المشاركة الأصلية كتبت بواسطة MoOoOoOoN
بارك الله فيك اخوي شربكه
والله يرزقك من واسع فضله
الله يجزاك خير ويرحم والديك ويوسع رزقك ويبارك فيه
المشاركة الأصلية كتبت بواسطة fahad_0500
بارك الله فيك
اجل اعدل باللجين
ونزود الكمية بأذنه تعالى
الله يجزاك خير ، وعدل على دفعات وقفل الشاشة , وبرغم كل اللي تشوفه إلا أن الأمور ما زالت مطمئنة وبخير وكثير من الأسهم فيها ناس بعد توفيق الله قادرين يرفعونها لأسعار أن شاء الله راح تسعد الجميع
المشاركة الأصلية كتبت بواسطة بركان
شكرا لك ياشيخ شربكه بس نسيت ماتكتب عن سهم راعي العوجا الجديد ولاجبت طاري عنه ابيك تجيب لي طرف علم وانا ابي اكمل النصف الثاني
هلا بالشيخ بركان , قبل ثلاث أسابيع كنت أسمعهم يتكلمون عن سيسكو , لكن فيه شبيح قديم متقاعد دخل سيسكو قبل اسبوع ! إذا السهم سيسكو يكون تفكير صحيح ويساعد نماء , لكن لليوم ما مسكتهم متلبسين بالسهم ، وأكيد العلم عندك عطني أنت طرف العلم ومالك إلا أرسل الواد ( بلية ) يبترم عليهم كلهم لين يجيب العلم الأكيد
المشاركة الأصلية كتبت بواسطة موصول
عزيزي شربكه هل تتوقع خروج قريب خلال اسبوع يعني من تهامة حسب ما وصلك ؟؟
وهل تقصد بالمحفظة الكبيرة للمضارب الرئيسي اللي دخل من بداية الانطلاقة ومعدله اقل من ٥٠ بكثير !!!!
بالضبط هو ما أقصده خروج قريب وكان واضح اليوم لدرجة أن السهم قفل على النسبة تحت أكثر من مرة وتم سحبه أخر التداول , السهم لليوم لا أعلم هل راح يواصلون فوق بعد خروجه أو لا ؟ لكن أحاول أتابع ولو فيه جديد راح أذكره أن شاء الله
المشاركة الأصلية كتبت بواسطة موصول
هل تتوقع عودة الجماعي لاختراق ٢٠ قريبا
او ان المضارب تعرض لخروج محافظ الاسبوع الماضي حسب ما وصلني ؟؟ هل من تأكيد ؟؟؟
الحق الشبيح حاط كل جهده بالسهم وتخلص من أسهم ثانية لتوفير سيولة للدفاع عنه وشركة دراية رتبت له تسهيلات جيدة , ومعدلاته مثل ما ذكرت عالية , ومجبور أنه يدافع عن السهم بكل ما أوتي من قوة أو يستسلم ويخرج من السهم بأقل خسارة , ويعاب على مضارب السهم أختياره للشركات فهو غير موفق أبداً , مثل ما صار معاه بالطباعة والتغليف والابحاث والتسويق وهذي الأسهمه لا تجد القبول عند الكثير سواء كان لشرعيتها أو لتاريخها المضاربي
المشاركة الأصلية كتبت بواسطة مخضرم
اخبار عسير
لأنك لم تذكرها بتقريرك
وهل لتصريح صالح كامل تأثير على حركة السهم
الهاي السابق ٢٣.٩ يوم ٢٥ مارس وتصريح صالح كامل يوم ٢٦ مارس
وبعدها دحدر السهم بشكل كبير الى سعر ١٨ وحاليا سعره ١٩
وبالتوفيق ان شاء الله
عسير ذكرتها بمواضيع كثيرة , والسهم مشكلته أن القروب مالهم قائد أوحد وقاعدين يضحكون على بعض ويدورون على بعض ومشغولين بشركات ثانية ومافيه أهتمام كامل للسهم , نا هيك عن عزايم وتطبيل أبو راشد للسهم , والله يحلل أبو نادية عنده , ومتى ما وصلني خبر جديد عن السهم أن شاء الله راح اطرحه في المنتدى
المشاركة الأصلية كتبت بواسطة ((((ابومحمد))))
جزاك الله خير
الكيميائية وش علومه
الكيميائية ذكرت بالموضوع السابق أن السهم ما فيه شبيح واضح , برغم أن السهم فيه محافظ كثيرة تملك كميات كبيرة ومعدلاته ماهي بعيدة عن اغلاق اليوم , وسبق ذكرت ان السهم غير مرغوب عند الشبيحة ومن النادر يجي واحد ويتهور ويدخل السهم كمضارب له وإذا لم تخني الذاكرة كان أخر شبيح دخل السهم عام 2008م لكن بعدها لم اسمع بدخول أحد للسهم .
