بسم الله الرحمن الرحيم ،،، وسلام الله عليكم جميعاً
في البداية أتقدم بخالص العزاء وصادق المواساة لأهل وذوي وإدارة المنتدى وجميع الأعضاء في وفاة أخونا عادل الحجيلي ( أبا يزيد ) رحمه الله وأسكنه فسيح جناته
كما أقترح على الإدارة أن يكتب تحت كل عضو تثبت لكم وفاته عبارة (متوفي) حتى إذا تصفح أحد الأعضاء أو القراء الأرشيف ووجد له موضوع أو مداخلة أن يترحم عليه كنوع من التذكير بالدعاء للمتوفي
تصلني كثير من الاستفسارات عن أسهم التأمين سواء على الخاص أو على حسابي في التويتر ، لذلك سوف أقوم بذكر ما أعرفه عن بعض شركاته علماً بأني غير متابع جيد للقطاع ولكن تجي معي بالطريق بعض أخباره ومشكلة هذا القطاع صاير فيه شربكه هاليومين وتداخل بين الشبيحة وما تدري هو تنسيق بينهم أو لقافة على بعض ؟ ما علينا
طبعاً الموضوع ليس توصيات بقدر ماهي تطمين لملاك هالشركات ، سوف أقوم بتوضيح ما أعرفه وبحسب ترتيب موقع تداول
الفرنسية : طبعاً هذا السهم ذكرت سابقاً قبل طلوعه الأخير أن السهم مناصفه بين كامل الدسم وجهيمان لكن الغريب أن فتى الجنوب الذهبي دخل معاهم السهم فوق سعر 80 وبكميات كبيرة لكن بتنسيق أو بغير تنسيق ما أدري ؟ الدعوة شربكه لأن فيه سهم ثاني ايضاً كان عند كامل الدسم وجهيمان ودخل فيه فتى الجنوب الذهبي
ساب تكافل : أصبحت قمرة القيادة بيد قروب النكبة لهذا السهم
سند : هذا السهم مثل ما ذكرت في الموضوع السابق كان محماس وربعه في السهم ودخلت على السهم محافظ لقروب النكبة وقلت ما أدري بتنسيق أو بغير تنسيق ويوم الأربعاء واليوم قروب النكبة زاد كمياته علماً بأن دخولهم الأول فوق 35 ولليوم ما أدري بتنسيق أو بغير تنسيق والمتعلق ينتظر معهم
وفا : محماس وربعه مازالوا في السهم ولم يخرجوا إلا محافظ قليلة من السهم والدخول معاهم مغامرة بسبب الخسائر المتراكمة على الشركة والتي بلغت 65٪ من رأسمال الشركة يعني 10٪ والشركة تصف مع الباحة وايضاً هناك مشاكل داخل الشركة وسبق ذكرت بأن مؤسسة النقد وجهت لهم إنذار وفي الشهر الأخير كان لديهم استقالات جماعية للموظفين داخل الشركة واللي ما يصدق يسئلهم ، السهم ممكن يكون للمقامر جيد في المضاربة اليومية ماتدري تصدف معك بلاك جاك
إتحاد الخليج : مثل ماذكرت في مواضيع سابقة قروب النكبة يملكون كميات تجاوزت 6 ملاين سهم ومعدلاتهم بين 29 و 30 وكاتمين أم السهم لمرحلة قادمة
الأهلية : اغلب الكميات عند فتى الجنوب الذهبي والبقية راكبين على التطبيل والرجال ينتظر موافقة المتعهد اللي صارت مثل بيض الصعو ، ورفع السهم فوق معدلاته ويقول عشان إذا طولت الموافقة كبينا السهم وشفنا غيره
أسيج : أيضاً عند فتى الجنوب الذهبي
