عضو قدير
تعرفون اليوم عطلة ونستبيح مديرنا الغالي عذرا
بسؤالنا ومداعبتنا لخونا الغالي رش رش
لم اشاهده منذوا جلده مضارب المتطوره
ولانقول الا كما قال عساها تخفيف ذنوب
واجر وعافيه يابو الرشات الحلوه
من شاف لي رش رش عسى مابه اخلاف
الله يرجع صاحبي بالسلامه
يمكن يحب وضايقه زين لاوصاف
ويمكن مريض ويوجعنه عظامه
او يمكن انه راح يسعى ويطاف
ويتوب من سوق الفلس والندامه
عضو قدير
هههههههه رش رش خطير ......... هو اللي يرشرش السوق بس عساه خلص رش؟؟
اذا شفته رجع ثاني مرة للمنتدى بأذن الله يرتد السوق !!!!!!!
عضو قدير
هلا يا مدرعم
خذ العلم رش رش مذكور أنه راح لعجوز في الخرج تمرخه ( يدها مبروكة )
عقب جلد المتطورة
ويقولون انها مرخته وقالتله لازم تنام على بطنك
وانها حاميته مدة شهر على خبز بر وحليب عنز ما ياكل ولا يشرب غيرها
عضو قدير
مسيت بالخير
صح كلك العنوان شدني ودريت انه شعر ودخلت هههههههههههه
بس / او يمكن انه راح يسعى ويطاف <<< عد به النظر بالوزن : )
عضو قدير
ماجد
انا اتفائل فيه خير باذن الله وبرجعته للسوق احد المحفزات الطيبه
ــــــــــــــــــــــــــــــــــــــــــــــــــ ـــــ
عزام
هههههههههههههههههههههههههههههههه
ان كان علم العجوز صحيح كل المنتدى بيرابط عندها تمرخهم واولهم لماح وابو مهند
ــــــــــــــــــــــــــــــــــــــــــــــــــ ــــــ
سهم الوله
حياك وشدتك ام عيالك في ليلة ظلماء درجة الحراره فيها 3 درجات
اما وزن البيت اخوك بلاء فخر شيخ شعر وناقد وكثير من المعارف والاصحاب يتحاكمون عندي <<<ول يالعميمي ولا غسان
دايما اذا تبي تشوف البيت مكسور غنه بس على شرط عطه لحنه
ان مشاء معك في الغناء اعرف انه مابه كسر
وشرفنا مرورك وشرطتك ودورياتك ياغالي
عضو قدير
رش رش بطراااف نجد كشاات
بين جبال طويق وعروق الثمامه
كاشت ومابين دله وحليب خلفات
ماهمه سوق الفقر والندااامه
عضو قدير
مدرعم حبيبي
انا مثلك مرجع بالشعر هههههههههه
شف ياجدي مايستقيم البيت الا اذا شددت الطاء بكلمة يطاف واذا شددتها ما اظنها تجي بمعنى يطوف الا اذا هي لهجة عرب ههههههههه
تبي دليل اني استاذ شعر مثلك : )
لو تقول / يسعى بعد طاف
يكون سليم معنى ومبنى
عضو قدير
مساهم
صدقني ماهو راعي بر
الليله في صلاة العشاء في مكه كني شفت حلاياه في التلفزيون يبكي عند الحجر الاسود ويرفع يديه وكني شفت شفايفه يقول
التووووووبه التووووووووبه
سهم الوله
والله البلشه ههههههههههه
عضو مميّز
أنا مع سهم الوله في المبارزة الشعرية ...
هو الصح !!!
إنتبه يا بو باسل تقول عني عجوز مرة ثانية !!!
الله يذكر (عبدالملك) بالخير ... تعلمنا منه المناقرة !!!
*****
عضو قدير
هههههههههههههههههههههه
ابو المحاميد اللي مدرسني مصري وكنا في الفصل 45 طالب وهو المدرس الوحيد في المدرسه وهو المدير
وكان يضربنا ضرب الله لايوريك وصرنا نخاف منه ونقول كل اللي يقوله بالظبط
عاد انت تعرف وش يقولون للشايب
موقوف
ويمكن انه يرقص (له ) في زفاف
سالم وكاشخ بالمشلح والعمامه
عضو قدير
ابو حازمالمشاركة الأصلية كتبت بواسطة alsaadi
كنت بسالك عن اجتماع الميزانيه الامريكيه متى بحكم تخصصك بالخوارج واسواقهم
لكن يوم دريت انك منت من ديرتنا الاصليه ديرة الرسول صلى الله عليه واسلم
وانك مهاجر للقصيم مع الطيور قلت ماعاد انا ناشده
عضو مميّز
حي الله أبو باسل ... وحبيت أمزح معاك في هالموضوع اللطيف ...
بصراحة ما فهمت قصدك عن اللي يقولون للشايب ... مع أنهم ما يقولون له إلا خير (
مع أنه لا يعنيني على كل حال (يعني إني شباب
وحتى لا ارجع لك في موضوع ثاني بمشاركة جديدة يمين وإلا شمال !!!
ولك وللأخ رش رش التحية ... وعساه بخير ويطمنا عليه ...
