حياكم الله جميعا اليوم شعر ووناسه مافيه الغاز(لماح تعال ابيك)

[مساعد السعيد]

بسم الله الرحمن الرحيم
حياكم الله جميعا في الخميس والجمعه لابد من الترويح عن النفس بعيد عن الارقام والمؤشرات طوال الاسبوع
اليوم ودنا نتشارك جميعا كلن بما لديه من نظم او نثر حسب الاستطاعه حتى لو حكم منقوله او امثله لها مدلولات جيده فالموضوع للتسليه فقط

اما انت اخي لماح فقد كفشناك انك شاعر بالدليل القاطع
وهذا هو الدليل
((هلا والله ومسهلا بك ياوسم ,,

عندي لك لغز ,,

أنشدك عن عود(ن) عشق له بنيّة *** الله جمع مابينهم في ( تداول)

والحل مايحتاج روحة وجيّة *** السين حرف(ن) مشترك , حلّ , حاوِل ))

..
هذا احد ردودك على احد الاخوان
والان نبي منك مشاركه جزله يالجزل انت كريم وحنا نستاهل

[لمّاح]

هههههههههههه

والله الإحراااااااااج ,,

أخ مساعد , والله منيب شاعر , يعني إذا تعصّرت مرة يالّه يطلع معي بيت بيتين ,,

لكن هذي قصيدة لواحد من جماعتنا جاء للرياض من أكثر من خمسين سنة وشاف له زول في حي السبالة في الرياض ومن عقبها وهو وجعان ,,



يـقــول الـلــى شـكــى مـمــا جـرالــه
وشاف الويـل مـن جـور الحبايـب
ثــلاث اسنـيـن خـلــه مـــا صـفـالـه
ولـو طـاب الـمـلا مـاهـوب طـايـب
أنــا وش جابـنـى لاهـــل السـبـالـه
عـــــذاب لــــــى وزود لـلـمـصـايــب
طريـق أهـل الهـوى مـالـى ومـالـه
يـذكـرنـى وانـــا مــــن قــبــل تــايــب
انــا مـريـت مـــدرى عـــن جـمـالـه
ولا ادرى ان الهوى بادنـى سبايـب
عـــقـــب هــــــذا يـــزوّل لــى خــيــالــه
نسـيـت أهـلــى وربـعــى والـقـرايـب
مـعـاد أرجـــى مـــن الـدنـيـا بـدالــه
عسى يهديه لى منشي السحايب
علامـة صاحبـى واوصــاف حـالـه
حديـث النـاس مـن بــزر وشـايـب



...

[سهم الوله]

مرحبتين مساعد
ياخي انت وهقتنا كاتب حياكم جميعا ومنادي لماح وضح ياخي دعوة عامة والا خاصة

باعتبار الجواب عامة خذ مني هالابيات لي وسبق نشرها بالمنتديات


على اضعف اوتار عودي يعـزف الحانـه
الحان ماتطـرب إلا / نفـس مخدوعـة !

وقـت السعـة ينتحـل حــلاوة لسـانـه
وتضيـع لاجيـت أدورهـا مـن طبوعـه

انسى الخطـا باعتبـار ان الزمـن خانـه
واسامحه ,, وآخـذه فـي سكـة رجوعـه

ويعـدنـي مـجـرم ٍ بيـديـن سجـانـه
شتـان مابيـن مشروعـي ومشـروعـه

أشـوف مـن جيّتـي / تقديـر ٍ لشـانـه
ويشوف مـن جيّتـه / ماريـة خضوعـه

نقصاني ب/زودي ,, وزوده ب / نقصانـه
هذا هو احساسه الغريـب مـن نوعـه !!

يامـن يلمـح لـه إنـه تــاه عنـوانـه
ويعلمـه ويـن كوعـه , ويـن كرسوعـه

وإنـي لـو اواخـذه باسبـاب هجـرانـه
شرياني أقوى ( على الصدة ) من ضلوعه !

قبـل يمـوت الرجـا وامــلّ ميـدانـه
ويكسّـر حسابـه ,, ويشـوف مجموعـه

ويخالفـه عقـرب الساعـة ب / حسبانـه
لاشاف يومي عليه أطول مـن اسبوعـه !

