منتديات أعمال الخليج
منتديات أعمال الخليج

صفحة 1 من 2 12 الأخيرةالأخيرة
النتائج 1 إلى 30 من 57

الموضوع: توضيح بخصوص سهم القصيم الزراعية

  1. #1
    تاريخ التسجيل
    6-Jul-2005
    المشاركات
    1,067

    توضيح بخصوص سهم القصيم الزراعية




    بسم الله الرحمن الرحيم ،،، وسلام الله عليكم جميعاً ،،، وكل عام والوطن بخير



    دخلت اليوم المنتدى ولقيت النفسيات ماهي اللي نبي !! حتى بعض الشباب اللي كانت نفسياتهم هادية صاروا معصبين يا دافع البلا ، والله قاعد اقرأ لبعض الاخوان وعيوني مدمعة من الضحك والله معاكم حق لكن شر البلية ما يضحك ،، ومو باقي إلا كاترينا اللي الوحيد للحين مقاوم وكاتم غيظه واحس أنه يكتب وهو عاظ لسانه كنه حسين عبدالغني إذا بغا يكسر لاعب ! ولو أحد ينشب لكاترينا شوي ممكن يطقها بكوة من القهر

    نطلع من موضوع وندخل بموضوع

    يا شباب بالنسبة للي قاعد يصير في سوق الأسهم واللي اخرتها مهزلة شركة المعجل فهناك توجيهات عليا بالمتابعة لشركات السوق وكذلك عدم إعفاء هيئة سوق المال من مسؤوليتها تجاه ذلك وإن شاء الله تكون النتائج ممتازة ومن صالح المستثمرين في سوق الأسهم في القريب العاجل .

    نطلع من موضوع وندخل بموضوع

    وصلتني رسالة من أحد الاخوان يطلب فيها توضيح بخصوص سهم القصيم الزراعية ويكون التوضيح على العام لأن فيه اخوان غير مسجلين في منتدى أعمال الخليج ويملكون في السهم ويبون يعرفون وش اللي صار بالسهم

    ذكرت في موضوعي قبل الأخير أن مرسي قام بإنقلاب أبيض على سعادة المشير ،، والأيام الماضية أخرج مرسي أغلب محافظه من القصيم الزراعية وبكميات كبيرة جداً ووجها لشركات ثانية راح نتطرق لها إن شاء الله في موضوع ثاني ، وما زاد الطين بلة مثل ما يقولون هو ما تم إثارته عن الشركة ومشاكلها مما دعى بعض أصحاب المحافظ في السهم يطلبون إخراج محافظهم حتى ولو بخسارة

    ولكن ما يهمنا في هذا الموضوع أن سعر السهم اغلق اليوم عند سعر كسر العظم بالنسبة لسعادة المشير وأي نزول قادم راح يكون خراب بيوت لسعادة المشير ومن معه ، لكم أن تتخيلوا ان هناك محافظ بكميات كبيرة لها قرابة السنة في السهم عند سعر اغلاق اليوم والسهم ذهب لبحر الثلاثينات ولم يقوم بالبيع وبعد سنة يعود السهم لسعر شرائهم !!! يعني تيتي تيتي مثل ما رحتي مثل ما جيتي !!! وسنة راحت على الفاضي !! والأدهى والآمر ان هناك محافظ كبيرة تم أدخالها بالسهم بجميع الأسعار فوق 22 ريال إلى 28 ومازالت متكرعنة بالسهم زي اللوز

    نجي للمهم وهو أن السهم أمام أمرين إما أن يضحي سعادة المشير بالسهم ومن فيه وهنا ممكن نشوف السهم تحت 10 ريال لا سمح الله ، وموضوع التضحية صعب جداً لأن أصحاب المحافظ لهم وضعهم وممكن يكرعنون المشير من قراعيبه لو سواها .

