بحرينيه كاتبه تويتر :
حبايبي السعوديين اليوم الوطني معناه انكم تحتفلون فبلدكم وحنا نجي نحتفل معكم مو انتو تجون تحتفلون عندنا..
بحرينيه كاتبه تويتر :
حبايبي السعوديين اليوم الوطني معناه انكم تحتفلون فبلدكم وحنا نجي نحتفل معكم مو انتو تجون تحتفلون عندنا..
قولوا لها الشباب في بلدنا منبوذ الاسواق توهم سامحين لهم يدخلونها
و محرومين من كل وسائل الترفيه
حتى حديقة الحيوانات ما يدخلونها
و كل حركة يسوونها مشتيه فيهم حتى تثبت البراءة
و الواحد لو يروح يتمشى مع أخته لين قلبه يدق يخاف الهيئة يلحقونه
و في اليوم الوطني الشرطة على أهبة الاستعداد لملاحقتك
و حتى الشقق ما يؤجرونك اذا أنت عزوبي
وين نروح غير لحبايبنا أهل البحرين قريبين و حبيبين و الجسر خلاهم قريبين
الاجازة هذه بالذات هي اللي خلت الناس
يسافرون مع انها اربعة ايام ما تسوى خساير وتضييع فلوس
وبعد ما يرجعون يقولون ما لقينا ايجار الشقة وحليب الطفل
وخذ سب وشتم
يخوي حرام اجازة اربعة ايام تسافر طيران لدبي او غيرها انت وعائلك وفنادق فايف ستار وسيارة فخمة
وانت على قد حالك
يخوي مد رجلك على قد لحافك
وفي هالاجازة صل رحمك وتمش في بلدك فعندنا متنزهات واستراحات واسواق والحمد لله
إيه أخوي الأم تحس بالقهر لما ولدها ما يدخلونه معها حديقة الحيوان
و لما تشوفه جالس بالبيت ما فيه محل ترفيه للشباب إلا محلات الشيشة
بينما البنات العروس عندنا كأنك في نايت كلب و كل يوم عندهم دي جيه
و الولد اذا راح للعرس رجع من الساعة 10 و البنت ما ترجع الا الصبح الساعة 8
و حفلات تخرج مدارس أهلية مثل العروس
كل شيء عندنا للبنات و الأولاد منبوذين
ما أعتقد الأمور كما تصورينها - أختي أم عبدالله -
ذهبنا إلى حديقة الحيوان و ما صار الموقف الذي ذكرتيه !
لكن أستغرب أن يكون الترفيه هو المطلب الأساس لأولياء الأمور و هم يعلمون الأولويات التي يجب أن توفر لجيل الشباب ...
شبابنا يجب أن ينشأ على الجدية و على الاهتمام بمعالي الأمور ..
أفهم أن الشباب في اليابان أو كوريا الجنوبية أو في أمريكا يبحث عن الترفيه ...
تلك أمم منتصرة و تحقق أهدافها
نحن لو تركنا أبناءنا و رغباتهم الترفيهية من سهر أو سفر ، لا أشعر أن هذا يتوافق مع وضعنا بين الأمم
لنقل الحقيقة ... نحن أمة نعيش في مؤخرة الركب و لا بد من التربية الجادة المتوازنة حتى نجد لنا مكانا بين الأمم
المسئولية الأكبر تقع على عاتق الحكومة فإن تقاعست أو تأخرت فهذا لا يعفي الوالدين و المصلحين من سد التقصير
قفلوا باراتكم وقابليني اذا لقيتي سعودي عندكم
ارفقوا علي شوي
هالحين هاللي يروحون للبحرين أليس من أجل الترفيه
طيب ليه ما يكون فيه ترفيه عندنا و نضبط عيالنا أكثر و نحميهم من الفساد
و بعدين الترفيه ضروري للعقل السليم و متنفس للضغوط النفسية
بعد الدراسة و العمل الواحد يرفه عن نفسه شوي
ياخوفي ان هالبحرينية ماكان هذا قصدها
لايكون لها مقصد ثاني وحنا طرنا بالعجه
الفكرة واضحة، شعب يهرب من بلده وأنتم عليكم بحث الأسباب كيفما شئتم...في النهاية شعب يهرب من بلده!
كلام سليم وانا اشهد بهذا
الا وش فيها البحرين
لوقلنا الامارات يمكن بنسبة 50% لان هناك مراكز مميزة وافكار رائعة
لكن البحرين حر ورطوبة و زحمة شوارع وفنادق رزقها على هالزوار المستعجلين ويوفرون لهم اللي يبون
حتى تجارة في البحرين مافيه ولا استثمار ولا اي شيء
فقط شيء واحد وكل يعرفه
وانا لا اقصد البحرينيين بل تعرفت على بعضهم وهم رجال لكن هي سياسة البلد اللي سمحت بانتشار الاشياء هذه وجعلته وجهة مهمة لمن يريد اللعب
يقولون اماراتي راح يفصل ثوب سعودي علشان ما يحس انه غريب اذا دخل اسواق الامارات
هههههههههههههههههههههههههههههههههههههههههههه
هههههههههههههههههههههههههههههههههههههههههه
وراكم شبيتووو على أم عبدالله ؟؟؟؟؟؟؟؟؟
للأسف هذا هو حاااال 90% من الشعب نساءً ورجالآ
إلا وهــــــــــو
أستعباد الخلق بكل مكان وزمان ...ويجعلون من أنفسهم آلهةً من دون لله
وللأسف حينما يطلب منهم قول الحق في نازلةً أو ظلم أو في مصلحة الأنـــــــــــسان
تجدهم لف ودوران ونفاق حتى يقولووووااا معشار الحقيقة المطلوب منهم قولها
أما إذا نفـــــــــــــــست بأي رأأأأي وهو مجرد رأي ووجهة نظر بحثاُ عن حلووول
فأنهم يدخلونك النار مباشرةً فهم آلهةً من دون الله
الله يرحم مــــــــــزنه
للأسف ... هذا هو الأمر الواقع .. نحن نتحدث عن أمر واقع مؤسف للغاية
السعودية بيئة طاردة للترفيه والاستمتاع ...