[مساعد السعيد]

هههههههههههه

والله الإحراااااااااج ,,

أخ مساعد , والله منيب شاعر , يعني إذا تعصّرت مرة يالّه يطلع معي بيت بيتين ,,

لكن هذي قصيدة لواحد من جماعتنا جاء للرياض من أكثر من خمسين سنة وشاف له زول في حي السبالة في الرياض ومن عقبها وهو وجعان ,,

يـقــول الـلــى شـكــى مـمــا جـرالــه
وشاف الويـل مـن جـور الحبايـب
ثــلاث اسنـيـن خـلــه مـــا صـفـالـه
ولـو طـاب الـمـلا مـاهـوب طـايـب
أنــا وش جابـنـى لاهـــل السـبـالـه
عـــــذاب لــــــى وزود لـلـمـصـايــب
طريـق أهـل الهـوى مـالـى ومـالـه
يـذكـرنـى وانـــا مــــن قــبــل تــايــب
انــا مـريـت مـــدرى عـــن جـمـالـه
ولا ادرى ان الهوى بادنـى سبايـب
عـــقـــب هــــــذا يـــزوّل لــى خــيــالــه
نسـيـت أهـلــى وربـعــى والـقـرايـب
مـعـاد أرجـــى مـــن الـدنـيـا بـدالــه
عسى يهديه لى منشي السحايب
علامـة صاحبـى واوصــاف حـالـه
حديـث النـاس مـن بــزر وشـايـب

...

كل هذا وتقول مانيب شاعر؟هاه؟
هههههههههه

والغاز بعد؟
صح لسانك ملايين وصح لسان قايلها
بس الصراحه نظم الغزل ودعناه مع العزوبيه ايام الصبا وما ادراك ما ذيك الايام
لكن
لعيونك يا لماح وعيون الاعضاء نسمعكم كم بيت غزليه نظمتها بكلمات كل حروفها تحتوي على حرف(( الجيم ))لحبي لهذا الحرف لانه اول حروف اسماء بنياتي الاثنتين واسال الله ان يرزقنا باخ لهما عاجلا غير اجل اللهم امين
وابي رايك انت والاخوان بالبويتات اللي على قد حالي

وجلي على وجد(ن)بجوفي يلجي=== لجة عجاج الجو جيان وفجوج
او لجلجة جيش(ن)على جال لجي===يجيلها هرج(ن)ومرج وخلوج
من جاز لك جري وجزي ورجي===يا جادل(ن)جالك على الجال مرهوج
اجاور الجوزا بجيزي وهرجي===واجاوب المجمول بجيش(ن)من هروج
واجند جيوش المجازي والجي= = =لجة عجاج الجو جيان وفجوج

وسلامتكم

[aboayman]

انقل لكم هذي الابيات اعجبتني

أنــا مــا أعـاشـر الخـايـن ولا اسـمـع هـرجـة الـكـذاب
ومثلك قيمته عنـدي تحـت الزيـرو حسابـه !!
وأنـا مانيـب حــرف الـجـر ؛؛ ينجر عـلـى الإعــراب
انا حرف(ن) جزم نفسه ؛؛ ومثلي يصعب إعرابه !!
أنــا لاجتـنـي الـزلـة ؛؛ مــن الجـاهـل وهـــو كـــذاب
تركت القافلة تمشي ؛؛ وراهـا تنبـح كلابـه !!
وأنــا ليـامـن كـشـف إن الـخـوي اصـبــح لـسـانه داب
. نزعت السم من عرقه وكسرت بـ مخلبي نابـه !!
خــلاص الـيـوم يا فـلانـة ؛؛ كرهـتـك والقـلـوب غـــراب
.وترى كل طير(ن) بـ كبد السماء يشبع مخلابـه !!
خـسـارهـ مثـلـك بـ قـلـبـي تـضـمـه غـرفــة الأحـبــاب
. وخسارهـ غلطة العاشق ؛؛ يحطك أول أحبابـه !!!!

[مساعد السعيد]

مرحبتين مساعد

ياخي انت وهقتنا كاتب حياكم جميعا ومنادي لماح وضح ياخي دعوة عامة والا خاصة

باعتبار الجواب عامة خذ مني هالابيات لي وسبق نشرها بالمنتديات

على اضعف اوتار عودي يعـزف الحانـه
الحان ماتطـرب إلا / نفـس مخدوعـة !

