المشاركة الأصلية كتبت بواسطة ((((ابومحمد))))
الله يبيض وجهك ويجزاك خير
الله يجزاك خير يا أبو محمد وهذا واجب علينا وأقل شي نسويه لاخوانا
المشاركة الأصلية كتبت بواسطة الواقع
الله يوفقك ويكتب لك الخير والبركة .. آمين
هل تؤيد الخروج بخسارة من الأسهم التي متوقع لها إرتفاع بعد النتائج وممكن العودة لها لاحقاً ..
أخيراً .. هل تتوقع أن هناك قطاع شبع من الإرتفاع وممكن لن يرتفع كثيراً ..
بارك الله فيك
.
السوق رغم النزول إلا أن الفرص تتجدد فيه وخصوصاً بالشركات اللي حققت نتائج جيدة مثل البحري على سبيل المثال وكنت أوصي على الخاص الاخوان اللي كانوا يبحثون عن الاستثمار على سهم البحري , السوق ما يحدث فيه هو خروج محافظ بأمر القانون وراح تنتهي ان شاء الله هذا الاسبوع وراح تتحسن الأمور كثير ان شاء الله , وراقب شركتك وانسى المؤشر
المشاركة الأصلية كتبت بواسطة حبيب الملايين
وين بتسافر ؟؟؟؟ بنروح معك
الله يحيك , وما رحت بعيد بالخليج
المشاركة الأصلية كتبت بواسطة سهم الوله
الله يجيرك ووالديك من النار
الله يبارك فيك ويسعدك بالدنيا والاخرة ويبارك لك في كل ما ترزق
المشاركة الأصلية كتبت بواسطة نسر
كفيت و وفيت بردودك لنا لكل شركه.......... صديقي لقد رسمت لنا طريقنا والعلم عند الله مايدور بالخفاء حولنا هو كما توقعت واسال الله ان لايغيرو خططهم الهوامير ويعفسونااااا وتكون حركه الاربعاء مزحه فقط ..................ان شالله تعود وبيشه تزين قطاعها وانعام قد اعلنت الاندماج معها...............
هلا براعي انعام , اندماج بيشة وانعام هذا طال عمرك يسمونه لقاء السحاب بين العمالقة
المشاركة الأصلية كتبت بواسطة fahad_0500
بارك الله فيك وفي مجهوداتك ومعلوماتك
ساب تكافل لاهنت وش علمها
واسمنت الجوف
وتروح وترجع بالسلامه
تعالي بتويتر ياذيبان لاهنت
التأمين لا اتابعه الله يجزاك خير , واسمنت الجوف انشغلوا عنه بشركات ثانية ولا يزال عندهم بعض الكميات بالسهم ولكن يمكن يتأخرون بالعودة للسهم
وحسابي بتويتر مشكلته بالاسم الصريح واغلب المضافين من الاقارب واكثر المواضيع خارجة عن الاسهم واحياناً البعض منهم يستفسر عن الاسهم
المشاركة الأصلية كتبت بواسطة yehask
حسابي بتويتر مشكلته بالاسم الصريح واغلب المضافين من الاقارب واكثر المواضيع خارجة عن الاسهم واحياناً البعض منهم يستفسر عن الاسهم
المشاركة الأصلية كتبت بواسطة الفال 111
شكرا شربكة..