الترويح عن النفس ... طبيعة غريزية في النفس وليست عيباً كما صوّرت في الفترات الأخيرة
بلد بحجم قارة ... لايوجد فيها مايغري أحد من داخلها أو خارجها للقدوم اليها - ماعدا الحرمين الشريفين -
بالرغم من مخزونها الثقافي والتاريخي والمادّي ..
ألا أن هذا البلد قد رضي لنفسه الواقع المعيشي الترفيهي البائس ...
بدعوى الدين... والاسلام من ذلك براء .. فهو الدين الذي وضع الاغلال واراح النفوس البشرية ...
أتمنى أن نرجع للتاريخ الذي يمتد الى أكثر من 1400 عام ... هل كان هناك مدينة أو منطقة تزعم التمسك بالدين ..و يهرب منها جزء كبير من أهلها للأماكن المجاورة في كل الفرص المتاحة ... ولا أحد يأتيهم !!
فا انا لم اسمع ان هذا قد حدث سابقا في اي دولة معاصرة أو سابقة !!!
حتماً أن هناك خطأ جسيم وفهماً خاطئ بني عليه في استمرار الوضع الحالي بهذا الشكل !!
_
ام عبدالله ماقالت غلط .. بغض النظر عن فكرتكم وشي بخصوص رفاهية البحرين
هي تتكلم بشكل عام ... وبصراحه كلامها واقعي
للآسف الشديد يا ام عبدالله انك تتهمين الهيئه والأجدر بك
انك تحمدين الله انك في بلد يوجد فيها من يئمر بالمعروف وينهاء عن المنكر
الحمدالله ماشفت اللي تقولينه او سمعتي عنه
لا بالاسواق ولا بغير
وكل ما اشوف رجال الهيئه ينشرح صدري وحمد الله على وجودهم
والله ماعمري شفت منهم اي مضايقه من كنت عزوبي مهنا سوق ماجيته
بس الحمدالله ان مخافت الله بين عيوني لهذا ماشفت اللي يشوفه اللي رايح يلعب
لكن الله يعينهم على من يحارب وجودهم ويشوه صورتهم
المفروض بك تناشدي رجال الهيئه بمعاقبة بعض الفاجرات واوليا امور
اللي اذا طبت السوق
ضاربه نفسه بالشيطان الرجيم ريحة الطيب تخزق الخشم من قوته
والمكياج والكحل تطلع للسوق وكأنه رايحه لعرس
والمشكله تشوف الي تحت عيونه بيضه من كثر المكياج
واليدين سود
حسبي الله ونعم الوكيل
على كل من اراد نشر الفساد ومحاربة رجال الدين
السفر هوايه ليس له علاقه بانظمه البلد
مثلاً : السياح الأوربيين يأتون إلى مأرب ومصر ..!
يعني اوربا لايوجد فيها سياحه أو ترفيه ..ومأرب ومصر قمه الترفيه ؟!
وحنا جالسين نرفه عن أنفسنا بهاااالنت .
هل تعلم أن البحرين أقرب دوله من السعوديه ؟؟؟ ومنفتحه بعد بكل ما يتوفر للشباب
وخصوصا المراهقين!!!!
مراهق لا يعني صغير في السن فقد تلقى أحيانا رجل في الثلاثينات أو الاربعينيات
وأغلب ميوله وتصرفاته كالمراهق؟؟؟؟
******************************************
خفوا على أم عبدالله الله يهديها وهيدينا جميع....
*****************************************
بخصوص الأخت البحرينيه الكاتبه بتويتر
ما ألومها : عاد من كبر البحرين لو يدخلها 3000 سعودي ترسوا فنادقها واسواقها
وباراتها وووو.....
****************
أخيرا شكل الموضوع ياكاتبه متوجه للإقفال نسبه
واحد متأثر بسوق الاسهم...
*****************
ياخوان غالبية الى يروحون البحرين من فئة الشباب وكلنا عارفين الشباب وش يدور علية ولا نبغى هذي الشيء في بلدنا والله يحمينا ويبعدنا عنه وعن بلدنا يعني تتوقع الى يروحون البحرين بيروحون الكورنش ياخي شواطينا اضعاف مضاعفه لشواطي البحرين والا بيرحون متنزهات متنزهاتنا اكبر من البحرين كلها والا بيروحون اسواق لو تجمع اسواق البحرين كلها ماتوصل نصف مساحة مركز الراشد في الخبر بعدين الى يروحون البحرين نسبة قليله يعني نفترض واحد في المئه طيب 99 في المئه الباقية وينهم ماهم في البلد
المفضلات