وقـت السعـة ينتحـل حــلاوة لسـانـه
وتضيـع لاجيـت أدورهـا مـن طبوعـه

انسى الخطـا باعتبـار ان الزمـن خانـه
واسامحه ,, وآخـذه فـي سكـة رجوعـه

ويعـدنـي مـجـرم ٍ بيـديـن سجـانـه
شتـان مابيـن مشروعـي ومشـروعـه

أشـوف مـن جيّتـي / تقديـر ٍ لشـانـه
ويشوف مـن جيّتـه / ماريـة خضوعـه

نقصاني ب/زودي ,, وزوده ب / نقصانـه
هذا هو احساسه الغريـب مـن نوعـه !!

يامـن يلمـح لـه إنـه تــاه عنـوانـه
ويعلمـه ويـن كوعـه , ويـن كرسوعـه

وإنـي لـو اواخـذه باسبـاب هجـرانـه
شرياني أقوى ( على الصدة ) من ضلوعه !

قبـل يمـوت الرجـا وامــلّ ميـدانـه
ويكسّـر حسابـه ,, ويشـوف مجموعـه

ويخالفـه عقـرب الساعـة ب / حسبانـه

لاشاف يومي عليه أطول مـن اسبوعـه !

الله الله طلعت المواهب ماشاء الله
هههههههه ابد ولا تزعل القصد انكم بضيافة لماح(خله يورط صح)
ومطلوب من الجميع المشاركه مهوب بس هو ههههه هو مدير الحفله

[صباحك سكر]

أنا حدي أصفق لعذب الكلام ...

[مساعد السعيد]

أنا حدي أصفق لعذب الكلام ...

وهذا يدل على ذوقك الرفيع والراقي

[لمّاح]

أخ مساعد ,,

ماشاء الله ,,

طلعت المواهب منك ومن سهم الوله ,,

حرف الجيم عزيز وغالي ,,

يبدو إن بنياتك اساميهن : جود وجوري ,

الله يخليهن لك ويخليك لهن ويرزقك بالولد الصالح ,

اسمح لي بالخروج الآن ,,

أنا رايح لخارج الرياض ولانيب راجع إلا بعد منتصف الليل ,,

إلى اللقاء

..

[مساعد السعيد]

أخ مساعد ,,

ماشاء الله ,,

طلعت المواهب منك ومن سهم الوله ,,

حرف الجيم عزيز وغالي ,,

يبدو إن بنياتك اساميهن : جود وجوري ,

الله يخليهن لك ويخليك لهن ويرزقك بالولد الصالح ,

اسمح لي بالخروج الآن ,,

أنا رايح لخارج الرياض ولانيب راجع إلا بعد منتصف الليل ,,

إلى اللقاء

..

الله يحفظك بحلك وترحالك
والله يجزاك خير على دعواتك الطيبه
اما الاسامي فواحده صح

تروح وترجع بالسلامه يالغالي

[أم عبدالله]

بسم الله الرحمن الرحيم
حياكم الله جميعا في الخميس والجمعه لابد من الترويح عن النفس بعيد عن الارقام والمؤشرات طوال الاسبوع
اليوم ودنا نتشارك جميعا كلن بما لديه من نظم او نثر حسب الاستطاعه حتى لو حكم منقوله او امثله لها مدلولات جيده فالموضوع للتسليه فقط

اما انت اخي لماح فقد كفشناك انك شاعر بالدليل القاطع
وهذا هو الدليل
((هلا والله ومسهلا بك ياوسم ,,

عندي لك لغز ,,

أنشدك عن عود(ن) عشق له بنيّة *** الله جمع مابينهم في ( تداول)

والحل مايحتاج روحة وجيّة *** السين حرف(ن) مشترك , حلّ , حاوِل ))

..
هذا احد ردودك على احد الاخوان
والان نبي منك مشاركه جزله يالجزل انت كريم وحنا نستاهل

حل اللغر الروحة و الجية تعني أن العود هو الراجحي

و اعتقد البنية هي سوليدرتي

[الماس]

