أرفع راسك أنت سعودي

[Dr. Chemical]

أرفع راسك أنت سعودي ...

سؤال: السوق السعودي وهو أكبر سوق بالشرق الأوسط ليه قاعد ينزل كذا ؟
الجواب: كلنا عارفين

سؤال: طيب وين المسئولين عن المال والإقتصاد، هل لديهم ظروف صحية أيضا ؟
الجواب: لا ولكن محد حولك

سؤال: طيب، وين صناديق الدولة ؟
الجواب: نايمين

سؤال: طيب وين التويجري؟ وين كلامه بأول يوم مسك منصبه معقول ما يتابع السوق؟ ولا يتصرف ...
الجواب: التويجري مهموب لم السوق، قاعد يفكر بمستقبله

سؤال: طيب شنو الحل، لانو مو معقوله السوق قاعد ينزل أسابيع ولاكأن فيه مسئول بهالبلد يتابع ويتصرف ويشوف حل ؟
الجواب: تحمل خسارتك و أترك سوق الفلس لأن كل العوامل المحيطه هشه وتدعو للفشل الذريع ولا تنسى أن رأس المال جبان

سؤال: طيب ويش البديل؟
الجواب: شوف لك تجاره أخرى حتى لو تبيع غنم ... !

[ابو فهـــد]

الله يستر حبيب قلبي .. الأمور لاتبشر بخير والله تعالى أعلى وأعلم

[العالم الثالث]

الله ينتقم من كل ضالم

[( ابو العنود )]

عندي معزا عوارض متابيع ( مع عيالها ) .. للي يبي يستثمر ...

[alsaadi]

هذا الأستثمار الذي تكبر عنه الشعب السعودي
العنز من أكثر بهائم الأنعام تكاثراً
لو تشتري 100 رأس وتصبر عليهم عدة سنوات أفضل من العقار الذي يقال عنه آمن وافضل من أي استثمار


وناسة
وحليب (سخينة في البرد مع الهيل أو الزنجبيل) ترد الروح وربح آمن

بدل الف سهم في سابك تأخذ 100 رأس وبعد خمس سنوات ستجد الفارق للغنم

قديمك نديمك ايها الشعب.

[ولد صالح]

على 1700 وطالع اللي دافع وش رايك بها لسعر

[( ابو العنود )]

على 1700 وطالع اللي دافع وش رايك بها لسعر

نصيبك ...

منحد ابي اعدل

[ولد صالح]

اصبر اصبر دخلني الماء اخاف فيه تصحيح هونت

[محمد الخطيب]

عندي معزا عوارض متابيع ( مع عيالها ) .. للي يبي يستثمر ...

طلعو اهل الحلال .......

وتعم فيهم وعلى ما قال الصاعدي قديمك نديمك

طيب واللي يبي منيحة .؟؟؟

[alsaadi]

ولد صالح
ليش هونت كنت ابربحك فيها عشرة على كل رأس وهي في مراحها

على شرط سالمة من العذاريب
ماهي عويد
وديوسها سالمة
ومن فروع العارضيات ماهي كديش

اشر وانا اربحك.

[عادل الوافي]

دكتور ....
قاعدة الأنظمة هشة ، وكل(ن) قاعد يدبر أموره في الخارج طلباً للهجه ...!!!!! اي نظام ملكي فوضوي من الداخل وهش في الأزمات ..!.!!!! خاصة أنه لايوجد جيش يستحق أن تعتمد عليه .!!!!

[أيمن خالد]

سوقنا المالية تحتاج غربلة كاملة فالتويجري وزبانيته
ورؤساء الشركات سارقي وناهبي أموالها عن طريق مجالس إدارتها وصياغة الأخباروالتحكم بها
فقبل ماتعلن أي شركة خبر إيجابي أو سلبي يجيه خطاب مبين فيه خبر الشركة أو يطبق عليها غرامة مالية
وطبعاً الخبر يستفيد منه هو وحاشيته وعائلته قبل المتداولين
إلى درجة ان الشركات اصبحت لا تتفاعل مع أخبارها الإيجابيه بسبب محافظ التويجري الخاصة
التويجري قتل السوق ونهبه هو وكم سلتوح معه سمح لهم بغطاء منه ان يتداولون ويتلاعبون في قطاع التأمين المستحوذ على أكثر من نصف سيولة السوق السعودي
وبقية الشركات جثث هامدة بدون مضاربين حيث تم إخراجهم وتطفيشهم بسبب سياسة النصب والسرقات
والآن التويجري لا يستطيع ان يخرج بأي تصريح ولم يعود المتداول على ان يخرج بخطاب يطمئن المتداولين في أكبر سوق في الشرق الاوسط كما يصفه بعض المخللين
وكأن هؤلاء المتداولين لاأحاسيس لديهم فبيع الصناديق الجائر في مثل هذه الأجواء يوسّع الهوّة فإستغلال العواطف والإشاعات غير موجود سوى في سوقنا للأسف وأصبر طالما أنت سعودي

[أويس]

أرفع راسك أنت سعودي ...

سؤال: السوق السعودي وهو أكبر سوق بالشرق الأوسط ليه قاعد ينزل كذا ؟
الجواب: كلنا عارفين/ كذبة صدقناها سوق جميع شركاته مسروقه ومنهوبه

سؤال: طيب وين المسئولين عن المال والإقتصاد، هل لديهم ظروف صحية أيضا ؟
الجواب: لا ولكن محد حولك/ الضمير والامانة ماتت

سؤال: طيب، وين صناديق الدولة ؟
الجواب: نايمين/ فاضية تبي تبيع للتغطية لاتنكشف وهم تصير فضيحة لاكبر دولة في الشرق الاوسط ..

سؤال: طيب وين التويجري؟ وين كلامه بأول يوم مسك منصبه معقول ما يتابع السوق؟ ولا يتصرف ... / أول خله يجيب جامعة معترف بها تعترف بشهادته بعدين اسأله عن السوق
الجواب: التويجري مهموب لم السوق، قاعد يفكر بمستقبله

سؤال: طيب شنو الحل، لانو مو معقوله السوق قاعد ينزل أسابيع ولاكأن فيه مسئول بهالبلد يتابع ويتصرف ويشوف حل ؟
الجواب: تحمل خسارتك و أترك سوق الفلس لأن كل العوامل المحيطه هشه وتدعو للفشل الذريع ولا تنسى أن رأس المال جبان
لاوالله السراق كثر يسروقون في كل وقت حتى في وقت الكوراث تجد همه السرقة فقط هذا بلانا أكبر منتج للبترول في العالم وسوقها لاتستطيع دعمه ! أجل نستعين ببجلادش
سؤال: طيب ويش البديل؟
الجواب: شوف لك تجاره أخرى حتى لو تبيع غنم / يابن الحلال الغنم ما تدري عنها خصوصا لا قلولك مابه شعير وش تسوي
فقط يردون رأس المال ونعلمك وين نروح سوق الهند ولابنجلادش ولاتخاف ... !

ارفع راسك انت تنفص وغيرك يزودي

[Dr. Chemical]

وينك يا وزير المالية ما تطلع تصرح وتتكلم عن قوة السوق وأنك تستثمر فيه مثل أخر مره !
لايكون مو عاجبتك الأسعار طال عمرك ؟ ترا زين ب 7 و اعمار ب 7 والانماء ب 12 ... وإذا في بالك أسعار محدده قلها وريحنا علشان ننزل لها ونرتاح من هالنزول المتواصل !