شباب نبي نصيحتكم(في شراء منزل جاهز) او بناء

[خلوها]

طبعآ لابد من اعطائكم معلومات متكاملة
1- يوجد لدي قرض شخصي(شهريآ 4200 ريال باقي فية (37800) فقط
ينتهي شهر سبعه السنة الجديده ان شاء الله
2-الراتب (15200) ريال
3-قسط سيارة(1000) ريال
4-مدارس خاصة(1000) شهري
5- خرج اسمي من الصندوق العقاري (500) الف ريال
-------------------------------------
1-فكرتي انا استخراج قرض (300) الف ريال +500 الف الصندوق العقاري
واشتري فلة جاهزة بحدود (800) الف ريال
2-الفكرة الثانية وهي شراء ارض مابين 300 متر الى 380 متر بحدود 300 الف ريال
وبنائها بملغ (500) الف ريال طبعآ الفلة درج صالة ما ابي استثمار ابي اسكن في كامل الفلة
سؤالي لكم والى أهل الخبرة ماهو الافضل الطريقة الاولى او الطريقة الثاني
وتكون ارخص وهل 500 تكفى ام لا لبناء فلة مابين 300الى 380

[Mustashar]

الله يوفقك الى ما فيه الخير

انا اقول ان الاستخاره اولا

ثم فكر في الناحيتين ان وجدت جاهز بهذا السعر الذي ذكرته فهو فرصة ممتازة ولكن بأي مدينه انت بالرياض لا اعتقد ان هناك جاهز بهذا السعر؟

اذا وجدت ارض بسعر ممتاز وتكون فوق 450 م فالبناء ربما يكون افضل لكي تفصلها على مزاجك وعليك تحمل متاعب البناء.

[بركان]

الله لايوفقك راي لك تشتري ارضك بنفسك وتصمم على اللي تبي وتضمن
ادوات لان اغلب المعروض للاسف مغشوش وفوق كذا توفر بحدود 200000 الف ريال تخليه اثاث

[حبيب الملايين]

بدون تردد

توكل على الله وابني ارضك .

[بلاتيني]

على حسب الموقع والمساحة ممكن نفيدك
نصيحتي لك مبدئياً اشتر أرض وعلى مهلك أبني
موفق خير

[خلوها]

الله يوفقك الى ما فيه الخير

انا اقول ان الاستخاره اولا

ثم فكر في الناحيتين ان وجدت جاهز بهذا السعر الذي ذكرته فهو فرصة ممتازة ولكن بأي مدينه انت بالرياض لا اعتقد ان هناك جاهز بهذا السعر؟

اذا وجدت ارض بسعر ممتاز وتكون فوق 450 م فالبناء ربما يكون افضل لكي تفصلها على مزاجك وعليك تحمل متاعب البناء.

انا في مدينة الرياض
والحى الشفا ابي اسكن هناك كل اقاربي مستحلين الحي

[خلوها]

على حسب الموقع والمساحة ممكن نفيدك
نصيحتي لك مبدئياً اشتر أرض وعلى مهلك أبني
موفق خير

الرياض
الحي الشفا او الحزم
والمساحة ذاكرها انا في الموضوع من 300-الى-380

[خلوها]

الله لايوفقك راي لك تشتري ارضك بنفسك وتصمم على اللي تبي وتضمن
ادوات لان اغلب المعروض للاسف مغشوش وفوق كذا توفر بحدود 200000 الف ريال تخليه اثاث

جزلك الله خير على النصيحة
وما لون با الون الاحمر عارف انها غلطة مطبعية

[الوسط]

اسأل الله لك التوفيق

رأيي ان تشتري الارض اولا , ثم بعد ذالك تنتظر حتى انتهاء القرض الذي عليك .. لان قرض وعمار يشكل ضغط عليك ماديا , لكن اذا بدأت العمار وانت متحرر من القروض تستطيع ان تأخذ قرض اذا دعت الحاجة.

وانصحك ان تحاول ان لا تاخذ قرض اثناء العمار وحاول ان تعمر على مهلك وتضيف على دفعات البنك العقاري من راتبك وعند آخر مراحل العمار تأخذ قرض والافضل تأجله للتأثيث.

ولاتنسى ركعتي الاستخارة بكل امور حياتك , فقد ورد بها حديث صحيح.

[الخاص]

بما أنك في الشفاء فالأراضي هناك أرخص .
أشتر أرض والقرض 500 ألف يكفيك وراح يزيد منه قرابة 50 ألف .
لكن بشرط تستعين بالله ثم بشخص خبرة في البناء .

[خلوها]

بما أنك في الشفاء فالأراضي هناك أرخص .
أشتر أرض والقرض 500 ألف يكفيك وراح يزيد منه قرابة 50 ألف .
لكن بشرط تستعين بالله ثم بشخص خبرة في البناء .