أيضا منقول:الشاعر: مصبح بن على



راح النهار وهيفت شمـس الغـروب

وسوى شفق المغيب ع الجبلة حجـاب

صار الدجى يستدرج الوقت بالدوب

حتى بدا يضفي على كـل مسحـاب

وإذا بليـل معتـم يسـدل الثـوب

ينسج من خيوط الغياهيـب جلبـاب

أهوجس وانا مابين غافـة وعرقـوب

ماغير أنا والليـل والخلـوة أصحـاب

في بر خالي لا مرافق ولا مندوب

أسامر هواجيسي على راس مرقاب

الوجد صوب ولاعج الشوق من صوب

والهموم تتناهـش الأساويـد بأنيـاب

أكسر هوس لي دار للجيـل دالـوب

واسج لي مروا على البـال الاحبـاب

يصهر خفوقي بين الأضلاع لاهـوب

عزاه من جرح في الاعمـاق ماطـاب

لي باتوا الخالين في الهيعة طيوب

يقبض معاليقي من الويج خباب

ياويل من مثلي من الوجـد مرعـوب

يتمازعن يوفـه رهيفـات الحـراب

رماني زمانـي دون زلـة وعـذروب

ياقدرة الله يوم تكتـب لـك أسبـاب

ضاري على حمل الكلف دون متعوب

لكن ماضاري على صد الأصحاب

كل مابغيت أعبر عن الشوق بإسلـوب

يجرفنـي التيـار فـي بحـر عـبـاب

لو كان عن تبع الهوى قلـت باتـوب

الود من يسطي ف القلـوب غـلاب

[مضارب محت78رف]

رائع اخي مساعد موضوع يصلح لويك اند والاروع كشف مواهب لماحنا الغالي
ما دام الدعوى شعر ونبط وفلة حجاج ما نبي نتعبكم تقرون اسمعوا هالقصيدة الحلوة
http://www.youtube.com/watch?v=LD_C3sq8GPE

[مضارب محت78رف]

جمعهم حرف السين
العود
سابك
البنية
ينساب.
ومبرررررررررروك للزعيم رغم انه يالله جا الفوز

[عذبه]

الحل سابك وبنيتها سافكو .

[رأي محايد]

لكن هذي قصيدة لواحد من جماعتنا جاء للرياض من أكثر من خمسين سنة وشاف له زول في حي السبالة في الرياض ومن عقبها وهو وجعان ,,

حتى ما يلتبس الأمر على أحد ويروح تفكيره للسودان الشقيق :
الزول : طيف الفتاة

الله يهديك يا لماح ترى مهوب كل مرة أدخل بالصدفة واقعد أشرح لهم

[عذبه]

تبون تشوفون صاحب نك (( ﭤﺑيـُْﮯﺂ̷̷̶̶̶̶̲̲̲ﻟ̶̶̣̲̲̐ﺻړﺂ̷̶̶̲ﺣ̉ﮪ ډۈ̶ﻧ̭͠كﺂ̷̷̶̶̶̶̲̲̲ﻟ̐ﻋ̝ﻣ̉ړﻣ̉ﺂ̷̷̶̶̲̲ﺑﯾ̃ﮯ• ))

http://t.co/VjX37e31

[مساعد السعيد]