*****
عضو قدير
من شاف لي رش رش عسى مابه اخلاف ××××× الله يرجــّـع صاحبي بالسلامـــه
يمكــن يحـب وضـــايقـه زيــن الأوصاف ××××× ويمكن مريض ويوجعنه عظامـه
أو يمكــــن إنـــــه راح يسعى ويطــّــاف ××××× ويتوب من سوق الفلس والندامه
أبيـات شعـر جميلة أعجبتني نتمنى المزيد
بارك الله في الشاعر مدرعم
عضو قدير
من يوم رشرش طب فالسوق ماخاف && انا اشهد انه يستحق الزعامة
ماهمه ان السوق ماهوب شفاف && ولا همه ان العمق تسعين قامه
يلعب على المكشوف مع كل الاطراف && مادس راسه مثل راس النعامة
واخاف بعد ايام ماعاد ينشاف && اذا اعلن الريس عليه الغرامة
عضو قدير
ابشر تراه بخيروخيور(ن) الاف > لاشك عقب الزعزه له غرامه
الشوق له حق (ن) وللشوق شواف>ومن لايحب الشوق ودك عدامه
عضو قدير
صح الله السانك اباباسل
وان شاء الله الله ما بالغالي رش رش خلاف وانما استراحة محارب
وانتبه تراه شاعر
يقولون القصيدة اللي مطلعها
يااهل السطوح اللي علينا تويقون .. اما انزلوا ولا عليكم رقينا
قائلها رش رش
لا تحارشه بالشعر يقعد يقول بك قصيدة تمشي بها الركبان من جيزان الى الشيشان
عضو مميّز
ان شاء الله بخير بس عنده شد في العضله ولن تمنعه من مباراه الفيصلي ولا تنسونه من دعواتكم
عضو مميّز
هلا وغلا بو باسل ماشاءالله مجمع الشباب مابقى الا الطيران والمراويس
رش رش ياطويل العمر أحد ضحايا بيشه
ولا غيبه هاليومين الا علوم غانمه بيجيبها ان قالها الله
ورش رش خذاني آخر الليل وياه
سمره على عود الغضا ياهملالي
أشكي ويشكي هم سهمه وقضاياه
من بعد توقيفه وسعره بالعلالي
عضو قدير
والله انه اجودي الله يرحم حالنا وحاله
كان رجال اسنافي حسبي الله على من علقه مع دناديشه ورثعبه
كله من الشثري حسبي الله على ابليسه
قضا على اخونا وجابله الصمرقع
مغير اشوف عجته طايره وصايره تقل عامود
يدور الشثري يبي يحطبه صوندا
راح فيها الشثري ماطاح الا بمصرقع نمنتهيه صلاحيته
عضو قدير
سجل واحد مجلود ههههههههه ..
بس رش رش راح ارباً ارباً من الجلد ..
بس حبيت اقول لكم راح تشترون منا على الـ 25 ...
عضو
يـــا صاحبي عفت المدينه والارياف
سجيت رجلي مع بروق الغمامه
في خايع" نبته له اشكال واصناف
ما داج فيه الا طيور الحمامه
خوة رجال فالمواقيف عراف
كسابه الناموس رجال الشهامه
عضو قدير
ماشاء الله عليك ..
اجل تلفلف بالاجواء الربيعية وخويك نتروكي بالمشفى من أثار الجلد ..
خبري بك في العناية الفائقة كيف طلعت
عضو
ماشاء الله عليك ..
اجل تلفلف بالاجواء الربيعية وخويك نتروكي بالمشفى من أثار الجلد ..
خبري بك في العناية الفائقة كيف طلعتما تنعطى سر ......فضيحه انت
عضو مميّز
أبيات جميلة يامدرعم
وردود لا تقل جمالا
..
عضو قدير
حبيبي طيب النية على اسمك طيب نية وادري انك قايل البيت مما تحفظ وقصدك المزح
لكن انا اعتبره من محاسن الصدف ولذلك راح افيدك بقائل البيت
عبدالرحمن المدعج من الزلفي من ربعي الخاصين اجلس معه كل ليلة تاليها هالاخير
ياهل السطوح اللي علينا تويقون **** اما انزلوا والا عليكم رقينـــا
انتم فتحتوا باب وابليس ملــــعون **** والزين شدّ انظارنا وارتخينـا
السالفه ماهي من عيون لــــعيون**** البارحه فيكم ترانا حكـــــينا
حكيٍ معه تخطيط وافكار مجنون **** والوضع يمكن ينفلت من يدينا
ولاعاد ينفع تشتكون وتقولــــون**** جيراننا بالليل نطّـــــــو علينا
عضو قدير
هههههههههه ليش مسوي حالتك الصحية مستقرة
وانا شايفك تجوب الاسياب امس بالعربية لا ووطلع في البخشة اللي عند مدخل قسم الجلدية
عضو
هههههههههه ليش مسوي حالتك الصحية مستقرة
وانا شايفك تجوب الاسياب امس بالعربية لا ووطلع في البخشة اللي عند مدخل قسم الجلديةليه ماكملت وش شفت بعد ليه ماقلت انك شايفني بالثوب الازرق حق التنويم وبعد بدون حاجه تحت
عضو قدير
هلا بك يامن اسفرت دنيته كل من شاف
رسمك على كل مجلس رافع الهامه
اشهد ان ربعك يرفعون الراس قبل الاسياف
ينجدونك ان باع المرجفين على السوق سهامه
واترك عنك من رجوله تظهر تحت اللحاف
وخلك من اللي كشتته ما تعدى الثمامه
وسلامتك
ضوابط المشاركة
رد مع اقتباس
المفضلات