    والأمر الثاني وهو أن المشير لم يبقى له أمل بعد الله سبحانه وتعالى في البقاء في السوق إلا من خلال هذا السهم وهو بمثابة التحدي وأثبات الذات ، وهو الأقرب واتوقعه . طبعاً الموضوع توضيح فقط لأحداث السهم

    نطلع من موضوع وندخل بموضوع

    طبعاً لا يخفى عليكم بأن هناك محافظ استثمارية كبيرة خرجت من أسهم ثقيلة بسبب الأوضاع السياسية ولعبة أمريكا وإيران وهي التي أثرت على السوق الأيام الماضية ، ولكن الشبيحة مازالوا بأسهمهم وعلى العكس فقد قاموا بفتح مراكز جديدة في بعض الشركات وسوف نأتي لهم لاحقاً إن شاء الله إذا ما تحركوا يوم الأثنين وخلوا الناس تستانس وإلا سدحناهم بالتفاصيل

    نطلع من موضوع وندخل بموضوع

    استغرب من البعض اللي ناشبين لولد الشيوخ ولاحقينه من سهم لسهم !! راح لنماء وعينك ماتشوف إلا النور أنواع المحافظ وراه ! راح لأمانة ونفس الشي ! راح لعناية وهاتك يا مسابق وراه ! وراح للخليجية معليش يا حبيبي حنا معاك ! راح لولاء والشباب هاتك يا ركضي عشان يلحقون !!!! يعني وين تبون الرجال ينحاشله ، اتركوه يتنفس ويحرك كم شركة عشان تتحرك معاه الشركات مثل ما صار بعد بروج ، عموماً الرجال يجمع بسهم بهدوء وواضح أنه مو مكشوف بهالسهم لأن لليوم ما دخل معاه ملقوف ، ووالله وتالله وبالله ما راح أذكر السهم لا على العام ولا على الخاص لأن السهم غير تأميني ولله الحمد وارتفاعه راح يخدم قطاع كامل .

    نقطة ختام : يقولون الباص فيه فزة الموت عساه يغير نفسية بعض الشباب

    وفقكم الله


    رد مع اقتباس رد مع اقتباس

  2. #2
    تاريخ التسجيل
    10-May-2005
    الدولة
    الرياض
    المشاركات
    689
    حياااااااااااااااااك شبركة نورت

    ياليت تعطينا اخبار المتكاملة لاهنت.......
    رد مع اقتباس رد مع اقتباس

  3. #3
    تاريخ التسجيل
    22-Dec-2007
    المشاركات
    178
    يالله حيه والشركه خشاخشيه يعني نخشخش
    رد مع اقتباس رد مع اقتباس

  4. #4
    تاريخ التسجيل
    5-Nov-2005
    المشاركات
    469
    سهم الخال المصافي مافية جديد
    رد مع اقتباس رد مع اقتباس

  5. #5
    تاريخ التسجيل
    11-May-2005
    المشاركات
    657
    بارك الله فيك أخي شربكة
    ومارأيك في المصافي ومتى فزت الخال لأنه زودها حبتين ؟
    رد مع اقتباس رد مع اقتباس

  6. #6
    تاريخ التسجيل
    27-Oct-2005
    المشاركات
    1,523
    ياهلا وغلا بشربكتنا
    جعل المشير يصير جندي حاف
    وواقف خفاره على باب مضارب سهمي لعل وعسى يلعنون بعضهم
    والا الله يطيحهم بدين الطبيشي
    مهنا مشيرات تتوسطلي انا وكاترينا عندهم الوضع متئزم وبقوه
    رد مع اقتباس رد مع اقتباس

  7. #7
    تاريخ التسجيل
    11-May-2005
    المشاركات
    307
    يقال أن السهم هو مدينة المعرفة
    والله أعلم وهدفهم فوق 25
    رد مع اقتباس رد مع اقتباس

  8. #8
    تاريخ التسجيل
    11-May-2005
    المشاركات
    132
    تجيب العلم . . بارك الله فيك
    رد مع اقتباس رد مع اقتباس