أيضا منقول:الشاعر: مصبح بن على



راح النهار وهيفت شمـس الغـروب

وسوى شفق المغيب ع الجبلة حجـاب

صار الدجى يستدرج الوقت بالدوب

حتى بدا يضفي على كـل مسحـاب

وإذا بليـل معتـم يسـدل الثـوب

ينسج من خيوط الغياهيـب جلبـاب

أهوجس وانا مابين غافـة وعرقـوب

ماغير أنا والليـل والخلـوة أصحـاب

في بر خالي لا مرافق ولا مندوب

أسامر هواجيسي على راس مرقاب

الوجد صوب ولاعج الشوق من صوب

والهموم تتناهـش الأساويـد بأنيـاب

أكسر هوس لي دار للجيـل دالـوب

واسج لي مروا على البـال الاحبـاب

يصهر خفوقي بين الأضلاع لاهـوب

عزاه من جرح في الاعمـاق ماطـاب

لي باتوا الخالين في الهيعة طيوب

يقبض معاليقي من الويج خباب

ياويل من مثلي من الوجـد مرعـوب

يتمازعن يوفـه رهيفـات الحـراب

رماني زمانـي دون زلـة وعـذروب

ياقدرة الله يوم تكتـب لـك أسبـاب

ضاري على حمل الكلف دون متعوب

لكن ماضاري على صد الأصحاب

كل مابغيت أعبر عن الشوق بإسلـوب

يجرفنـي التيـار فـي بحـر عـبـاب

لو كان عن تبع الهوى قلـت باتـوب

الود من يسطي ف القلـوب غـلاب

الله الله يالماس اختيارك الماس وذوق عالي ماشاء الله قصيده جزله صح لسانك ولسان قايلها

[مساعد السعيد]

حل اللغر الروحة و الجية تعني أن العود هو الراجحي

و اعتقد البنية هي سوليدرتي

ام عبدالله لماح يقصد وسم هو العود يعني رجال والبنيه سوليدرتي والجانع بينهم حرف السين
الراجحي الشويب ماله دخل بالموضوع مشاركه جدا جميله يا ام عبدالله

[مساعد السعيد]

رائع اخي مساعد موضوع يصلح لويك اند والاروع كشف مواهب لماحنا الغالي
ما دام الدعوى شعر ونبط وفلة حجاج ما نبي نتعبكم تقرون اسمعوا هالقصيدة الحلوة
http://www.youtube.com/watch?v=LD_C3sq8GPE

الاروع مشاركاتك يا محترف الحمد لله فالينها بالويك اند (لهو بريئ)

[مساعد السعيد]

الحل سابك وبنيتها سافكو .

تم الحل على الرد لام عبدالله يا عذبه مشاركه رائعه عذبه بعذوبة احساسك

[مساعد السعيد]

تبون تشوفون صاحب نك (( ﭤﺑيـُْﮯﺂ̷̷̶̶̶̶̲̲̲ﻟ̶̶̣̲̲̐ﺻړﺂ̷̶̶̲ﺣ̉ﮪ ډۈ̶ﻧ̭͠كﺂ̷̷̶̶̶̶̲̲̲ﻟ̐ﻋ̝ﻣ̉ړﻣ̉ﺂ̷̷̶̶̲̲ﺑﯾ̃ﮯ• ))

http://t.co/VjX37e31

منهو ذا يا عذبه

[عذبه]

منهو ذا يا عذبه

مشاركه ضحكتني وانا اتصفح تويتر ونقلتها لكم بعد أذنك . بما أن الموضوع فله وشعر فسمحت لنفسي بإضافة شيء من النكته ..
والمعنى أننا هنا في النت اشباح والاسماء قد لاتعكس كثيرا من الواقع وربما تخالفه الى العكس تماما .

[مساعد السعيد]

مشاركه ضحكتني وانا اتصفح تويتر ونقلتها لكم بعد أذنك . بما أن الموضوع فله وشعر فسمحت لنفسي بإضافة شيء من النكته ..
والمعنى أننا هنا في النت اشباح والاسماء قد لاتعكس كثيرا من الواقع وربما تخالفه الى العكس تماما .

رومانسي الولد مره هههههههههه يراسل وهو بحضن ناقته من زود الرومانسيه

[alrajel]

اخي الراجل اخيرا لقيتك ههههه يا اخوي بموضوع اللغز حسيت اني ازعلتك وكتبنا الاسبوع هذا موضوع مفتوح للجميع واحتريتك تشارك عشان اعتذر لك من ترك موضوع اللغز وماشاركت شفتك الحين قلت فرصه اعتذر منك فتقبل اعتذاري عن التنطنيش في ذاك الموضوع

المعذره صاحب الموضوع بس الرجال هذا افكر فيه من اسبوع ولقيته بموضوعك
تحياتي للجميع

