شربكه قول وفعل ... والمعنى في بطن الكاتب
شربكه قول وفعل ... والمعنى في بطن الكاتب
الله يوفقك ويرزقك الي ماتموت ولاتعجز
جزاك الله خير
بسم الله الرحمن الرحيم ،،، وسلام الله عليكم جميعاً
كما ذكرت في هذا الموضوع عن بعض الشركات التي تحت التجميع ونشاهد ما شاء الله تحرك بعضها ، الغذائية وتبوك الزراعية ومعدنية ، وبقي إن شاء الله في طريق العطاء للبقية وهم الحساوي وأنعام ، وسهم ذكرت بأنه تجميع للمستثمر وأتوقع بحول الله وقوته أن يحدث مفاجئة كبيرة في السوق نظراً لما بلغني عن السهم ولكن السهم ثقيل ويحتاج لتجميع بحجم ثقله وهو سهم معادن
السوق يا أخوان يحتاج للصبر فقط والإنتقاء في الأسهم وبحول الله وقوته كل شركة ستأخذ نصيبها من الارتفاع
نطلع من موضوع وندخل بموضوع
في مراجعة لبريدي الخاص تفاجأت بأن بعض الأخوان الذين لم أرد عليهم بغير قصد نظراً للكم الكبير من الرسائل وكعادتي متى ما وجدت الوقت رديت على الخاص ، تفاجأت بأنهم من ضمن الأعضاء المنبرشين على مواضيعي الأخيرة يا شباب ما هكذا تورد الأبل ! يعني يا ترد يا راح ننتفك
يعلم الله يا أخوان أني من الذين يعتبرون أن خدمة الناس شرف ، وتأكدوا بأني لا أهمل رسالة بقصد لكأن من كان صاحبها وأولهم من يختلفون معي ، وحتى أني في الفترة الاخيرة انقطعت عن كثير من الاخوة الأعضاء الذين كنت أتواصل معهم بشكل يومي بسبب الظروف وحتى حسابي في التويتر أخر دخول لي قبل أسبوع تقريباً
يا أخوان ليعلم الجميع بأني لم ولن أخذ أي اختلاف مع عضو أخر بشخصنة للأمور ، ويعلم الله أن ما عندي وقت أزعل من أحد حتى لو زعلني ، تخيلوا لو انبرش فيني عشرة أعضاء وزعلت من العشرة وقعدت أفكر بكل واحد انبرش فيني ! طيب متى اتغدى ومتى اتعشا ومتى اجلس مع عيالي ومتى أنام شغلة طويلة عريضة
نطلع من موضوع وندخل بموضوع
أحمد عبدالله
واضح أن الرجال اليوم صرف أغلب كمياته
كاترينا
بوعبدالرحمن أخوك ما قال إلا الحق ومن غير مجاملة وليس من المرؤة أن نبخص الناس حقهم ولا هو قصور بباقي الاخوان ،، لكن الله يهديك مضيع مواهبك بالقطاع الماخوذ ،، ولازم يجتمع كم عضو من كبار أعضاء المنتدى عشان يسونلك برنامج مناصحة عسى الله يهديك .
