توصية النسب ومالتوفيق الا من الله تذكر أن القناعه كنز لايفني

[معلومه]

بسم الله الرحمن الرحيم وبه نستعين



السهم هو الإتحاد التجاري

السعر الحالي 28.5

الهدف 37.5

تذكر أن القناعه كنز لا يفني شخصيا لن أنتظر الهدف وسأخذ نصيبي وماكتبه الله لي

بالتوفيق للجميع

[نسر]

الحق عليناااااااااااااا

والله يجيب الخير للجميع

[ibrahem-ksa]

يا خوفي تجيب العيد على هالحماس

[eyad-n]

بارك الله فيك

[العطار]

استغفر الله واتوب اليه

[مـاجـد]

اووووووه معلومة قلط معنا بالسهم

الله يعين

[نسر]

تامين الله يرزق ملاكه مالنا بالتامين

ليتك وضحته وقلت سهم تاميني وماخليتنا ننشد ونتابع
---------------------------

سهمي المصافي ومتفائل خيرا بالسهم66
----------------------------------------------------------------

[الجوت الجوي]

أظنه من الاسهم المحرمه ..........الله يغنينا بحلاله عن حرامه ......

[ستلايت]

بعت شركاتي بخسارة 1000

يالله ياكريم التعويض على يد ابو محمد

ألحق ماتلحق

[ابو نور]

ما عند الله خير وابقى الله يغنينا عن التامين التجاري المحرم

[سهم الغد]

التامين مشبوه شف لنا غيره ابومحمد

[خبرعاجل]

واوك يبو محمد مالقيت الا هالسهم واوك

ماتعرف مضاربه

معتووووووه

انسى يطلع فيه واذكر كلامي

[بروكر]

مافيه مضارب بالسوق يقبل بالهجوم على سهمه بهذه ألطريقه
هذا الكلام كان زمان يبو محمد(راحوا الطيبين) هههه

الله يوفقكم

[عاشق القمرا]

ابو محمد لا حد يجيب العيد بينا تذكر دعوة المضطر

[عاشق القمرا]

الان ابشرك متعلق فية اذا هناك غدرة ارسل لو على الخاص

[عاشق القمرا]

ابومحمد باقي شوي ويصير

[عاشق القمرا]

حسبنا الله ونعم الوكيل

[ستلايت]

ورجعنا من جديد

وكسرنا ال 29

[عاشق القمرا]

معلومة ايش الهرجة نفلت باقل الخساير

[عاشق القمرا]

كم الدلالة ابو محمد الله لايدخلها بطنك بخير
الله يجعلها ان كانت تغريد اول مصاريف تجهيزك بالتخصصي

[ستلايت]

معلومة ايش الهرجة نفلت باقل الخساير

الصبر الصبر

الدعوه فيها 3 ساعات

وبعد ال 3 ساعات فيه نسب لمدة 3 ايام على كلام ابو محمد



انا بعت طوكيو مارين وشف كم سعرها الان

ونشبت معكم في هذي

ليتني ما استعجلت واخذت مكسبي في طويكو ثم لحقتكم

اول السوق قمتو تشيلون شيل توقعتها نسبه من اول 5 دقايق

ثم بطبطت والعروض قامت تكثر من 30 الف وفوق

صارت جدران صبه

لكن آخرالسوق بتشوف الطرررررررررررخ إن شاء الله في النسبة

[قرنـــــاس]

في حال تجاوز 30 بيغرد

[ستلايت]

كم الدلالة ابو محمد الله لايدخلها بطنك بخير
الله يجعلها ان كانت تغريد اول مصاريف تجهيزك بالتخصصي

استغفر ربك ياشيخ
بتشوف بعينك ان شاء الله الخير

ابو محمد معروف وماهو بحاجة دلاله و تغرير

ربي مغنيه وموسع له في رزقه
وعوايده يحب الخير

لكن لعل هناك ترتيب معين او تأخر او سوء تقدير للسهم

[اكاديمي]

احذروا الثقه الزايده

مافادت الي قبلكم عشان تفيدكم


الله يرزقكم

جالس على المدرجات اتابع ومعي كيس فصفص


الله يجيب العواقب سليمه يارب

[abu3omr]

أسلوب التجييش وحشد الجموع ثبت ضرره .. أتمنى من إدارة المنتدى النظر في مثل هذي المواضيع

[مـاجـد]

والله الحمد تم البيع على 29.50
الشراء بسعر 27 قبل كم يوم ...

مثل هالتوصيات فزة ددسن استغلها وبع قبل مايبيعون عليك الرياجيل واشتر معهم من تحت

[جـرح القصيد]

السهم محرم وربحه كذلك

[ستلايت]

مع الافتتاح

ببع طوكيو 85
شراء التجاري 29.4

بعد ساعتين

طوكيو 87
التجاري 28.7


رحمتك يارب

ابو محمد صلاة العصر تلقاني عند باب مسجدك
ياتعويض فوري كاش بدون شيكات
يا اختطفت اخوك من عند الحريشي وطلبت فديه وسداد قرضي في الراجحي

[**فهد**]

ابو محمد

خسارتي الأن في الأتحاد التجاري أكثر من 60 ألف

[عاشق القمرا]

المشكلة مامن تعقيب