فل الحجاج وخل عنك الهواجيس !

[شاءتم]

‏فل الحجاج وخل عنك الهواجيس ..كلن يموت وحاجته ماقضاهـا

واعلم تـرى الدنيـا تجـارب وتقييـس..مالك ومـال الخلـق تطلـب رضاهـا

خلـك مـع اللـي يطلبـون النواميـس..وخل النفـوس الضايعـه فـي غثاهـا

لازم محلـك فـوق روس التضاريـس..مثـل الصقورالعاليـه فــي سمـاهـا

ولاصارصـدرك مثـل حرالمحاميـس ..دعـوه لربـك خــاب منهو نسـاهـا

يكفيـك مـن شـر الليالـي المعابيـس..ويفـرج لنفسـك همهـامـع عنـاهـا

واحذر مخاوى صاحب السـو وابليـس..واحـذر مـن الرديـان تمشـي معاهـا

ومـن لااخـذ الدنيابقيـس وتقيـيـس..يحصـد وياخـذ زرعهـا مـن جناهـا

يطـوى قلبـه مثـل طـي القراطيـس..ويجهل امـوره صحهـا مـن خطاهـا

ولوتطلبـه مـن غاليـات النوافـيـس..والنفـس طماعـه وتتـبـع هـواهـا

ماتاخـذ الا اللـي كتـب رب بلقـيـس..ومـاخـاب عبدطـاعـة الله بغـاهـا

خلهاعليـه وخـل عنـك الوسـاويـس..يجلي عن النفس الضعيفه شقاها

[شاءتم]

‏​لا تشتكي للناس لو كنت مطعون
والذم من بعض الخلايق مديحة


ولا تنحني للهم وتعيش مغبون
المستريح أهل العقول الصحيحة


لا صرت صادق قالوا الناس مجنون
ما يمدحون ألا النفوس القبيحة


وخلك صمود بوجه الأيام موزون
وما حرم الله إثم لا تستبيحه


والكبر لو به فايده فاد فرعون
ومن ذاع سره بشّره بالفضيحة


والله لو يعطون لك مال قارون
ما شفت نفسك بالغنى مستريحة


أنفض هموم القلب وإبليس ملعون
وان ضاق صدرك أرض ربي فسيحة


أضحك وفل حجاجك أشفيك محزون
دنياك ما تسوى وخذها نصيحة


ما دام ما لك ميت ولا أنت مديون
إرم الهموم وخل نفسك مريحة


لو كانوا أصحابك يظاهون مليون
نق الوفي منهم وخل النطيحة
-

يا رفيقي سلام عقب بعد اللقا
من رفيق يودك مخلص لك نفسي


قلتها لك رفيقي مرحبا والبقا
أغربي يا نجوم الليل ولا أشرقي


يا رفيق المعزه يا رفيق النقا
جعل يفداك من هو بالردى يتقي


حزت كل العلوم الطيبه وش بقا
ما بقا غير ذكرك طيب لك بقي


أحمد الله ربي يوم صرنا أصدقا
أتشرف بمعرفتك يالخوي التقي


الخوي من خويه لو هقا ما هقا
كل طير بجنسه يانس ويلتقي


نبـتة الخير يبقى عودها مورقا
والصبغ نبت عوده ما يعيشه سقي


أنشد اللي تربى بالعطا وش لقا
وانشد اللي تربى بالردى وش لقي


سنة الخلق تطعم من نعيم وشقا
فيه من هو هني وفيه من هو شقي

[طالع نسبه]

مشكور والله يجزاك خير

[عضو منتاز]

فل الحجاج وخل عنك الدوادي :d

لو كانوا أصحابك يظاهون مليون
نق الوفي منهم وخل النطيحة

1- النطيحه وليس النطيحة لان القافيه تنتهي بالها وليس التا المربوطه التي تنطق (ت)
ثم سؤال:
مامعنى النطيحه في كلام العرب النبطيين؟؟.. لاتقولي اللي موش ولابد فهو قد يشملها ولكن ابي اصل المعنى

[شاءتم]

مشكور والله يجزاك خير

يسلم ربي ويعافيك

[مدرعم في الاسهم]

للشاعـــــــــر / غـــــزاي نومان الحربي..