مضارب محترف
خلاص إن شاء الله راح نسوي لجنة مناصحة في المنتدى ونمسك كاترينا وكم عضو معاه ونحشرهم دروس مناصحة الله يهدينا وأياهم
ابو نواف*
الله يجزاك خير ، وإن شاء الله تكون تبوك الزراعية عوضتك
شاءتم
مثل يومك ما تصدق يوم أوصي على سهم أنابيب بسعر 24 وتنبرش فيني وتقوم بعدها وتفتح موضوع وتوصي على السهم بسعر 29 أمزح معاك لا تصير حمقي
الرجال فعلاً طلع من السوق وتغير كثير بعد المسؤولية الجديدة وصار شخص ثاني غير صاحبنا الأول نسأل الله له التوفيق في نفع العباد والبلاد
موصول
الطباعة والتغليف شبيح السهم هو الأخ إلتون ، والسهم حذرت منه كثير بمواضيع سابقة ونصحت بالبيع فوق 40 الشبيح معدلات محافظه المهمة تتراوح بين 14 إلى 20 وباع بعضها وجزء من بعضها فوق 40 وحولها لسهم تأميني ومازالت عنده كميات كبيرة في السهم وواعد اصحاب المحافظ أنه راح يرفع السهم فوق سعر 50 طبعاً شبيح ما ينوخذ على كلامه ! وعشان تبقى معاه بسهم لازم تكون خريج مدرسة أيوب عليه السلام ، يعني ممكن يوعد برقم ولا يتحقق إلا مع طفرة في السوق ، والسهم بالنسبة لمحافظه حقق تدبيلة لو طلع عند هذي الأسعار لكن انصحك إذا جبت رأسمالك أنك تبدله بسهم ما أخذ نصيبه في الارتفاع قبل فوات الفرص عليك
والمعرفة حسب ما وصلني من الشبيح أن عنده إعادة ترتيب أوراق لأسهمه القديمة ومنها سهم المعرفة لأن عنده محافظ كبيرة متعلقة في السهم من سعر 16 وأنت طالع لسعر 21 والسهم خفيف ومرغوب ولا يخوف قياساً على نوعيته مثل اعمار ودار الاحزان
هوب
هلا بالغالي ،، يحلفون أن ثلاث مطاوعة اللي قاعدين يقرون على سعيدان المطفوق ويتناوبون عليه الصبح والعصر وبالليل ، وأهله يقولون ولدنا منضول ! أنا ما أدري على ايش راح ينضلونه ؟ على كرمه ذا البخيل اللي يا والله أن قصص البخلاء اللي في كتاب الجاحظ يعتبرون حاتم الطائي عنده
الجو صافي
جزاك الله خير ورحم الله والديك عن النار ورزقك الله من غير لا تحتسب
نطلع من موضوع وندخل بموضوع
رسالة إلى الأخ الشبيح كامل الدسم : أخي العزيز إذا كنت ناوي تشتغل شغل مرتبت أول قرار تتخذه أنك تطلع أخوانك المبزرة من السوق سعيدان المطفوق والاثنين اللي أصغر منه وبدون ذكر أسماء ، لأنهم راح يجيبون فيك العيد وراح تصير تدفع تعويضات أكبر من اللي يدفعها الألمان لليهود ،،، هذي نصيحة أن بغيت تاخذها أو ترميها في البحر أنت حر ، ولو أقول لك على الأشياء اللي يسونها من وراك وورى جهيمان كان تروح وتاخذ جذمار وتغزه بخششهم ، لكن ما ودي تكبر الأمور بينكم وتتشرد الأسرة وأكون أنا السبب
لي عودة إن شاء الله لتحديث الموضوع ، وفيه شي كنت أبي أكتبه ونسيت لكن لعلي إن شاء الله أتذكره بالتحديث القادم ،، والله الشي مهم لكن ناسيه ! ما علينا
وفقكم الله
بارك الله فيك اخي الكريم
عزيزي شربكة
تكرماً اذا اقدرت تشوف لي معلومه من هنا او هناك حول سهم ساركوزي اكون لك من الشاكرين . حاجز مبلغ من شهرين او تزيد تقريباً .
كل الود
بارك الله فيك أخي الغالي
بارك الله فيك وزادك الله من فضله أخي الغالي شــربكــــة
انتظر ردك على الخاص ابطيت علينا
هلا وغلا ابو الشرابيك
هل سمعت جديد عن انابيب العربيه. ومبرد. وتوقعاتك. لها السهمين
من متابعتي لهم. أشوف لهم فزه قريبه
والله عارف انك انغثيت من السؤال عن هالسهمين. نعرفك بالك طويل وماتبخل علينا بالجديد
تحياتي وفالك وفال الاخوان الارباح
الغالي ابو الشرابيك
استفدنا من تبوك ز بفضل الله ثم بفضل توضيحاتكم ومازلت املك بالسهم واتوقع مشواره طوووووويل .... والا شو رأيك
هلا شربكة ...... انا عارف وش كان بتكتب ونسيت كان بتعلمنا وش اللي حصل في رعاية يوم السبت
ثاني مرة لا تنسى هههههه
يعطيك العافية أخوي شربكه
المشير والتون وابو ضروس اكيد بينها كلمات وصل تصل
على العموم اسلوب ممتع للسرد
hasooona
بارك الله فيك وجزاك الله خير
ميم نون ال جيم
شبيح الصادرات وشمس باقي عندهم كميات في السهم وكانت نيتهم يشدونه لكن بعد اللخبطة اللي صارت باسيج تلخبطت أوراقهم بالسهم ، وما عندي علم متى يرجعون يشدونه لكن الغالب بعد اسيج
أيمن خالد
وبارك الله فيك يالغالي
NOMERCY
ابشر يالغالي وحنا على ما إنا عليه
مضارب من استراليا
أنابيب العربية الجماعة مازالوا بالسهم حتى مع نزوله وكمياتهم كبيرة والسهم تحت معدلات أكثرها ، وكذلك مبرد مازالوا بالسهم وعندهم محافظ معدلاتها بسعر تسعين وأمورهم طيبة والجماعة قاعدين يوفرون سيولة أكثر من شركات كسبانين فيها .