اخى العزيز مساعد تونى داخل المنتدى وقبل ان اقرأ مشاركتك كنت ناوى ادخل موضوعك لكن العتب على النظر دخلت موضوع اخونا
السعوديه ولقيت مشاركتك وعملا بمبدأ المصداقيه والشفافيه نقلت مشاركتك ,
هههههههههه حلوه المصداقيه والشفافيه وهى مفاهيم دخلت علينا
بعد فبراير 2006 يوم النكسه ان شاءالله ان لايعود علينا نظرا لاثره
فى تغير كثير من المفاهيم الاجتماعيه التى سبقت ماقبله وقلبنا فوق تحت ,
اخى العزيز بدون مجامله عندما ارى موضوع لك لايمكن الا ان ادخله
سواء شاركت فيه او استفدت منه والمشاركات القيمه من اعضاء المنتدى فيه, على العموم اظن اجابة نضمك للابيات خطر على بالى سابك
وينساب وهذا جوابى ولن تتعدى مشاركتى سطرين لو لم اقرأ مشاركتك اعلاه ,ترى كلنا عيال قريه وكلن يعرف اخيه فى هذا المنتدى الذى جمعنا
على الحب حتى وان اخطأنا سواء بالتعجل او اسباب نفسيه اخرى ,
اشكرك اخى العزيز مساعد عن السؤال وفقك الله ,,,

[لمّاح]

ام عبدالله لماح يقصد وسم هو العود يعني رجال والبنيه سوليدرتي والجانع بينهم حرف السين


الراجحي الشويب ماله دخل بالموضوع مشاركه جدا جميله يا ام عبدالله

عدنا

هلا أخ مساعد ,,

العود هو وسم صح , لكن البنية هي استرا ,,

طبعا الأخ وسم واسترا بينهما علاقة قوية جدا ( شرعية ولله الحمد ) ,,

والمتابع لمواضيعه يلحظ هذه العلاقة البريئة ,,

ومع إنها تضيّق صدره أحيانا إلا أن حبها متغلغل في لغاليغ قلبه ولذلك فليس هناك أمل بالفراق ,,

وعلشان يفهم الإخوة الغرض من البيتين( اللغز ) فأنا وضعتهما في موضوعه هذا :

http://www.thegulfbiz.com/vb/showthread.php?t=351309

وكنت أظن أن الأمر لن يتجاوز ذلك الموضوع , ولكن الأخ مساعد الله يجزاه خير شهّر بي ,,


..



..

[محمد الخطيب]

السلام عليكم ورحمة الله وبركاته

صبحكم الله بالخير

اشكرك اخي مساعد على المواضيع الرائعة التي تريح النفس وتغير الجو

وعلى طاروق شاعر اخونا لماح حاولت نظم لغز ولاني بشاعر ولاالي حيلة في الالغاز لكن حب المشاركة معكم واعذروني من القصور ,,,,,,,,,,


سلام الله يا أ هل الشكاله **** جميع المنتدى حاضر وغايب
سلامِ معطرِ والخير فاله **** تسوقه من ورى المنشا هبايب
والايابن السعيد القلب داله **** قبل لانصاد في شبك النشايب
شبكنا وانشبكنا في وصاله **** عدوا ولابسن ثوب الحبايب
يمنيني بيعطيني حلاله **** ويسهلها علىّ بلا طلايب
ويرسملي من الرمضا ظلاله **** وسراب اللال صورلي سحايب
الين انصدت في شبكة حباله **** والى هالحين راثع بالحرايب
حبيبي مامشى حي السباله **** ولايوجد سوى بارض العجايب
عمامه والله اردى من خواله **** عدوي والغلا والله وهايب
ترى لماح عنده وصف حاله **** ويعرفه زين ملعون الصلايب

[مساعد السعيد]

اخي الراجل اخيرا لقيتك ههههه يا اخوي بموضوع اللغز حسيت اني ازعلتك وكتبنا الاسبوع هذا موضوع مفتوح للجميع واحتريتك تشارك عشان اعتذر لك من ترك موضوع اللغز وماشاركت شفتك الحين قلت فرصه اعتذر منك فتقبل اعتذاري عن التنطنيش في ذاك الموضوع

المعذره صاحب الموضوع بس الرجال هذا افكر فيه من اسبوع ولقيته بموضوعك
تحياتي للجميع