جزاك الله خير

[كاترينا]

الله يوفقك ويرزقك من حيث لاتحتسب

البنيان خسارة فلوس وصحه

والجاهز خسارة فلوس مضاعفه تؤدي الى خسارة صحه

الراي طال عمرك قدر المستطاع لاتربط نفسك بقروض

الامر الاخر شف لك صاحب تثق فيه ويثق فيك يملك ارض ويفضل ان احدكم له خبره بالعقار ومعرفة احتياجات الزبون

تتشاركون في بناء فله ممتازه تتعبون لأجلها ماديا وهي تستاهل

بعد الانتهاء منها يتم عرضها للبيع وكل واحد ياخذ نصيبه

ان انسجمتوا مع بعض في الفله الاولى ممكن تكررون الشراكه في بناء فلة ثانيه

المده المقرره لبناء فلتين تقارب خمس سنوات

الالتزامات المقرره لو بنيت لوحدك قد تستمر اكثر من 10 سنوات

النتيجه بعد بناء فلتين: توفر سيوله فائضه تستطيع من خلالها بناء بيت العمر لك ولأبنائك

المتعب نفسيا حينما تبني بيت ليس بقدر طموحك ورغباتك وتكون خسرت اموال طائله + التزامات ماليه تكسر العظم

وربنا يوفقك ان شاءالله لما فيه الخير

[أبو جلنار]

نصيحة ابتعد عن الجاهز نهائياً ..

الانتظار افضل حالياً الاسعار في القمة ولا يوجد عمالة ..

[بحرالحياة]

أفضل حل من وجهة نظري
انت تعمر بيتك بنفسك وتضع مشرف على المبنى
والمبلغ الي بياخذه المشرف حلال عليه وبيوفره لك من خلال خبرته
والاهم يعطيك مبنى خالي من العيوب باذن الله

شراء فله جاهزة مناسب في حاله واحده
شخص بنى لنفسه ثم جاه نقل لديرة ثانيه
غير كذا شراء الجاهز خساره مضاعفه

بالتوفيق

[الشاب]

بركان تراك جبت العيد في ردك

[شمال المملكه]

الافضل تبني بنفسك برغم ان البناء مكلف لكن الله يعينك شي تحت اشرافك تكون متطمن وتعب سنه ولاتعب سنين
انا بنيت فله خاصه على مساحة 600 متر مربع ومسطح 530م تقريبا دورين
كلفتني 880 ألف تقريبا والتشطيب متوسط الى ممتاز

[ghenaim]

المبلغ يعتمد على الموقع فى بعض الاماكن المليون ما يكفى للارض ممكن تجد ارض بحدود ال1200 ريال للمتر فى الضواحى وكل ما تبعد تجد ارخص بمبان الان 600 ريال تقريبا القريب فى حدود ال 1700 الى 2500 ريال للمتر
ابعد شوى فى حى جديد واشتر قبل لا يصلها الغلا وتوكل على الله ممكن تشترك مع صديق فى ارض وتقسمونها لان المساحات كلها فوق ال 550 متر للقطعة الواحد الى 900 وهذا المعدل

[المنطقي]

بما أنك في الشفاء فالأراضي هناك أرخص .
أشتر أرض والقرض 500 ألف يكفيك وراح يزيد منه قرابة 50 ألف .
لكن بشرط تستعين بالله ثم بشخص خبرة في البناء .

نفس كلام اخوي خاص ابن انت بس ما اتوقع يزيد معك خمسين بالعكس ممكن ينقصك لان بافتراض انك بنيت تشطيب عادي يمكن يكلفك المتر الف الدور الارضي 200 والثاني زيه مع السطح والخزان والاسوار ممكن تطلع بحدود ال500 لل550 متر فبطلع حسبتك من 500 الى 550 الف بدون الاثاث انقل عفشك الحالي ويمديك تجدد بعد مايخلص قرضك بس الجاهز بياخذ عليك زود من 150 الى 200 الف انت اولى فيها

[خلوها]

متابع ردودك ومستانس من ارئكم

[الرررازم]

اخي الكريم
شف من تثق فيه وله خبرة في مجال البناء والبيع او من يذكرونه الناس بالامانة في البناء واشتر افضل لك بكثير طالما انك ارتبطت بقرض
ليش لان القرض راح يحسب عليك من استلامة ولاتدري ماتصادف اثناء العمار اقلها خلاف بينك والمقاول او ارتفاع اسعار بعض السلع او اي شي اخر لاسمح الله
لاكن طالما فيه قرض والتزام فالشراء اولى والسكن ومن ثم التفرغ لجدولة باقي التزامات الحياة موفق خير

[الرررازم]

وللمعلومية الربح الذي سوف تدفعة في الشراء
انت سوف تخسرة في الايجار او قريب منه وبالتوفيق

[بركان]

بركان تراك جبت العيد في ردك

هههههه
غلطه مطبعيه كله من بركات الايفون

[بروكر]

متابع ردودك ومستانس من ارئكم

ههههه متابع الردود ومستانس يالشايب هههه الله يسعدك ياشيخ
هيا اسمع العلم بحكم اني مستثمر في هذا المجال

اذا شريت ارض مساحتها 400 متر تكون المباني بحدود 520 متر لكامل المبنى وال 500 الف تكفيك باذن الله بمستوى جيد .