لا والله يالغالي ما انغثيت وعسل على قلبي ، اللي أتمناه أن تكون ايجاباتي في محلها بعد توفيق الله
كثير من الاخوان إذا نزل سهم 10 أو 20٪ يعتقدون ان الشبيح طلع من السهم ! احياناً تصير عند الشبيحة لخبطة وغالباً تكون بسبب ضغط السوق فيضطرون لإعادة ترتيب أوراقهم لمرحلة جديدة
ابو نواف*
اليوم طلعت للشبيح مشكلة في السهم وما أدري إذا انحلت أو لا ،، لكن الأفضل اجني ربحك ونرجع مع الايجابية للسهم ، واذا استمرت المشكلة لا سمح الله ممكن السهم يرجع لسعر انطلاقته أو أقل
majedd
هههه الكبر شين ومضارب رعاية لعب بالطماعين ، واللي نسيته اني كنت أبي أكتب عن شبيح سهم وفا الأخ مسوي فيها مضارب أمانة على غفلة ، لعلي بكرة إن شاء الله أكتب توضيح عنه
أبو نوااف
يعافيك ربي والله يجزاك خير
الجو صافي
هلا بك يالغالي ، هي كلمات وصل ؟ إلا سوالف وصل ، الله يعينا على الشبيحة ومكرهم
ملاحظة : أبوضروس طلع محافظ من البي سي آي وراحت للسيارات ودخل محافظ جديدة للسيارات
لي عودة إن شاء الله لتحديث التوضيحات
وفقكم الله
شكرا لك على التوضيح
والله يعينا على الشبيحة
رحم الله والديك وبيض الله وجهك
مشكور وما قصرت الله يجزاك خير ويرحم والديك
بيض الله وجهك على ما تقدمه
عندي ((زين)) والخسارة كبيره قبل تقسيمها
زين لعبه كبيرة حسبي الله ع مضاربها وهيئة سوق المال .
هل تنصحني بالخروج او البقاء وكم هدفها ،
واذا كانت غير مناسبة ماهو السهم البديل
جزاك ربي خيراً .
اهلا اخي شربكة ممكن تجيب لنا العلم من اللي باع اليوم في الاتصالات وضغطها ؟
ماقصرت ورايتك بيضاء. معودنا كريم دائماً
والله يوفق الجميع
ابومحمد مارأيك بتبوك ز ...
وهل فيه شبيح والا ملطخة من جاء شد السهم وخذا منه ريالين وطلع .
رحم الله والديك ماقصرت نشرة اخبار و معلومات تستحق المفضله بجداره
تحياتى
بسم الله الرحمن الرحيم ،،، وسلام الله عليكم جميعاً
في المنتدى المجاور التطبيل على سهم وفا على أشده ، وشياطين الأنس يتناوبون على فتح المواضيع عن السهم في الليل والنهار
وهذا يدل بأن الشيخ محماس قرب خروجه من السهم حتى لو أخذ يناور في السهم بين نزول ثم سحب السهم أخر التداول ! حركات محماس خف علينا يا مضارب أمانة
كل هذا غير مهم ! ولكن الأهم لماذا دائماً ذلك المنتدى متخصص في التصريف ؟ ولماذا دائماً أعضاء ذلك المنتدى هم ضحايا الشركات التي تم ايقافها ، ودائماً يسبق ايقافها موجة تطبيل عريضة في ذلك المنتدى ! بدون أي رادع ديني أو أخلاقي !
قبل ايقاف المتكاملة بأيام حذرت كثيراً من أن القروب الذي في السهم سوف يخرج منه وذكرت أسم المنتدى صراحة في حسابي الملطوش على التويتر بأنه سوف يكون الراعي الرسمي للتطبيل على السهم ، وبالفعل هو ما حدث وخرج القروب على أنغام مواضيع التطبيل في ذلك المنتدى وبقي الضحايا كالعادة يصرخون حتى انقطع صوتهم من شدة الصراخ ثم اختفى !
