المشاركة الأصلية كتبت بواسطة شربكه
بسم الله الرحمن الرحيم . وسلام الله عليكم جميعاً
في البداية بعد شكر الله سبحانه وتعالى أتقدم بالشكر الجزيل لأخي بركان على ما غمرني فيه من مشاعر وحسن ظن في شخصي الضعيف اسئل الله أن أكون استحقها ،، وأقول له وش رأيك تسلمني للشبيحة ونتقاسم المكافئة اللي راح يدفعها الشبيح الله لا يكثر خيره مسترخصني بـ 500 الف ريال فقط أو دف اسمه عشان انشبله بكل موضوع عشان يرفع المكافئة لكن أخاف إذا عرف مين أنا هو اللي ينحاش 
وكذلك الشكر موصول لأخي سمر سهم ولجميع من تداخل في الموضوعين وأقولكم بيض الله جيهكم وحرمها على النار
والفترة الماضية صادفت انشغال تام لي ودخولي للمنتدى قليل جداً وفي اوقات متأخرة من الليل كنت استغلها بالرد على الخاص لكثير من الاخوان اللي حطوا ثقتهم فيني بعد الله سبحانه وتعالى , وكذلك الرد على الاصدقاء والاقارب من خلال التويتر . وليس صحيح كما يزعم البعض هداهم الله أني ما أطلع إلا بالارتفاعات ! وياليت كلف نفسه ودخل على مشاركاتي ومتى كانت تكتب وقارنها مع تشارت المؤشر وتشارت نفسيات المضاربين .
المهم .. موضوعي هذا ما لأمه علاقة بالمؤشر وراح اتكلم فيه ان شاء الله عن الوضع العام للسوق واحاول قدر المستطاع الاختصار لضيق الوقت بالنسبة لي
نبدأ بموضوع نقص السيولة الفترة الماضية وسببها اللي يمكن بعضكم يعرفه لكن كلامي للي ما يعرفونه , طبعاً هيئة سوق المال الفترة الماضية لاعبة لعبتها صح مع كثير من المحافظ وحاطة عند كل صالة جيب للهيئة وشغالين قفط ببعض اصحاب المحافظ المخالفة ومنهم من وقفوهم ومنهم من وجهوا لهم انذارات وخصوصاً ان هذي المحافظ كانت نشطة بالتدوير على كثير من الشركات وعليها ملاحظات سابقة فبالتالي اصبح هناك حذر كبير من الشبيحة اللي يديرون هذي المحافظ وعرفوا ان الهيئة ما تمزح وجادة في ضبط السوق , وبصراحة يستحقون الاشادة ومثل ما ننتقدهم في بعض أخطائهم اليوم نقول للهيئة احسنتم وبارك الله فيكم
ألحين نروح لموضوع أسهم الخشاش سابك والبنوك وبعض الأسهم الاستثمارية الثقيلة ونشوف وش سبب الضغط عليها رغم أنها ما أخذت نصيبها من الأرتفاعات الماضية !! الضغط كان بسبب صناديق البنوك بالدرجة الأولى وطبعاً لهم أسبابهم ومبرراتهم من وجهة نظرهم واعتقد أنهم بنسبة كبيرة على حق وخصوصاً من خلال توقعاتهم بخصوص نمو أرباح قطاع الكيمكل الفترة القادمة بعد أن اتضح لهم بأن هناك أزمة لدى الصين في التسويق لأوربا ، إضافة لتوقعهم بحدوث أزمة سياسية مؤقتة في المنطقة . طبعاً أنقل لكم أسبابهم , وتذكروا بأن ناقل الكفر ليس بكافر , وليس شرط أن اتفق معهم بذلك
والسبب الثاني هو تخفيض كميات من بعض كبار المستثمرين وحطوا تحت مستثمرين مليون خط , يعني ناس تشتري وتقفل ولا لها علاقة بالحركة اليومية للسوق لكن مشكلتهم إذا بغو يبيعون سببوا مشكلة للمؤشر , وهذول مبرراتهم سياسية أقتصادية ورأس المال جبان
والسبب الثالث واللي جد علينا من كم يوم هو خوف البعض بعد تحديد موعد التدريبات العسكرية في الأردن بمشاركة 17 دولة وتحديد موعد زيارة نائب وزير الدفاع السعودي للأردن وعملية ربطها بموقف السعودية المشرف تجاه نظام بشار الكلب وزمرته
انتهينا من أسهم الخشاش ونقلنا لكم تفكير أصحابها , ونجي ألحين للقيادي . صدق والقصيم الزراعية والسيارات والمتطورة وغيرهم من الشركات
لليوم وحتى ساعة كتابة هذا الموضوع جميع الشبيحة متواجدين بشركاتهم وبعضهم استفاد من النزول بتجميع كميات أكبر لمرحلة نهاية الاجازة الصيفية أو منتصفها لتحقيق هايات جديدة بشركاتهم متى ما كانت الاوضاع السياسية العامة هادئة ان شاء الله وفي حالة توتر الوضع لاسمح الله يكون الله يعينهم على التعليقة لين تزين الأمور لاحقاً ,, المعنى لا يجي أحد ويقول أنت جاي تكذب على مين وأنهم صرفوا أسهمهم وطلعوا من السوق وهو ما عنده علم أكيد
قبل ما أختم موضوعي وأجاوب على الأسئلة أن وجدت احب اوضح عن بعض الشركات في السوق واللي عليها حركة ملفتة الفترة الماضية واخص ثلاث شركات فقط بالموضوع وباقي الشركات إذا الله راد نجاوب عليها بالاستفسارات أن وجدت
سهم اعمار كان الأخ نسر فاتح موضوع عن السهم بعد حركة كانت ملفتة على السهم وقمت بتنبيهه على الخاص بأن الشبيح باع كمياته في السهم وتوجه لدار الأركان مع شبيح ثاني وهو ما يفسر الحركة على السهمين سواء كان بالسلب على أعمار أو بالايجاب على دار الاركان .. وهذي تراها ماهي توصية بيع أو شراء على السهمين عشان نكون واضحين من البداية
والسهم الثالث سهم زين للاتصالات ,, هذا السهم من يقوم بالشراء فيه هم بعض المؤسسين ورئيس مجلس الإدارة الجديد للشركة واللي ذكرناه سابقاً
الخلاصة أن كثير من الشبيحة موجودين بشركاتهم ويمكن بكميات أكثر من السابقة ومصرين على هايات جديدة الله يوفقهم
وان شاء الله من الغد وحتى نهاية الأسبوع أحاول الرد على جميع المداخلات
وفقكم الله
لكن أخاف إذا عرف مين أنا هو اللي ينحاش
المفضلات