  9. #9
    شربكة اسم على مسمى دخلتنا من القصيم الزراعية وطلعتنا راكبين الباص بعد مرورنا على شركات التامين قبل ركوب الباص. عزيزي شربكة دام حنا ننتظر فلان وعلان يشيل السهم وهذا متورط وهذا مشتراه في العالي ولا مدة يصرف دام حنا نمشي وراى هذي السوالف فابشر بشركات كثيره راح تفلس وتختفي من السوق وترى اعضاء مجالس الادارة عارفين مع مين يتعاملون ومنهم المساهمين وكيف تفكيرهم للاسف نحن شعب اتكالي وكل واحد من المساهمين ينتظر الثاني يتحرك يجيب له حقه والغريب ان المساهم يتحسف يدفع مبلغ بسيط لمحامي من اجل استرجاع حقة وفي المقابل يخسر اضعاف مضاعه دون الحصول على شيء
    حبيبي بدو ببيشه وبعدين ثمار المعجل والقصيم بيتلحفهم وشف كم شركة في السوق قائمة لها عشرات السنين والى الحين ماحققت ارباح بل خسائر دائمه تتوقع هذولا لو يعرفون ان وراهم مساهمين بيحاسبونهم او بيرفع ضدهم دعوى قضائية بيستمرون في هذ المهازل

    اقول الله يصلح الحال
    رد مع اقتباس رد مع اقتباس

  10. #10
    تاريخ التسجيل
    7-Jul-2005
    المشاركات
    527
    بارك الله فيك ،، اتوقع يختار الخيار الثاني المشير والله اعلم

    ننتظر جديدك يالغالي
    رد مع اقتباس رد مع اقتباس

  11. #11
    تاريخ التسجيل
    8-Nov-2007
    المشاركات
    1,158
    الناس ماهي خايفة من المشير ولا الغفير !

    الناس خايفة من الإيقاف !

    وعندها يتكرعن المشير والغفير !
    رد مع اقتباس رد مع اقتباس

  12. #12
    تاريخ التسجيل
    21-Jul-2008
    الدولة
    هضبة نجد
    المشاركات
    14,382
    هلا شربكه ,,

    مشكور على الموضوع المختصر - كالعادة -

    أما سهم الرجال فمعروف ولكنني مؤتمن عليه ,,

    رجاء لا أحد يراسلني عالخاص ,,

    اللي أقدر أقوله إن في وسطه حرف غير منقوط ,, وبس ,,

    ..
    رد مع اقتباس رد مع اقتباس

  13. #13
    تاريخ التسجيل
    3-Dec-2011
    الدولة
    السعودية
    المشاركات
    1,801
    اقتباس المشاركة الأصلية كتبت بواسطة لمّاح مشاهدة المشاركة
    هلا شربكه ,,


    مشكور على الموضوع المختصر - كالعادة -

    أما سهم الرجال فمعروف ولكنني مؤتمن عليه ,,

    رجاء لا أحد يراسلني عالخاص ,,

    اللي أقدر أقوله إن في وسطه حرف غير منقوط ,, وبس ,,


    ..
    اثر العرب ماشاء الله كلهم اصحاب معلومات ومسوين علين غلابا

    الله يكثر من امثالك يبومحمد (معلومة) من القلب للمنتدى

    وحتى لو ماصابت بعضها لكن حسن النية ظاهر فيها وباين انه رجل يريد الخير لاخوانه
    رد مع اقتباس رد مع اقتباس

  14. #14
    تاريخ التسجيل
    21-Jul-2008
    الدولة
    هضبة نجد
    المشاركات
    14,382
    اقتباس المشاركة الأصلية كتبت بواسطة رائد الحربي مشاهدة المشاركة
    اثر العرب ماشاء الله كلهم اصحاب معلومات ومسوين علين غلابا

    الله يكثر من امثالك يبومحمد (معلومة) من القلب للمنتدى

    وحتى لو ماصابت بعضها لكن حسن النية ظاهر فيها وباين انه رجل يريد الخير لاخوانه

    والله مهيب المسألة كتم علم ياأخ رائد,,

    لكن شخص وصاني على سهم وقال تعطينا 30% من الربح وأنت وذمتك , وذكر كلاما قريبا من كلام شربكه ,,