الآن المنتدى أغلب مواضيعه تطبيل لسهم وفا ننتظر النتيجة الحتمية ، خصوصاً وأن الشيخ محماس في مرحلة تسمين الضحايا من خلال انزال السهم إلى حدود النسبة الدنيا أو قريب منها ثم رفع السهم اخر الدقائق ، وقاعد يقول لهم ترانا كل يوم كذا تعالوا ألعبوا معانا ! لين يجي يوم ويلاقي طلبات تسوى ثم يطبقهم ذيك الطبقة اللي ما يبون غيرها ويفتح فيهم ثاني يوم تحت عشان مايبيعون وينتظرون الارتداد وملاهي كل يوم
وبعدها بالتأكيد سوف يكون شغل التطبيل على الباحة الذباحة وستكون على أسمها ذباحة ببركات القائمين على ذلك المنتدى
نطلع من موضوع وندخل بموضوع
NOMERCY
الشكر لله ، والله يعينا عليهم وعلى غثاهم وغثى العنز اللي أنت خابر لا يدري ثم يزعل علينا ويمردغ سهمنا
ابو نواف*
الله يجزاك خير ويرحم والديك عن النار
ميم نون ال جيم
بارك الله فيك ومبروك النسبة ، والحمد لله أن الشبيح طلع من فئة عقلية بزر على باله احرجني عشان قلت أن الغالب يحرك اسيج قبل الفرنسية عشان تعرفون وش العقليات اللي تدير بعض شركات السوق
هادي الحربي
الله يعوض عليك وعلى كل مسلم يخاف الله ، أخوي هادي السهم أصبح بالقاع وبسعر شراء وليس سعر بيع ، ومادمت لم تخرج فوق سعر 10 من الصعب الخروج عند هذا السعر ، واعتقد قرار الخروج من السهم يحدده النتائج المالية القادمة وليس الآن ، هناك مفاوضات بين الشركاء السعوديين والكويتيين على أن تتنازل الكويت عن جزء من حصتها للسعوديين بالبيع ، وهذا ما اشترطه سلطان بن محمد لتولي رئاسة مجلس الإدارة ودعم الشركة وإن شاء الله يتم الاتفاق لصالح السعوديين وقتها سهمك ستجده فوق 20 ريال إن شاء الله بسبب أن هناك كثير من كبار المستثمرين ينتظرون نجاح هذه الخطوة للشراء في السهم
رائد الحربي
للأسف أمس واليوم خرجت محافظ استثمارية قديمة في السهم واتوقع خروج المزيد
البعض بعد استقالة الرئيس والذي قبله بفترة وجيزة فسر الأمر بأن الشركة لديها مصيبة مالية كبيرة غير التي سمعنا عنها وكلا الرئيسان الذان إستقالا مؤخراً خشيا أن يكونا كبشا فداء في المستقبل حينما تنكشف المصيبة المالية ،، طبعاً لا أجزم بذلك ولكن هذا تصور بعض من خرجوا من السهم
مضارب من استراليا
الله يبيض وجهك يوم الحساب
النتريك
شكلك ما قريت ردي على نواف أمس ، ما راح أعيد الرد وابغاك تتعب وتدور الرد السهم فيه شبيح من تثليث
wonderif
اشكر لك مجاملتك اللطيفة واسأل الله أن يجعلني عند حسن الظن بعد حسن الظن بالله
لي عودة إن شاء الله لتحديث التوضيحات
وفقكم الله
بارك الله فيك ابو محمد
هلا بشربكه.................والله ودي ارسلك بالخاص
بارك الله فيك
يابو الشرابيك
ماعرفت من يلعب برعايه
ووش سالفت دله من نزول رعايه وهي نزول في نزول ارتفعت راعيه نزلت نزلت رعايه نزلت في كلا الحالتين نازله
السلام عليكم ,,
مساك الله بالخير ياشربكبك ,,
ياليت تخبرني عن تبوك ز ,,
شفت ردك على أبو نواف وضيق صدري ,,
أملك فيها ,,
إن كانت المشكلة لا زالت قائمة فعطني رايك أبيع أو استمر ؟؟
شكرا جزيلا على تعاونك أول وتالي ,,
..
المفضلات