بعد اذن الاداره(فزعتكم يا اهل القصيم )

[الشيخ عبد القادر]

السلام عليكم
وكل عام وانتم بخير
بعد اذن الاداره (اختي تعينت في القواره بالقصيم وفي هجره تابعه لها اسمها (الصليبه )
ابغي معلومات عنها هل فيها سكن او خدمات او اقرب منطقه فيها سكن وخدمات قريبه من المنطقه ولكم وافر الشكر

[كاترينا]

بإذن الله يجيك العلم ياشيخ عبدالقادر من اهل القصيم

[السماوى]

ايوة القواره بلد اغلبه من قبيله حرب واعتقد بلد فيه سكن يعنى غير نائى هذا ما اعرف عنه

[الشيخ عبد القادر]

الله يسعدكم جميعا

وبانتظار الاخوه لان موعد ذهابي للقصيم بعد بكره لاستطلاع الوضع

[الأسود]

الله يسعدكم جميعا

وبانتظار الاخوه لان موعد ذهابي للقصيم بعد بكره لاستطلاع الوضع

لك رساله بالخاص واتشرف بخدمتك

تحياتي

[عبدالملك]

الله يسهل اموركم

[al_badr]

بالنسبة للقوارة يالغالي ..

قرية كبيرة وبها سكن .. اقرب طريق من بريدة تتجه لحائل مع الطريق السريع
وبعد 40 كلم ياتيك مخرج القوارة .. تبعد عن بريدة 75-80 كلم
ومن عيون الجواء 50 كلم

بالنسبة للقرية للي ذكرت لم تمر علي للاسف .. واتوقع انها قريبة من كبد ..

[السماوى]

تكمله المعلومه الصلبيه اقرب لها مدينه عيون الجواء على الخط السريع تبعد عنها خمسين كيلو او مدينه فيد تبعد عنها اربعين كيلو بس لم جهة حائل اما الصلبيه هى قريه سلايمه من قبيله حرب لكن تعتبر قريه باديه لكن فيها عمائر على دورين تقريبا عشرين بيت وفيها سكن لكن نادر وقليل فاذا اردت ان تحجز سكن من الان قبل ما ياتى من هو قبلك لان السكن قليل وانا بالخدمه لاى سؤال او اجيب لك رقم جوال واحد بالصليبيه تراسله يحجز لك سكن قبل الزحمه طبعا بحاول اجيب رقمه لانى لا اعرفه مباشره لكن هناك من يعرفه وفيها سوق اسبوعى ياتى له من كل القرى اللتى حولها

[الشيخ عبد القادر]

اخواني الاسود والسماوي البدر عبدالملك كاترينا

الله يعطيكم الصحه والعافيه جميعا وما قصرتوا

اخوي الاسود :خدمك المال والبنون ما قصرت

[الأسود]

اخوي الاسود :خدمك المال والبنون ما قصرت

اخي العزيز ابو بدر

اتشرف بخدمتك وخدمه الجميع حسب القدرة
وربي يقدرنا على الخدمه

تحياتي

[الأفغاني]

افضل شي انها تسكن في بريده وتروح مع نقل معلمات
لان السكن في عيون الجواء او الصلبيه غير مريح ..
عموما المشوار ساعه ذهابا وساعه رجوعا
ومافيه احلى من دوام القرى لانهم يطلعون بدري والدوام مريح ..