    أنا مادخلته للآن , وشكلي منيب داخل لأني متعلق في كم سهم ,,

    طبعا ماأقدر أقوله لأني مذمّم ومأخوذ علي عهد بعدم ذكره ولا لأقرب إخواني ,,

    ممكن يكون خويي من جنبها ( يعني بالعربي : كذااااب ), إن طلع السهم استفاد وإن ماطلع مهوب خسران شي ,, ومع ذلك سألتزم بعهدي ( وأوفوا بالعهد )


    ..
    رد مع اقتباس رد مع اقتباس

  15. #15
    تاريخ التسجيل
    5-Nov-2005
    المشاركات
    469
    اقتباس المشاركة الأصلية كتبت بواسطة لمّاح مشاهدة المشاركة
    هلا شربكه ,,

    مشكور على الموضوع المختصر - كالعادة -

    أما سهم الرجال فمعروف ولكنني مؤتمن عليه ,,

    رجاء لا أحد يراسلني عالخاص ,,

    اللي أقدر أقوله إن في وسطه حرف غير منقوط ,, وبس ,,

    ..

    جابها العاصوف

    يقال أن السهم هو مدينة المعرفة
    والله أعلم وهدفهم فوق 25
    رد مع اقتباس رد مع اقتباس

  16. #16
    تاريخ التسجيل
    22-Nov-2005
    الدولة
    جدة
    المشاركات
    863
    اولا اشكرك على الي انت خابر وابشرك مبدعين الاخوان
    فضلا امسح من الخاص ودنا نراسل ونغثك
    رد مع اقتباس رد مع اقتباس

  17. #17
    تاريخ التسجيل
    21-Jul-2008
    المشاركات
    15,148
    اقتباس المشاركة الأصلية كتبت بواسطة لمّاح مشاهدة المشاركة
    هلا شربكه ,,



    مشكور على الموضوع المختصر - كالعادة -

    أما سهم الرجال فمعروف ولكنني مؤتمن عليه ,,

    رجاء لا أحد يراسلني عالخاص ,,

    اللي أقدر أقوله إن في وسطه حرف غير منقوط ,, وبس ,,


    ..

    خزف قل لا
    رد مع اقتباس رد مع اقتباس

  18. #18
    تاريخ التسجيل
    27-Oct-2005
    الدولة
    جنب بيت أخوي
    المشاركات
    10,425
    شربكه ماشاءالله عليك شربكتنا من موضوع في موضوع ذكرتني بالعطوف وعقده مع اهل آرامكو في حفر الآبار والتنقيب عن النفط

    رايي طال عمرك انا والعطوف متشاركين بمحفظه وحده

    اذا تخبر مشيره يبيلها من يدير محفظتها حنا زاهبين انت بس عرفنا عليها وحنا نتواصل معها وهي الكسبانه

    نرجع لموضوعنا العساسي تقول سهم فيه 30%!!ماهيب شينه ابد

    بالنسبه للسهم اللي دخله المضارب طويل العمر ان بغى فزعه حنا جاهزين وان مابغى فزعه فترانا محتاجين
    رد مع اقتباس رد مع اقتباس

  19. #19
    تاريخ التسجيل
    28-Nov-2005
    المشاركات
    1,373
    شكرا ياخ شربكه

    ..............................وليتك سدحت السهم خليت العالم يشترون مدام السوق احمر احسن من سدحته والسوق مشعلل اخضر الثلاثاء.....
    رد مع اقتباس رد مع اقتباس

  20. #20
    تاريخ التسجيل
    30-Jun-2005
    المشاركات
    401
    معدنية يامعدنية وصليني للمية
    رد مع اقتباس رد مع اقتباس

  21. #21
    تاريخ التسجيل
    21-Jul-2008
    الدولة
    هضبة نجد
    المشاركات
    14,382
    شربكه ,,

    أحمل لك سلام واستفسار من صديق في منتدى آخر :

