يالحربي وينك سلامات

[العتيبي]

اخوي الحربي لي كم يوم ما شاهدت لك مشاركات

عسى الداعي خير ان شاء الله

[الهاجري]

بصراحه يا العتيبى انا فاقده

ماله حس عسى مايكون فى شر

[اتفاق]

بصراحة المنتدى من غير alharbi مـــــــــــاله طعم .....
بس أنا متأكد انه عنده ظروفه اللي تمنعه من المشاركة هالأيام

واحنا ننتظر يالحربي لاتطول علينا

[ابو سعد2]

السلام عليكم
واللة يا اخوان اظم صوتي معا كم واقول لاخونة الحربي عسى المانع خير

نتمنى لة السلامة وشكرا

[مافي مثلي]

وانا اضم صوتي اليكم والغايب عذره معه

[abu mohammad]

من طول الغيبات جاب الغنايم.....مايشوف شر انشالله

[alharbi]

اخواني الاعزاء
جزاكم الله خير على سؤالكم عني والله يوفقكم ان شاء الله وانني اشعر بالترابط بيننا كاكثر من الاخوه يوما بعد يوما
وانني كنت مشغولا في اليومين السابقه في موضوع وهو مامنعني من صحبتكم الطيبه التي اعتز بها .

[العتيبي]

يالله حيــــــــــــــــــــــــــــــــــه

المنتدى توه نور

حمد الله على السلامة


تصدق ظنيت انك رحت تقنص صقور على الساحل الغربي لان هذا موسمها الان

ولو تأخرت كنت بلغتك فيك الحماية الفطرية ( عشان ما تصيدها كلها ) لكن حصل خير

وان شاء الله المانع خير وحياك الله بمنتداك

[عزيززز]

عطنا اخبار الكمبيوتر الجديد ياحربي

وانا عتبان عليك لانك ما جاوبت على رسالتي

عموما الحمدلله زال الظرف اللي عندي
وما نحتاج اللي شورك دايما

[alharbi]

اخي العتيبي والغدار
المنتدى منور بكم

والظاهر يالعتيبي انك متابع للمقناص
وش يدريك ان المقناص اليومين هذه
على اي حال والله انا مبطي عنه خاصة بعد مابعت الجيب واشتغلت بالاسهم هههههههههه وبعت العزبه كلها

اخوي الغدار
انا ملاحظ انك زعلان علي
لكن عذري اولا اني كنت مشغول والله اليومين الي راحت
والثانيه ان الموضوع الي انت اقترحته صعب انا عندي نفس المشكله وادور احد يحلها
واعتقد انك لو تنزلها في المنتدى ممكن الشباب يناقشونها وسوف يتفقون على حلها لان الشباب كلهم يواجهونها
هذه المشكله تحصل من القرارات الفرديه
ولوكان هناك قرارات جماعيه من الاعضاء لكان افضل

اما الكمبيوتر الجديد
ياسلام
خاصة الشاشه 19
شيء رهيب بالنسبه لواحد كان الشاشه عنده 16 قبل
والله رهيب احس ان السهم بيطلعلي من الشاشة ماشالله

[العتيبي]

LOOOL يالحربي

اذا هزك الشوق خلني امر على بالفي اكس ار وناخذ لنا يومين بها البر نغير جو الاسهم اللي مسحت عقولنا

البر وما ادراك ما البر


شي يرد الروح ويصفي النفس

بس وش تقول هالدنيا مشغلتنا الله يكفينا شرها

[الهاجري]

الحمد لله على السلامه يا الحربى