مواطن يبي بيت ..

[مناجي]

اخواني الكرام .. هذا اخ يستشيركم ويطلب نصحكم :
حبيت استشيركم لان اخوكم في حاله من عدم التركيز وتشتت الذهن ما الله به عليم والله المستعان .. لضروفن لحقت بي ..
العمر 43 سنه
باقي على تقاعدي 9 سنوات
راتبي 15000 ريال
علي التزام بنكي ثلث الراتب بيخلص بعد سنه (قرض اخذته وتبخر في الاسهم )
نزل اسمي في الصندوق العقاري ..
لا املك شي بتاتا الا راتبي ..
وبسبب ضغط ابنائي المتواصل لشراء بيت .. اصابني الهم الشديد لهذا الامر
برايكم كيف ممكن اتصرف وهل سأجد بيت لائق بحدود ال750 ال 800 الف .. حيث اخذ قرض شخصي من البنك 250 الف
واكمل به الصندوق ..
رايكم يفيدني سددكم الله
والسلام عليكم .

[dehlosa]

اولا دعواتى لك ولكل محتاج بأن يفرج الله همك ويريح بالك.
ثانيا انت قلت ان عمرك 43 سنة وستتقاعد بعد تسع سنين بعد عمر ملئ بالحيوية والنشاط وسن التقاعد هو ستين فواضح انك تقصد 53 سنة.
ثالثا آمل ان تحصل على ترفيع خلال هذه المدة المتبقية ليساعدك بشكل او بآخر على التضخم الذى بدأ ينخر فى معاش المتقاعدين.
نعم يوجد فى بعض مناطق البلد فلل بهذه القيم واذكر منها الدار البيضاء وشرق الرياض على طريق الدائرى الشرقى مخرج 15 او 16 لا اتذكر بالضبط وكذلك فى حى العريجاء وحى غبيراء طبعا اغلب هذه الفلل مستعملة والله يعينك على دنياك ويجعل آخرتك وآخرتنا احسن من دنيانا والصبر مفتاح الفرج.

[نجل الرياض]

الله يكون في عون الجميع

اسعار الفلل في الاحياء المرغوبه من المليون الى مليون وثلاث ممكن تتفق مع اخ او صديق و تشتري البيت بالمناصفه اذا يكفيك دور واحد

ومثل ما اشار الاخ عن فلل الدار البيضا وتلال الشفا تلاقي فله جديده
بالمبلغ اللي معك لكن اتمنى تكون آخر خياراتك .

[أبوخليل]

إذا كنت تريد مساحات من 400 وطالع لا تفكر بشمال أو شرق الرياض
شمال الرياض 400 متر توصل حول 2 مليون وشرق الرياض 1.5
شف في جنوب الرياض ممكن تحصل فلل 200 متر بحدود القيمة المذكورة لكن أنت تقول عندك أولاد وأشك أنك ممكن تعتبره سكن مناسب

[محمد بن صالح]

الله يفرج همك وكل مسلم

[عبدالملك]

انتظر الى ان تكمل تسديد القرض و في هذه الأثناء ابحث عن بيت مناسب لتشتريه.

[المنطقي]

الافضل تنتظر لحين سداد القرض وتاخذ ارض 400متر عن طريق البنك حتى لو قرض عقاري وال500 تبني فيها الارض واذا انت مستعجل حاول تدبر ستين باي طريقة وتسدد البنك للانتهاء من القرض الحالي والله ييسر الحال

[مناجي]

اولا دعواتى لك ولكل محتاج بأن يفرج الله همك ويريح بالك.
ثانيا انت قلت ان عمرك 43 سنة وستتقاعد بعد تسع سنين بعد عمر ملئ بالحيوية والنشاط وسن التقاعد هو ستين فواضح انك تقصد 53 سنة.
ثالثا آمل ان تحصل على ترفيع خلال هذه المدة المتبقية ليساعدك بشكل او بآخر على التضخم الذى بدأ ينخر فى معاش المتقاعدين.
نعم يوجد فى بعض مناطق البلد فلل بهذه القيم واذكر منها الدار البيضاء وشرق الرياض على طريق الدائرى الشرقى مخرج 15 او 16 لا اتذكر بالضبط وكذلك فى حى العريجاء وحى غبيراء طبعا اغلب هذه الفلل مستعملة والله يعينك على دنياك ويجعل آخرتك وآخرتنا احسن من دنيانا والصبر مفتاح الفرج.

اشكرك على تفاعلك ..
يبدو انك مالك في العسكرية ولا انت مخاوي عسكري ..
تقاعد العسكري غير المدني اخوي .. فمثلا تقاعد الرئيس رقباء 52 سنه ..
والمشكلة اذا تقاعد جزروا راتبه كله ما يبقى له الا النص تقريبا ..