    اقتباس المشاركة الأصلية كتبت بواسطة الفارس

    حياك الله اخي لماح


    لو سمحت اخي انا رايت عضويتك في اعمال الخليج وانا سجلت من مده بس لسه ما تفعلت عضويتي واضعين شروط صعبه


    ياريت با غالي تسا عدني في تفعيل عضويتي باسم مبتدي

    وبكل صراحه ابغي يتم تفعيل العضويه حتي استفيد من شربكه

    بالله عليك اوصله سلامي قل له واحد يحبك في الله ويحب اسلوبك في الكتابه



    ..





    ولو سمحت ممكن تسال شربكه عن المتكامله مشتراي فيها 30.80 ومتعلق بكامل السيوله وهل ينصح بتبديلها بسهم نقي ويا ريت اسم السهم




    ..


    ..
    رد مع اقتباس رد مع اقتباس

  22. #22
    تاريخ التسجيل
    11-May-2005
    المشاركات
    1,133
    هلا بحبيب الملايين ... كيف حالك يالغالي

    أملك بمعدنية وأنعام
    فهل تنصح بالاحتفاظ بمعدنية أم تبديلها بأخرى
    رد مع اقتباس رد مع اقتباس

  23. #23
    تاريخ التسجيل
    19-Jun-2005
    المشاركات
    215
    ابرسل لك على الخاص لكن فل

    ياليت تحذف بعض الرسايل
    رد مع اقتباس رد مع اقتباس

  24. #24
    مع احترامي لاخونا شربكة وكذلك حبيبنا لماح الذي اكن له كل نقدير واحترام وهو الذي فرض احترامه على الجميع بتعامله الراقي وحسن خلقة ونصحه الصادق الا ان موضوع (سهم الرجال) المفروض مايشار الية خاصةً انكم اثنينكم اقسمتم الا تعلمون احد لا على الخاص ولا على العام اذا مالفائدة من ذكره.
    رد مع اقتباس رد مع اقتباس

  25. #25
    تاريخ التسجيل
    27-Oct-2005
    المشاركات
    1,029
    اقتباس المشاركة الأصلية كتبت بواسطة ابو شذى مشاهدة المشاركة
    مع احترامي لاخونا شربكة وكذلك حبيبنا لماح الذي اكن له كل نقدير واحترام وهو الذي فرض احترامه على الجميع بتعامله الراقي وحسن خلقة ونصحه الصادق الا ان موضوع (سهم الرجال) المفروض مايشار الية خاصةً انكم اثنينكم اقسمتم الا تعلمون احد لا على الخاص ولا على العام اذا مالفائدة من ذكره.

    ابو عبدالله إلا تعلم أن الرازق الباسط المنعم الحافظ

    هو الله

    جل جلاله
    رد مع اقتباس رد مع اقتباس

  26. #26
    تاريخ التسجيل
    2-Jan-2006
    المشاركات
    937
    حياك الله اخي شربكه

    كلام ينقط عسل ..

    هل تعتقد ان المطوع اوشك على الاقلاع بالمدرعه

    وياليت لم تتطرق للسهم القادم اللي خارج قطاع التامين لكي لاتشغلنا بالبحث والتدوير والتنبيش

    لكن والله اعلم لن يخرج من القائمه هذي ( معدنيه - شمس - اسمنت حائل - سيسكو - المعرفه )

