انا لو مكان سامي الجابر ويش بسوي

[شريطي]

بحط العشره مليون كلها بالسوق خمسه وخميسه

5مليون المعرفه
5مليون اسمنت الشمال


وبطلت كوره ولا وجع راس

[بروكر]

يالله حيه يالله حيه
نورت الدار ياشريطي

[نبض الوسطية]

عز الله اخترت سهمين حلوين

[مشعل الخير]

يا شريطي الله يصلحك

ماله إلا البنتلي

والــــ 10 مليون لنادي الهلال على / 4 سنوات بواقع 2.5 لكل سنة

وعموماً منور المنتدى وتوصية موفقة يارب

[aboragad]

يا شريطي الله يصلحك

ماله إلا البنتلي

والــــ 10 مليون لنادي الهلال على / 4 سنوات بواقع 2.5 لكل سنة

وعموماً منور المنتدى وتوصية موفقة يارب

العشرة هذي غير العشرة اللي بياخذها سامي من الهلال بسبب الشرط الجزائي

[جبر بن جابر]

لاتخاف ان اتوقع محفظة سامي لاتقل عن

100

مليون

[ابو زيد السروجي]

قمة اللكاعه : لو تعاقد النصر مع سامي الجابر كمدرب للنصر للموسم القادم : )

[الأشم]

يعني ما تنصحه يحط شيء في معادن ؟

[alsaadi]

بالامس يقولون الشرط الجزائي راتب شهرين فقط
وهذه الراتبين ما تجيب مشروع
افضل حل لقرب رمضان والحج انصحه يشتري حافله 14 راكب ويكد عليها
لا تقل اليوميه عن 500 ريال في المواسم و 200 في الايام العاديه.

[طالع نسبه]

مشكور والله يجزاك خير

[alhabyb]

بالامس يقولون الشرط الجزائي راتب شهرين فقط
وهذه الراتبين ما تجيب مشروع
افضل حل لقرب رمضان والحج انصحه يشتري حافله 14 راكب ويكد عليها
لا تقل اليوميه عن 500 ريال في المواسم و 200 في الايام العاديه.

شكلك مجرب يالزيدي ههههههههههه

بس اللاحظ انك دائم التهكم والتقليل من الآخرين .. أعانك الله على الذنوب

[alsaadi]

الموضوع كله مزح
والا الرجل ثري ولا هو في حاجة للعمل
وغالباً هؤلاء المشاهير لديهم عقارات ولا يحبون التعب وادراة المشاريع.

[رولر]

انا لو مكانه اترك السعوديه وارجع للديره ولاعشره مليون اشيل اكثر من 12الف متر منطقه مختاره بعنايه واخصص منحل واجيب افضل النحالين وصدر عسل جبلي محترم ....

افضل مليون مره من الاسهم ...

بكره لو تنهار معادن والشماليه تحت اي ظرف ما يلحق يبيعها بنص راس المال.....

اليمن وانتاج عسل والله ان ينسى شيء اسمه كوره ..

[مشعل الخير]

العشرة هذي غير العشرة اللي بياخذها سامي من الهلال بسبب الشرط الجزائي

أجل الله يرزقه

ويكفيه شر العين

[امير نجد]

هههههههههههههههههههههههههههههه
سامي مشاء الله تبارك الله من الناس الملسونين
وعاد سجل عندك كسب ود كبار الامراء
للمعلوميه احد اصحاب السموالملكي صغير با السن
وتوه جايه ورث ابوه ويقول بعد انه ماكول نصفه
سبق انه اعلان
انه بيدعم سامي كامدرب بما لايقل عن 500مليون
علشان شراء اللاعبين

[سهم الغد]

وين الغيبه يا شرطي نبي توصياتك الواضحه ما نبي خبو

[Brave Heart]

ابو عثمان ما غيرة؟؟

وين ايام البالتوك وبداية الطفرة 2003

[AZIZ]

أتفق معك مدينة المعرفة ستكرر سلسلة من الارتفاعات ان شاء الله


كما حدث على جبل عمر ، اجتماع الجمعية الشهر القادم.

[البتاااار]

اللي عنده عشرة مليون

مو مثل الاخوين ا... غ اللي عندهم 500 مليون

يالله حرك السهم بها

:d

[فهد الفهيد]

قمة اللكاعه : لو تعاقد النصر مع سامي الجابر كمدرب للنصر للموسم القادم : )

الله يهديك تبي العالمي ينافس علي المراكز الاخيرة ....الرجال متدرب مهوب مدرب ...!!
الا كان يحطونه يدرب اللي يجيبون الكور هههههه ....

[سهم الغد]

شريطي وصيت على المعرفه ونزلت ليه ؟؟؟؟ خاف ربك في توصياتك ولتكن واضحه بدون خبو او لا توصي ترى من يكسب بيدعو لك ومن يخسر بيدعي عليك وانت بينك وبين ربك

[نبض الوسطية]

الله يهديك تبي العالمي ينافس علي المراكز الاخيرة ....الرجال متدرب مهوب مدرب ...!!
الا كان يحطونه يدرب اللي يجيبون الكور هههههه ....

الله اكبر ... وين المشكلة20 سنة وهو خارج المنافسة (متعودين) هههههه

[أويس]

شريطي حياك الله ومرحبا الف

السوق اليوم نزل انت متهم والمتهم مدان حتى تثبت برائته

ملاحظة
تم تكبير الخط بحكم السن

[WELSON]

حيـــــــاك أبـو عثمــان .... حبيت أسلـم عليك .... ​