... وأنسى الحساب الزمني ولنركز على حساب القيمه للمؤشر وما طرأ لها من تغيير
وهذا هو المهم بكل تأكيد ...فأنا يهمني كم المبلغ الذي تملك الأن وليس من متى وأنت تملك هذا المبلغ !!
سأعطيك طريقة تفكيري وأترك لك الباقي..

في 2007 حصل اعادة هيكله للمؤشر باستبعاد الاسهم المصدرة للمؤسسين ومن يملكون اكثر من 10 %

اذا ليس من الحكمه أن نحاول أن نرفع من قيمة المؤشر بعد 2007 أيا كانت المعادله...

بل الأولى أن تخفّض قيمة المؤشر قبل 2007 وذلك باستبعاد قيمة الأسهم المستبعده..


هل وصلت الفكره!!؟؟؟

[علي العثمان]

وصلت الفكره وشكرا على الاجابه

من خلال تجربتي بالتحليل الزمني استطيع ان اقول انه يصيب بنسبه كبيره جدا وفق المعطيات اذا كانت صحيحه وان لم يكن التحليل الزمني مجدي لما تبين لي فروقات زمنيه في البيانات فلطالما كنت احلل يظهر لى خطاء ومو راضي يمشي ويركب الزمن والسعر بعلاقه رياضيه مع المؤشر اما الاسهم واقرب مثال تبوك ز ودقه الدخول قبلها بيوم و سهم سابك والعالميه وكثير من الاسهم التى اعطت اشارات زمنيه واضحه جدا بالنسبه لى في وقتها فهي لاتكذب باذن الله متى كان التحليل صحيح

ومن له حيله في هذا السوق ولايملك المعلومه فليحتال

وتقبل تحياتي

[مشغول جدا]

اللي يزينها أني مافهمت شي .................. يالله الحمد لله ... معبييين للآخرة وبنشوف وين نرسي

[الزاوية]

من العايدين ومن الفايزين

شيخنا ابو بدر
بعيداً عن الاسهم و حسبتها
الموسم السابق النصر .. ابعد المدرب
تتوقع الموسم الحالي من .. يطير الرئيس

[رائد الحربي]

كل عام ونات بخير ياراعي الونيت وقبلها الكابرس ههههه
التهدئة اللي تكلم عنها يبوبدر دايما تحصل في المضاربات اللحظيه للتجفيف ويكون نزول بدون كميات ويعقبها صعود بدون كميات
سواها راعي الشرقيه بعد ماطلع للسبعين ونزل لاثنين وخمسين
وتطول احيانا لدرجة انك تنتظر برا وتقول ماظنه بينزل !!!! لكن خلاص صرنا نقفل ونام من القيعان اريح

[دايم أخضر]

سعادة الدكتور أبو بدر

يعلم الله أني أحبك في الله

ومواضيعك تمتاز بنكة خاصة من ابداع أون تايم