    وان كانها خارج القائمه هذي ياليت تقول بدون ذكر السهم

    موفق يالغالي ولاتحرمنا من اطلالتك
    رد مع اقتباس رد مع اقتباس

  27. #27
    تاريخ التسجيل
    6-Jul-2005
    المشاركات
    1,067




    majjedd

    النور نورك اخوي ماجد ،، والمتكاملة بحسب علمي أن محافظ كثيرة وكبيرة مهمة طلعت من السهم بين 29 و 31 وبعضها اتجه لأسهم تأمين وبعضها مازالت خارج السوق ومع الاسف لا علم لي بدخول محافظ قوية على السهم خلال الأيام الماضية ،، وفي موضوعي قبل الاخير ذكرت فيه ان الشبيح شال كميات زيادة والسهم حافظ على سعره خلال اسبوع كامل بتذبذب بين 32 و 33 لكن بعدها كان واضح البيع على السهم وبكميات كبيرة لدرجة ان السهم فقد من قيمته 15٪ خلال ثلاث جلسات متتالية . ما اعرف سعرك لكن من المهم تفعيل مبدأ ايقاف الخسارة وخصوصاً أن السهم واضح انه اصبح يساير القطاع والسوق عموماً لعدم وجود من يدافع عن السهم في الوقت الحالي

    حمود الصعب

    يالله أنه يسهل كل أمورك ولا يصعبها ، والسهم من شركات الوسط وماهو خشاشي .

    شايب الأسهم

    المصافي مازال الخال موجود بالسهم وبكميات كبيرة ، وبخصوص التعويض ما أدري وين قريت يقولون التعويض بحدود مليار !!! طبعاً هذا الرقم غير صحيح وحسب كلام الخال انه بحدود 100 مليون وتزيد قليل ، ودخوله للسهم ما كان عشان موضوع التعويض ، الخال يبي يشخص ويصير صانع سوق ومازال يصر على ان السهم راح يوصل فوق 100 ريال الله يقويه ويساعده يا رب

    معاذ

    هلا اخوي معاذ ،، الخال الله يهديه قاعد يطبق مقولة الفيلسوف ترول لول اللي يقول ( إذا لم تستطع أن تبهر الناس بذكائك فحيرهم بغبائك ) !!! عشان كذا تشوف السهم ما تدري هو طالع وإلا نازل ، واستكمال الرد في الرد السابق على الاخ شايب الأسهم

    العطوف

    هلا والله بالغالي أبو شوق راعي الوزر ، وخلي وحدة منهم لين يجيك صاحبها ويأخذها إن شاء الله ، وراعيها يقول ترى مشور الرجوع لأعلى بادي من اسبوع ، والمشير ألحين صار يمسك خفارة بعد إنقلاب مرسي عليه وما عاد صار يفسخ الفرهول ، ومن زود نجاسة مرسي صار يمسك المشير خفارة بالشد ويقول ما يندرى ممكن تصير حرب بأي وقت خليك جاهز ! وكاترينا كنت دايم استغرب عمري ما قريت لكاترينا أنه بسهم غير التأمين وما شاء الله صار مستشار أسهم تأمين ! وكنت أقول بيني وبين نفسي وش سر كاترينا مع التأمين ؟ ويوم تبقست الأمور وصرت اتليقف على أهل التأمين وألقي كثير من محافظ التأمين نسائية وتفوح من المحافظ ريحة العطر . عقب دريت ليه كاترينا متولع بالتأمين وحتى إذا علقوه يرد وكن سهمه جايب هاي جديد !!!

    العسوف

    مدينة المعرفة طال عمرك سهم مرسي القديم الجديد وهدفه مثل ما قلت ، واشوفه كل فترة يقلل من الهدف كان 30 وصار 25 الله يستر وش بيكون الهدف القادم ، على العموم السهم بسعر 16 مناسب جداً سوء بوجود مرسي أو غير مرسي

    الساحل

    بارك الله فيك والله يجزاك خير ويرحم والدينك عن النار ، والله يساعدني ويساعد غير بكتابة ماينفع اخوانا

    ابو شذى

    هذا طال عمرك يسمونه ربوع بلادي بالأسهم ، لازم نسوي جولة . وسبق ذكرت بأننا شعب نفقد ثقافة المقاضاة القانونية عشان كذا تشوف الفساد قاعد يسرح ويمرح بكل مكان ، ومثل ما على الحكومة حق فعلينا الحق الأكبر في تقويم المسؤولين