اخى العزيز مساعد تونى داخل المنتدى وقبل ان اقرأ مشاركتك كنت ناوى ادخل موضوعك لكن العتب على النظر دخلت موضوع اخونا
السعوديه ولقيت مشاركتك وعملا بمبدأ المصداقيه والشفافيه نقلت مشاركتك ,
هههههههههه حلوه المصداقيه والشفافيه وهى مفاهيم دخلت علينا
بعد فبراير 2006 يوم النكسه ان شاءالله ان لايعود علينا نظرا لاثره
فى تغير كثير من المفاهيم الاجتماعيه التى سبقت ماقبله وقلبنا فوق تحت ,
اخى العزيز بدون مجامله عندما ارى موضوع لك لايمكن الا ان ادخله
سواء شاركت فيه او استفدت منه والمشاركات القيمه من اعضاء المنتدى فيه, على العموم اظن اجابة نضمك للابيات خطر على بالى سابك
وينساب وهذا جوابى ولن تتعدى مشاركتى سطرين لو لم اقرأ مشاركتك اعلاه ,ترى كلنا عيال قريه وكلن يعرف اخيه فى هذا المنتدى الذى جمعنا
على الحب حتى وان اخطأنا سواء بالتعجل او اسباب نفسيه اخرى ,

اشكرك اخى العزيز مساعد عن السؤال وفقك الله ,,,

جزاك الله خير على تفهم الوضع ورفع الله قدرك
اما اللغز اللي بدينا فيه الموضوع هذا هو للاستاذ الغالي لماح كان يرد على احد الاخوان واظنه حط الرابط قبل ردي هذا بس كفشناه انه راعي الغاز وشعر وحبينا نوسع صدره وصدوركم يالغالين
دمت بود اخي الكريم

[مساعد السعيد]

عدنا

هلا أخ مساعد ,,

العود هو وسم صح , لكن البنية هي استرا ,,

طبعا الأخ وسم واسترا بينهما علاقة قوية جدا ( شرعية ولله الحمد ) ,,

والمتابع لمواضيعه يلحظ هذه العلاقة البريئة ,,

ومع إنها تضيّق صدره أحيانا إلا أن حبها متغلغل في لغاليغ قلبه ولذلك فليس هناك أمل بالفراق ,,

وعلشان يفهم الإخوة الغرض من البيتين( اللغز ) فأنا وضعتهما في موضوعه هذا :

http://www.thegulfbiz.com/vb/showthread.php?t=351309

وكنت أظن أن الأمر لن يتجاوز ذلك الموضوع , ولكن الأخ مساعد الله يجزاه خير شهّر بي ,,


..



..[/center]

هلا وغلا
قاتل الله العجله قريت الموضوع سابقا وشفت انك تقصد استرا بس مع الرد على الاخت ودون الرجوع للموضوع الاصلي ظننتها سوليدرتي المعذره
اما حكاية التشهير فمن اليوم ورايح كل اسبوع جهز لنا قصيده عصماء ما عاد يمديك تتخفى الحين
تحياتي لك وللجميع

[مساعد السعيد]

السلام عليكم ورحمة الله وبركاته

صبحكم الله بالخير

اشكرك اخي مساعد على المواضيع الرائعة التي تريح النفس وتغير الجو

وعلى طاروق شاعر اخونا لماح حاولت نظم لغز ولاني بشاعر ولاالي حيلة في الالغاز لكن حب المشاركة معكم واعذروني من القصور ,,,,,,,,,,


سلام الله يا أ هل الشكاله **** جميع المنتدى حاضر وغايب
سلامِ معطرِ والخير فاله **** تسوقه من ورى المنشا هبايب
والايابن السعيد القلب داله **** قبل لانصاد في شبك النشايب
شبكنا وانشبكنا في وصاله **** عدوا ولابسن ثوب الحبايب
يمنيني بيعطيني حلاله **** ويسهلها علىّ بلا طلايب
ويرسملي من الرمضا ظلاله **** وسراب اللال صورلي سحايب
الين انصدت في شبكة حباله **** والى هالحين راثع بالحرايب
حبيبي مامشى حي السباله **** ولايوجد سوى بارض العجايب
عمامه والله اردى من خواله **** عدوي والغلا والله وهايب
ترى لماح عنده وصف حاله **** ويعرفه زين ملعون الصلايب

ماشاء الله تبارك الله هلت المشاركات والمواهب
على عجاله اخي اظنك تقصد السوق(سوق الاسهم)باذن الله ترجع وتمدحه بعد هجائه عليك بالصبر)