العقار الولد البار

[naif487]

لابوه سوق فلس
اللي تجمعه بشهر ينتفونه بربع ساعة

[تدوير]

ولد بار يوم كان المتر ب٢٥٠ ريال واذا وصل ٦٠٠ غالي
هالحين اقطاعيين العقار شارين المتر قبل ٢٠ سنه ب ٥٠ ريال ويبيعونه عليه ب ٢٥٠٠ ريال... اي ولد بار ياشيخ... اللي يشتري عقار الحين مثل اللي يشتري بيشه يوم كانت ب ٢٣٠٠

[كحيلان]

ههههههههههههه ياحبيلك يانايف .. والله طاالعه من قلب ..

[ابن طواله]

اتفق معك ياتدوير كانت الأمانة بالرياض عام 2004 ب 150 الان فوق 1200
القمرا قبل 4 سنوات ب 485 الان 1600 وأكثر.

انها طفرة تقيم فيها الأشياء باكبر من قيمتها الحقيقة عشرات المرات.

[ابو منصور محمد]

انشهد نه المال اللي بالجيب

[السهم الماسي]

لاشك ان هبوطا كهذا يؤدي الى ازدهار العقارات ..

[سليمان الطلق]

الاسهم تحتاج صبر مثل العقارات


ابتعد عن المضاربات اليوميه واستثمر في اسهم جيده
وستجد خير كثير على المدى المتوسط والطويل

[ابوفيصل]

اذا فيها دق طبول لا ولد بار ولا غيره
الله يحفظنابحفظه

[رائد الحربي]

انا اشهد والله انه بار

رجاء لحد يتكلم في العقار والله اللي بيحرق فلوسه يدخلها اسهم

هذاك عالاقل ارضك قدامك وعمارتك عندك تسكن فيها وتسكن بزارينك وتنام مرتاح

اما هذا وش تاخذ منه لاطاح غير الهم

[NEW CHART]

مشكلة الاسهم ان تذبذبها عالي جدا (عكس العقار)

وهذا سبب تفضيل العقار على الاسهم لدى غالبية الشعب خصوصا بعد تجربة ٢٠٠٦ و ٢٠٠٨

الاسهم جيدة على طريقة الفرد الغربي، وهي :

شراء اسهم جيدة و واعدة بشكل تراكمي بالفائض فقط لحين التقاعد.

[أبو جلنار]

في الهبوط كلهم يصبحون "عيال حرام" !؟..

[ابو المحاميد]

أخوي الحبيب نايف ...
عندي وريضة كنت ناوي أبنيها ومع هالإشاعات والتخوف قررت أبيعها ...
ولأنها الولد البار ودي أحد يشتريها مني ويتبناها وتصير له ولد(ن) بارّرّرّ !!!
تـــشـــــــتــــري ي ي ي ي ي ي ي ... وبراعيك !!!
(أدري ما عندك فلوس، ولكن ما لقيت غيرك !!!)

*****

الولد البار عند الأزمات يبقى عند أبوه ولا أحد يرضى أو حتى يفكر يتبناه !!!
أما الأسهم، تلقى لك مغامر ياخذها منك زواج مسيار بناقص 20% (راقب بكره) !!!
ولا تبني ولا هم يحزنون ... كلها ليلة ويطلقها ربحان أو خسران !!!
وأنا طلقتها أمس وبخسارة والله يبارك لأصحاب المسيار !!!

*****