    شنغريلا

    هلا ابو عبدالله ، والرجال لو ما يختار الخيار الثاني اقرأ عليه السلام نهائياً

    جبر بن جابر

    لو هي على خوف من الايقاف كان اليوم سعر الباحة نصف ريال قيمة علك حار

    لماح

    أكثر من كذا اختصار مافيه يا أبو اللماميح وبالنسبة لسهم الرجال ما ذكرته للسبب نفسه اللي انت ذكرته في ردك القادم ،، والله يا اخوان اني افتح الخاص ألاقي من 4 الى 5 رسائل يسئلونك الرجال في أي سهم والمشكلة أن اللي يسئلك أول أو ثاني مرة يراسلك على الخاص ولا له مشاركات بالمنتدى عشان تعرف وشهو من لحية . ثاني شي تلاقي كل واحد جمع كم محفظة يدور سهم الرجال عشان يعشت عليه . ثالثاً أن حتى الشبيحة الكبار صاروا يعشتون عليه . رابعاً من مصلحة السوق هو أو غيره يرفعون أسهمه عشان يشجعون البقية ، خامساً مثل ما قلت يجيك واحد يعرف انه الرجال بالسهم الفلاني وشغال توصيات بنسبة من الربح على قفى الرجال !!!! شوف نماء واللي صار فيها ماتت بسبب أن الرجال بالسهم والكل داري بالموضوع والكل يوصي على السهم والكل قاعد يبيعها على انها توصية فيها ربح . وكان ذكري لموضوع سهم الرجال هي رسالة للي يراسلوني على الخاص وكذلك للي ذكرتهم في ردي هذا للي يسئلون عن سبب ذكر السهم ، وما اكتبه ويكون غير مفهوم للبعض غالباً هو رسالة لاخرين يعرفون قصدي

    رائد الحربي

    والنعم ومليون نعم بأبو محمد ، وبعدين بالموضوع السابق تقول غير اسلوب التوصية ويوم غيرناه الناس دخلت السهم اللي وصيت عليه وطار فيه راعي المعارض وانت قاعد تدور وش السهم ؟ وثاني شي أنت قلت لا تكشف كل شي عشان مصلحة السوق وعشان كذا ما ذكرت سهم الرجال عشان مصلحة السوق

    نو ميرسي

    ترى الجماعة ما باعوا شي ، والخاص راح احاول الرد على الاخوان ان شاء الله ونترك فراغ عشان تغثنا

    طيب النية

    عيني عليك باردة



    لي عودة ان شاء الله ، واحاول استكمل الردود على الخاص

    وفقكم الله
    رد مع اقتباس رد مع اقتباس

  28. #28
    تاريخ التسجيل
    13-May-2005
    المشاركات
    1,099
    الحين انت هوشربكه

    فيه واحد من الاعضاء موصي على سهم ويقول هذا لعيون شربكه ، عاد انا والله مدري ويش شربكه هذا لين شفت موضوعك هذا وعرفت شربكه ، المهم عاد انا متشربك بالقصيم ز وخسران ( طبعا قريشات تشطيب عمارتي ) والحين ادور الخلاص بهج من السوق بعد القصيم ز .

    عندك معلومة بارتداد السهم لنقاط معينة أو اي شي يخلصني من هالسهم .
    رد مع اقتباس رد مع اقتباس

  29. #29
    تاريخ التسجيل
    25-Jul-2008
    الدولة
    KSA
    المشاركات
    243
    حبيب الكل شربكه
    ساب تكافل فيه شبيح يحبه قلبك لكن نبي هدف السهم اذا عندك علم
    دمت بحفظ الله
    رد مع اقتباس رد مع اقتباس

  30. #30
    تاريخ التسجيل
    13-May-2005
    المشاركات
    4,057
    بارك الله بالجميع ----------مدام قائدك العام سعادة المشير راح وطي سلمي عليه وعليك --وقله ضف كشك والجبل -----------------
    رد مع اقتباس رد مع اقتباس

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
المنتدى غير مسؤول عن أي معلومة منشورة به ولا يتحمل ادنى مسؤولية لقرار اتخذه القارئ بناء على ذلك