المشاركة الأصلية كتبت بواسطة العطـوف
يا هلا وغلا
بكل الغلا
الله يبارك فيك ويرحم والديني ووالديك
ويجزاك عنى كل خير
والله يزوجني ويزوجك خوات
والمهر علي بس بشرطان ان دبلت
شركتي مرتين
ابشر يالعديل الجديد باللي يسويه
وحتى مضارب شركتي
ان ارفعه راح نزوجه معنا
لعل وعسى يحن قلبه ويرق ويدخل جو
ويرفع سهمي لجل ازوجه معنى اللي تخليه يشوف
الجيزاني باريسي
وش يبي مضارب سهمي احلا من العرض
لوني بمحله دبلت بالسهم اربع مرات
علمو المضارب بالعرض
خوش عرض يالعطوف , ولو أني شبيح وأسمع هالعرض كان طبيت محيفرة بالسهم وهاتلك يا نسب فوق , لكن شكل خوينا طربال وما تجوزله هالعروض , لكن وين بيروح قاعدين بالسهم وبكرة أن شاء الله راح يكون التعديل الثالث بالسهم وان شاء الله الأخير لأن الصيفية قربت وتحتاج مصاريف . واحتفظ بالوزرة تراها أمانة عندك لين أخذها منك بإذن الله
المشاركة الأصلية كتبت بواسطة مشاهد الأسهم
شكرا لك اخوي شربكه
وماقصرت يابطل موضوعك جاء في وقتة
لتطمين اخوانك كعادتك
الشكر لله , والوضع بحول الله وقوته على ما يرام بكثير من الشركات وراح تسعد ملاكها , لكن شوي صبر معاهم وبدون مطامر
المشاركة الأصلية كتبت بواسطة (سلطان الخير)
بارك الله فيك
الله يجزاك خير ويرحم والديك
المشاركة الأصلية كتبت بواسطة الشاهين
انت كنز لاعمال الخليج ولنا اليوم تم دخول محافظ جديده في انعام والمعرفه سر وعين الله ترعاك بس متا تتوقع صدور موافقه الهيئه عن انعام
هلا بالشاهين , وكل الأعضاء كنوز وفيهم الخير والبركة ان شاء الله , والكل من الجزء . أنعام ما تابعتها لي كم يوم , لكن المعرفة كافشهم وماسكهم مسك اليد , اسأل الله الربح الوفير للجميع ويعوض كل خسران
المشاركة الأصلية كتبت بواسطة على بركة الله
بسم الله وما شاءالله تبارك الله
كالعاده مبدع
وايضاح في وقته
كفيت ووفيت يالغالي
بارك الله لك وبارك فيك
الله يجزاك خير ويرحم والديك عن النار , ولو تقسم سيولة بترو رابغ بين كيان والمعرفة أفضل , وإذا تملك في واحد منهم اجعل النصف الثاني للجين
المشاركة الأصلية كتبت بواسطة طوفان
كفيت ووفيت بيض الله وجهك
ووجهك أبيض أخوي طوفان
المشاركة الأصلية كتبت بواسطة شمس طيبة
صباح الخير اخوي شربكه
ماجبت طاري للاسماك مدري فيها شبابيح ولا مهجور السهم
والله يا وخيتي لليوم ما صدت فيها شبيح ينشد فيه الظهر , جربي سهم المعرفة كم أسبوع واعطيني رأيك
المشاركة الأصلية كتبت بواسطة جـرح القصيد
يعطيك العافية
نصف السيولة في انعام وربعها في كيمانول والله يجيب العواقب سليمة
انعام متابعها الشاهين , وكيمانول أستعادوا من كمياتهم الكثير , شوي صبر ونشوف على ايش تنتهي الأمور معهم بالسهم , لأن عندهم إعادة ترتيب أوراق ونشوف وش راح يكون نصيب الكيمانول من هالترتيب .
المشاركة الأصلية كتبت بواسطة شاكر
-----------------------------------------------------------------------
كفيت ووفيت بيض الله وجهك
ووجهك أبيض يالغالي
المشاركة الأصلية كتبت بواسطة منبدري
بارك الله فيك وجزاك الله خير
الله يجزاك خير ويرحم والديك عن النار
المشاركة الأصلية كتبت بواسطة ولدالخبر
تكفي ياشربكة تشوف لي شبيح الصقر وشو من لحية
ومشكور مقدما والله يحفظك
أخوي ولد الخير وعسى الله يسوقلك الخير بكل شي , التأمين دايم أحاول اتجنبه واتجنب الرد عليه أو البحث عن أخباره , لكن هذا اخر رد على سهم تأمين
شبيح الصقر والاتحاد التجاري واحد ومتعلق بالسهمين , لكن قبل اسبوع كنت على اتصال معاه وابلغني أن أموره اصبحت جيدة ومع أول حركة للتأمين راح يحرك الماخوذين
واتمنى من الاخوان عدم سؤالي عن التأمين , وجوابي لاخونا ولد خير , لأن المعلومة حصلت عليها بالصدفة والقطاع لا اتابعه ابداً
المشاركة الأصلية كتبت بواسطة طيب النية
ماقصرت شيخنا المبارك قامع الشبيحة والمدافع عن الشعب المكلوم
هلا بالخال , والله يا خال الشبيحة قلق ومتابعتهم وجع رأس , ولو ما الواحد طمعان بدعوة مستجابة كان ما اشغلت نفسي فيهم ونقلت أخبارهم لكم .
=======
فيما لو ما قدرت أرد على باقي الاخوان اليوم , اعصبوها برأسي , سوقكم بخير واللي صار اليوم بيع القطيع لا مواخذة , لكن للاسف هذي الحقيقة . شافو الاسواق العالمية نازلة والشباب ما كذبوا خبر مع الافتتاح منين ما يوجعك .
وتأكدوا أن أكثر الشبيحة اليوم مبسوطين على النزول وجمعوا وعدلوا بشركاتهم مستغلين نزول السوق , والخير قدام بإذن الله , ولا للبيع بخسارة , ولا للمطامر , ودام مافيه ولله الحمد شي خارج عن المعتاد , أموركم طيبة بحول الله وقوته , وما عليكم من اللي يشوشرون عليكم بغير علم
لنا عودة ان شاء الله
المفضلات