بسم الله الرحمن الرحيم ،، وسلام الله عليكم جميعاً
في البداية ابارك لنادي الفتح وجمهوره بطولة الدوري ويستاهل النموذجي ومبروك لأهل الاحساء
نطلع من موضوع وندخل بموضوع
ما كنت اتوقع ان شبيحة التأمين حساسين ؟ والله لو أدري كان طرحت الموضوع بدري ، وكل كوم والمتوفي دماغياً راعي عناية كوم وطلع من العناية يركض
طبعاً لا يلخمونكم بالأسهم اللي طلعت اليوم لأنها ملهية الرعيان والكلام على اللي ما طلع اليوم ما عدا اسيج بعد التعديل اي طلوع غداً ان شاء الله فهو ربحان من بعد تعليقة وماقصر معاهم محماس
الجميل أن كل الشبيحة مسنترين بالموضوع مثل التوتو وهذا هو المهم والأهم
اجل ضاغطين اللي عليها الكلام ،،، إييييه والله ما حزرتوا ،،، حركات يالشبيحة
نطلع من موضوع وندخل بموضوع
الصادرات لا جديد قروب النكبة نكب السهم ونكب نفسه ! طبعاً اليوم طلعت محافظ كثيرة من السهم ومازالت محافظ أكثر باقية في السهم ويحتاجون لتذبذب لبيع كمياتهم أو التخلص السريع بالبيع على النسب حتى سعر 75 كحد أدنى متى ما توفرت الطلبات ، طبعاً حددت هذا السعر بحسب معدلات كثير من محافظهم الاثنين والثلاثاء إن شاء الله سيتحدد وضع السهم اما خروج نهائي أو العودة للتجميع في السهم مرة أخرى لأهداف جديدة خصوصاً أن بعض البيع صار من نيران صديقة كالعادة
سوف أكون مراقب إن شاء لوضع السهم وخصوصاً أن محافظهم الرئيسية خرجت من السهم ولم يبقى إلا محافظ الخرفان
واتوقع والعلم عندالله ان اللي صار اليوم في الصادرات بداية فركشة قروب النكبة
نطلع من موضوع وندخل بموضوع
كاترينا
هلا بالغالي بوعبدالرحمن ولاء صار في السهم شوي لخبطة بعد أن انسحبت مجموعة من القروب وبقية مجموعة في السهم لكن ما عندي خبر وش قرروا على السهم ، والدرع ما تطرقت له لمصلحة السهم وخصوصاً صار قريب من معدلات الجوهرة
والخليجية شبيحه حايس عمره بكذا شركة رغم أنه لو ركز على الخليجية كان أسهل لتحرير سيولة والرجال مازال في السهم ، وملاذ هذا شبيح تايواني ما أمداه يدخل السهم واليوم اشوفه قاعد يدعم ويبيع واذا وصل السهم دعومه ألغى التدعيم وواضح ان شغله بربسة لكن اتوقع التكافليات راح تتحرك مع شبيح الراجحي تكافل ، أنت طقطق على خفيف لين محماس وجماعته يخلصون من وفا ويتجهون للسهم الثاني وأعطيك أياه إن شاء الله الرجال بعد التكتل الأخير قوى عوده
ibrahem-ksa
هلا بالغالي ابراهيم والمعرفة وضعها جيد ان شاء الله لكن ممكن تواجه مشكلة عند سعر 16 بسبب المحافظ الكبيرة المتعلقة في السهم وممكن يساعدها التكتل الجديد اللي في دار الاحزان واللي بحسب كلامهم راح يرفعونها 20٪ والله اعلم وعساهم يصدقون عشان المتعلقين يتنفسون شوي
وسيط خبر
الله يجزاك خير ويرحم والديك عن النار
منبدري
هلا بالغالي واسعدني مرورك الكريم
تمساح الاسهم
ان صح الخبر وقبل تتحرك الأسهم الثقيلة والوسط ممكن تشوف أنواع الجنون من فتى الجنوب الذهبي وخصوصاً بعد ما يتخلص من أسيج
Dr.Chemical
الراجحي تكافل والعلم عند الله جاهز للانطلاق قريب جداً ، والأهلي ما عندي خبر عنه
الأسود
هلا بالغالي الأسود ، بالضبط مثل ما فكرت واستنتاجك صحيح مليون بالمية ، واليوم نكبوا الصادرات
وصار السهم كل مين إيدو إيلو
مضارب محترف
رحم الله أبا يزيد وأسكنه فسيح جناته وجمعنا به في جنات الخلد
rednet
والنعم والله بأهل جدتي ميثة ، وعلى طاري الكليجة ليه أهل عنيزة يسمون الكليجة فتيت وأهل بريدة يسمون الفتيت كليجة !!! هي عناد ومجاكر
AL NEW
ومن قال سالم ، يشرفني والله أنك متابع لما أكتب
نسر
رحم الله والديك ، ولا تطامر لين أعطيك خبر إن شاء الله
مناجي الخواطر
بوبا فيها شبيح يحبه قلبك وقديم في السهم من سعر 29 لكن مدكن عليه ولا فرط بسهم واحد وتارك السهم للسوق لما بعد النتائج واسمه لو ذكرته يصير نكبة
أيمن خالد
هلا بالغالي ويا جعل كل عين ترجيك ما تبكيك ، واسعدني تواجدك الدائم في مواضيعي وشرف لي
عاشق القمرا
للأسف ما أعرف أن أحد دخل السهم من جديد ولم اتابعه ، لكن فيه قروب صغيرون دخل السهم قبل فترة وتورط فيه واشتغلوا تطبيل لين خارجوا أنفسهم من السهم
هادي الحربي
ووجهك أبيض يالغالي وجزاك الله خير
لوز وسكر
هلا بالغالي وبالعكس ما شفت منك إلا كل خير ولو اختلفنا بالاخير حنا أخوان وبدليل ردك هذا اللي يكشف عن معدنك الطيب وطيب أصلك ، والله يعفو عنا جميعاً ويرحم أخونا عادل ويجمعنا فيه بجنات الخلد
SAMSAM
الله يعافيك ويسعدك في الدنيا والاخرة
خ---ا---ل---د
هلا بالغالي خالد وشرفني مرورك على الموضوع
الجو صافي
هلا بالغالي وأول غنايمي وجودك بموضوعي
قبل ما أنسى يا ستلايت السهم الزراعي تبوك وتراك فاهم المقصد خطأ وإذا جاء دورك بالردود إن شاء الله راح أتفاهم معاك
لي عودة إن شاء الله لاستكمال الردود
وفقكم الله
المفضلات