أكيد بتقولون كل يوم طالع بواحد جديد ! ما علينا ،، قلنا عن سهم الفرنسية فيه شربكه واسيج ايضاً فيها شربكه لأن اللي كان فيها من قبل كامل الدسم وأخوه سعيدان المطفوق الله من البخل بذاك الرأس وجهيمان ، بعدها فتى الجنوب الذهبي استقبل كمياتهم ومازال في السهم وسعره أعلى من سعر اليوم بعد التعديل
الاتحاد التجاري : ما يحتاج الشيخ إلتون في السهم وغني معاه ،، لا ضاق صدري قلت ما اطولك ياليل . وقبل تفكر وتنتحر بالسهم لازم تسئل معتقلين غوانتناموا في الجماعي والطباعة والتغليف
بوبا : على كلامهم بعد الاعلانات ما عنهم وعن الأربعينات
ايس : ذكرت سابق أن أهدافهم بين 90 و 100 للخروج ولليوم ما جد جديد
بروج : الشبيح مشغول بسهم ثاني ويقول خلوا التطبيل ينفعكم وإلا الرجال جاهز ومنتهي تجميع وما عنده مشكلة يقعد شهور ويصف جنب عناية لين تمل الناس من السهم
العالمية : يقولون على سعر 80 راح يتخارجون من السهم وننتظر ونشوف أو شوفوا أنتم لأني ما اتابع القطاع
سوليدرتي : من يوم الثلاثاء فيه محافظ قروب قاعدة تتعبث بالسهم راقبوه وقرروا
عناية : في العناية
الإنماء طوكيو : الرجال يقول الرحلة بين 80 إلى 88 رايح جاي ممتعة ومافيها جهد وتعليق
نطلع من موضوع وندخل بموضوع
من اليوم ورايح ما عندي توصيات مباشرة على العام على الأقل هذي الفترة وكل مواضيعي راح تكون توضيحات اللي يبي ياخذ فيها ويطابقها مع معلوماته حياه الله واللي يبي يقراها للتسلية حياه الله واللي يبي يقرا ما بين سطورها حياه الله واللي ما يبي الموضوع كله حياه الله واللي يبي ينبرش حياه الله واللي مو عاجبه مواضيع الأعضاء كثيرة
نطلع من موضوع وندخل بموضوع
شمس مثل ما ذكرت في الموضوع السابق السهم زحلط والجماعة يبيعون بيع حقيقي وممكن يسوون أغراءات حبة فوق وحبة تحت لكن المحصلة النهائية بيع لذا وجب الحذر
والصادرات كما ذكرت سابقاً تحت 97 خط أحمر لقروب النكبة واليوم أثبتوا هذا وسحبوا السهم مثل المقروصين من الروعة ،، ومازلنا معاكم ان نزلتوا شلنا وان طلعتوا اعطيناكم نصف الكمية وندعيلكم بالنزلة والطلعة تستاهلون ،، لكن شباب حذاري من الاغلق بالثمانينات هذا يعني أنهم طلعوا الخرفان لأن عليهم ضغوط من الخرفان أن السهم ما ينزل 10٪ تحت معدلاتهم ، طبعاً هذا لا يتنافى مع المحافظ القديمة واللي اغلب معدلاتها تحت 60 لكن حديثي عن الخرفان الجدد اللي اشتروا فوق وإذا شفتوا التدوير عالي فوق 97 اعرف أنهم قاعدين يخارجون الخرفان الجدد
ومعدنية مثل ما ذكرت سابقاً اغلاق تحت 34 يعني السهم انتهى وخط أحمر ولو سووها للتمويه اعطيناكم خبر ان شاء الله
وتهامة مابقى خارج محافظهم إلا بحدود 500 الف سهم والله يهني سعيد بسعيدة
فيه أسهم جديدة لقروب النكبة راح أوافيكم فيها إن شاء الله لكن بعد ما تغص محافظهم
قبل ما أنسى ترى فتى الجنوب الذهبي عنده كميات في سهم زراعي
وفقكم الله
المفضلات