لكن شوري عليك لو قدرت تدبر مبلغ من هنا ولا من هنا حتى لو تدين وتأخذ ارض 600 متر وتبنيها دبلكس تسكن بوحده وتبيع وحده وتسدد دينك وتصير الفله اللي تسكن فيها بدل ما تكلفك 800 الف تكلفك بعد ربح الفله المباعه 600 الف .

ويصير عندك فائض 200 الف نصفها تأثث فيها البيت ويبقى معاك 100 الف تدلع عويلتك فيها وربي يسعدكم ويوفقكم

[خلوها]

بروكر تراني متابع وكل شوي اجيب الحرمة واقولها ها شوفي
وش يقولون الخبراء نبني افضل من الشراء الجاهز

[أم عبدالله]

ههههه متابع الردود ومستانس يالشايب هههه الله يسعدك ياشيخ
هيا اسمع العلم بحكم اني مستثمر في هذا المجال

اذا شريت ارض مساحتها 400 متر تكون المباني بحدود 520 متر لكامل المبنى وال 500 الف تكفيك باذن الله بمستوى جيد .

لكن شوري عليك لو قدرت تدبر مبلغ من هنا ولا من هنا حتى لو تدين وتأخذ ارض 600 متر وتبنيها دبلكس تسكن بوحده وتبيع وحده وتسدد دينك وتصير الفله اللي تسكن فيها بدل ما تكلفك 800 الف تكلفك بعد ربح الفله المباعه 600 الف .

ويصير عندك فائض 200 الف نصفها تأثث فيها البيت ويبقى معاك 100 الف تدلع عويلتك فيها وربي يسعدكم ويوفقكم

تبون الصراحة هذا عندي أحسن حل

و سلم لي على المدام ان شاء الله بتشجعك عليه

[بروكر]

بروكر تراني متابع وكل شوي اجيب الحرمة واقولها ها شوفي
وش يقولون الخبراء نبني افضل من الشراء الجاهز

الحمدلله اللي ماقلتلك تزوج بال 200 الف الزايدة ههههه

اسأل الله العظيم رب العرش العظيم ان يسهل لك موضوع المنزل

تحياتي

[(( أبو أحمد ))]

خذها من مجرب وعسى الله يختار لك الصالح

مهما كانت سيولتك جاهزه صدقني راح تتعب مع العمال والمواد
العمال الحين صاروا يشتغلون على مزاجهم بيطلعون الشيب براسك
المقاول اليوم تعبان
المقاول ماوفر للعمال حقهم
المليص حصل اليوم شغل بسعر افضل من سعرك
المبلط مزاجه اليوم مو رايق
السباك متهاوش مع الكهربائي

اضف الى هذا وذاك
الاسمنت اليوم مرتفع ريالين
الحديد مو متوفر بالسوق
الطوب جاهز بس مافيه سياره تنقله ( رح استاجر لك سياره تجيبه )

نصيحتي وانا اخوك : لو حصلت فله تضمن شغل راعيها وتصميمها قريب من ذوقك وسعرها في متناولك فلا تتردد واشترها

[أم عبدالله]

ممكن تتشاركون أنت و المدام في الفلة الثانية ان كانت موظفة و لا جايها الإرث و لو بسيط

[مي ad]

خذ مني النصيحه انا وصديق لي انا عمرت ارضي وهو اشترى جاهز هالكلام من سنتين تقريبا انا ولله الحمد والمنه لم اعاني من مشاكل كبيره بينما صاحبي الى الان وهو يعاني من مشاكل معضله ابتداءا من الكهرباء والسباكه والمجاري والعزل حتى الدفان كان من مخلفات البناء من اسمنت وبلوك لذلك هضمت الارضيات واضطر الى تكسير الارضيات والتبليط من جديد على العموم حتى هذه اللحظه وهو يصلح في البيت وخاصه في الصيف الكهرباء تلعب تزيد وتضعف
ارجو الا تغلط وتشتري جاهز الا من شخص تعرفه جيدا انه يخاف الله
ايضا ليس اي مقاول ولا اي سباك ولا اي كهربائي ولا اي مليس ولا اي دهان ولا اي حداد
لابد ان يكون الانتقاء بعنايه ومجرب وتشوف شغله قبل وعليك بلعقود والشروط والمده
اقول هالكلام من واقع تجربه واذ احتجت اي سؤال تحت امرك

[طائر الحرم]

مثل ماتفضل الإخوة
نصيحة لاتشتري جاهز تجاري احذر كل الحذر
واحد من اثنين
اما تعمرها بنفسك
أو
تشتري من ثقة عمرها لنفسه ويبغى يبيعها
الله يوفقك في المنزل المبارك الواسع