الأستاذ مضارب محترف :
أشكرك على حرصك بالمشاركه .. وحنا وأنا أخوك هنا نتبادل الافكار والمعرفه والخبره فلذلك ماخل من أستشار .. وصدقت بموضوع الفرص الذهبيه فالسوق
تتجدد به الفرص دائماً ولاتقف على سهم معين ومن الأعماق شكراً لك وبارك الله فيك ..
الحبيب القصيمي بلازا :
ههههههههههه يابعد راسي يالقصيمي , السوق لما تجي موجة الهبوط " أقصد العنيف " مثل الاخيره تضف الجميع وأنا أخوك الا من رحم الله ..
حبيبي بسام المزني :
عليكم السلام ورحمة الله وبركاته ... أسعدني مرورك وتعطيرك لموضوعي .. شكراً لك ..
العزيز فيصل العتيبي :
ياعسى المهلي مايولي يافيصل , أعمال الخليج كصرح هو النكهه الحقيقه بغض النظر عن الأشخاص .. يعني برايك أتوجه " للجح " وأترك السوق ..! عطنا طريقتك لاهنت .. وتقبل محبتي وتقديري وإحترامي ..
أخي الغالي منصح :
أهلاً وسهلاً بهالطله بالصديق القديم والمشاغب أبو عمر " مشتاقين" ... وفعلاً السوق اللي يدمن عليه صعب يتركه والدليل ماشفت احد ترك السوق ومارجع له بعد فتره ...
ولكن يبو عمر إذا قدرت تترك المطامر والمضاربات تكفى لاتخليني علمني الطريقه ونصيحتك مأخوذه بالأعتبار وشكراً لك .. وبعدين وش دراك عن طاولات القمار ..!
الحبيب والغالي دايم أخضر :
الله يحييك ويبقيك ويطول لي بعمرك ياغالي .. والغنيمه شوفتكم وتواجدي بينكم ومعكم يابعد قلبي ... والوالد إن كانك خابرن حاله فهو على ماهو عليه عسى الله يشفيه ويرفع عنه ويجعل ماجاه تكفير
وشكراً لك من قلبي أخي العزيز والغالي , فسؤالك محل إهتمامي وتقديري ولاأراك الله مكروها في من تحب ..
GPS الغالي :
ياهلا ويامرحبا ومسهلا بك وتواجدك بين أخوانك وفي بيتك الثاني ونورت موضوعي .. وأشكرك أخي العزيز على ذكر تجربتك المهمه لعل هناك من يستفيد من الخبرات المطروحه وطرق التعامل مع السوق في
مثل هذه الاوضاع .. وبالنسبه لمعرف number_one فوالله العظيم لست هو ولا أعرفه شخصياً وإن كنت أتشرف بمعرفته ومعرفة الأخوان جميعاً هنا .. حلفت لك لكي أقطع الشك لديك .. ودمت بمحبه وتقدير وإحترام
المفضلات