لآضـاق صــدرك عـالـي الـصـوت جــره ////////لــو كــان قلـبـك مــا يطـاوعـك مـسـرور
دنـيــاك لـــو تـســوى مـــن الــحِــزن ذرّه ///////مـــــا كـــــان تـالـيـهــا تـوابــيــت وقـــبـــور
ومـــــا كـــــان لـلـكــافــر بــعــمــره مـــســـره //////وما شفـت فـي ملكـه ملاييـن وقصـور
الـعـمــر يـمــضــي بــيـــن حــلـــوه ومـــــره ///////والمـوت حــق وقـابـض الــروح مـأمـور
دام الـــحــــيــــاه الــفـــانـــيـــة مــســـتـــقـــره //////ورزقـك يجيـك وبيـن الأجــواد مسـتـور
لا تـنـشــغــل بــالــوقــت بـــــــرده وحـــــــره////// واحـذر تصيـر بقسمـة النـاس مقـهـور
وحــكــم الــقــدر لاجــــاك خــيــره وشـــــره ////////وشكـر عظـيـم الـشـان والـذنـب مغـفـور
والـمـجـلــس الــلـــي يـزعــجــك لا تـــمـــره ////////خـلــه تــــراك بـشـوفـتـه مــنــت مـجـبــور
والـرجــل سـقـهـا فـــي صحـاصـيـح بــــره //////////ومــد النـظـر مابـيـن ريـضــان وزهـــور
لا صـــار وجـــه الـقــاع مـــا فـيــه جــــره /////////و المـشـي حـافـي والـثــرى تـــو مـمـطـور
سـاعــات صــمــتٍ مــــا وراهــــا مــضــره ////////////تسوى الكلام اللي به إذنوب وإشـرور
أطـلــق خـيـالــك وأتــــرك الـنـفــس حــــره ////////////وخــل الطبيـعـه فـــي حـيـاتـك لـهــا دور
وبـالـلــيــل لا بـــانـــت نـــجـــوم الــمــجّــره /////////أذكر بديع الخلق بِ إحساس وشعور
واســجـــد لـــــرب الــكُـــون مـــــره ومــــــره /////////وإحفـظ لسانـك وأتــرك الـكـذب والــزور
وفـــــــروض ربـــــــك خــلــهـــا مـســتــمــره/////////////وطاعتك لا يدخل بها نقـص وقصـور

[شاءتم]

فل الحجاج وخل عنك الدوادي :d

لو كانوا أصحابك يظاهون مليون
نق الوفي منهم وخل النطيحة

1- النطيحه وليس النطيحة لان القافيه تنتهي بالها وليس التا المربوطه التي تنطق (ت)
ثم سؤال:
مامعنى النطيحه في كلام العرب النبطيين؟؟.. لاتقولي اللي موش ولابد فهو قد يشملها ولكن ابي اصل المعنى

شكرا لك لاهتمام وقراءتك
اولا انا ناقل
ثانيا نطيحه مثلها نصيحه
ثالثا اتوقع معنى النطيحه من اردى الغنم واضعفهن المقصود اشباه الرجال والله اعلم

[ابو زيد السروجي]

بسم الله

بارك الله فيك يا شاءتم
وهذي ابيات اعجبتني للشاعر عبدالله بن عبار العنزي

يا الله يا محيي الغصون الميابيس ÷÷÷÷ يا منبت الشتله بساتين واغروس

نعوذ بك من كيد الأشرار وإبليس ÷÷÷÷ من لاذ بك يا مبدع الكون محروس

المسعد اللي ما بقلبه حواسيس÷÷÷÷ ولا هام فكره مع روابع وهاجوس

من ايتذكر بالعهود المراميس ÷÷÷÷ياخذ من الدنيا تعاليم وأدروس

دنياك هذي من عصر نوح وأدريس ÷÷÷÷فيها الخلايق بين رايس ومريوس

ناس بها تربح وناس مفاليس ÷÷÷÷ ناس على ملة وناس بفردوس

وين الرجال اللي تحل اللواليس÷÷÷÷ قريبهم ما يشتكي ظيم حاسوس

صيد الحمايل مدركين النواميس ÷÷÷÷ما يقبلون الجور والحق ملموس

الى قوله:

يا صاح مالك بالهدوس الهلابيس÷÷÷÷ لو كان تسكن وادي غير مانوس

أبعد عن الهلباج والنذل والهيس÷÷÷÷ حثال الرجال قلوبهم سود وأنجوس

أوصيك لا تزرع جمايلك بغليس ÷÷÷÷ ينكرك لو كثر على خشمك البوس