واقترح تغيير المعرف ل "الرادار"
لي تعليق او إضافة على تساؤل الأخ الحبيب
يقول ليش نزلالخليج للتدريب إلى 37 ..للمعلومية هو أعطى اسهم ..سهم لكل أربعة اسهم يعني المفروض يفتتح بحدود 40 لو كان إغلاقه 50 ريال مثلا...لكن وصل 37 يعني نزول 3 ريال مع خبطة السوق..واتوقع يصير عليه تجميع ونظرا لقلة أسهمه أتوقع له ارتفاع واضح في قادم الأيام..ولا استغرب أن يكون فيه هامور من فئة "مشغول عنه حاليا" يجمع بهدوء
-----------------
العطوف
الله يجزاك خير يا أبو جعفر ورحم الله والديك وردك بالسلامة , والخالة بعد التدبيلة بالمعرفة كثروا خطابها وقاعد تفاضل بينهم , وسمعت أنها بتسوي مقابلات شخصية واختبار قدرات عشان تختار فارس أحلامها
يستاهل ابو جعفر..لا تغفل عنه يصلح للخالة
اشكرك أبو فادي على الإضافة , وأبو جعفر راح نتوسطله عند الخالة وان شاء الله تقبله , لأنه داخل على طمع
المشاركة الأصلية كتبت بواسطة العطـوف
الله يجبر بخاطرك يالمله ابو فادي
ويسلمك من كل شر
ماعد عند الخاله ولا عند شربكه
اي عذر او حجه
مادام الشيخ جزاه الله عنى وعن الأمه الاسلاميه
والعربيه كل خير زكاني لله درك ياشيخ
لهذا اخي شربكه انا جاي لجل تسويلي مقابله وابي القبول على طول لجل اخذه معي
ماشاءالله تبارك الله امطار وخير
اهذا حتفال بالموافقه بمشيئة الله
ابو فادي انت اول شاهد
واعضاء المنتدى وزواره معزومين
والله لو استلم اكراع الخاله لخليكم كلكم هوامير وشبيحه
شكل شربكه يبي يحوسني خربنا موضوعه وخليناه سلطه
أبو جعفر كله ملح وقبله وأتخن عجوز ما تلاقي مثله
المشاركة الأصلية كتبت بواسطة على بركة الله
هلا وغلا بالغالي شربكه
تروح وترجع بالف سلامه يا رب
ما شاء الله عليك.. كفيت ووفيت.. وكل الاسهم اللي في بالي تم التنويه عنها اعلاه
لذلك بستغل الفرصه
واسالك عن افضل شركه استثماريه او ممكن تحقق هامش ربحي حتى اعلان نتائج الربع الثاني
وما هو عنوانك في تويتر
رعاك الرحمن ووفقك لكل خير
بالنسبة للشركة اللي ممكن تحقق هامش ربحي جيد اعتقد راح تكون كيان ان شاء الله بعد استقرارها من تأثير نتائجها المتوقعة
وحسابي بتويتر مشكلته بالاسم الصريح واغلب المضافين من الاقارب واكثر المواضيع خارجة عن الاسهم واحياناً البعض منهم يستفسر عن الاسهم
المشاركة الأصلية كتبت بواسطة نـهـار
الاخ شربكة نبي نعرف شبيحة تكوين وش ناوين علية
شبيحة تكوين عندهم بعض المحافظ بمعدل 64 وما خرجوا من السهم نهائي وقاعدين يحوسون ويدوسون بالسهم ولازم يرفعون السهم مرة ثانية والعلم عند الله بسبب النزول عن معدلاتهم
المشاركة الأصلية كتبت بواسطة المقدام
أبو الشباب ...
مع الشكر لما تقدم لإخوانك
شوف لنا في طريقك :
ميد غلف
إعمار
كيان
أمانة
إن شاء الله نلنلحق عليك قبل ما تسافر
التأمين طال عمرك ما اتابعه , واعمار فيها ان شاء الله 15% من سعر 13 وكيان ذكرنا الدخول فيها بعد النتائج ومع استقرار السهم وبعدها ان شاء الله رحلة ممتعة بالطلوع
المشاركة الأصلية كتبت بواسطة الشاهين
الغالي شربكه الله يسعدك وين ما كنت محافظ جديده سوف تدخل في انعام بكره وانصحك بعدم البيع بهذه الاسعار (الوزيز الي انت خابرلازال يملك في نما بسعر 15 ريال ولم يبيع حتى الان لا اعلم لماذا ) كل الشكر والتقدير لشخصكم الكريم
هلا بالشاهين , وأنعام مازلت محتفظ بكمية بسيطة بالسهم وبمعدل 73 وباقي فيها حتى النتائج , ونماء راح تخرج منها محافظ هاليومين اضطراري
المشاركة الأصلية كتبت بواسطة نسر
متاكد اخوك يبي يعرضها77
نقول ان شاء الله تكون التوقعات سليمة
المشاركة الأصلية كتبت بواسطة جـرح القصيد
الله يبشرك بالخير وإن شاء الله تحرر أنعام
ان شاء الله
المشاركة الأصلية كتبت بواسطة الشاهين
الغالي نسر انصحك بعدم البيع تحت 100 ريال ولعل اخونا شربكه يعذرنا عشان دخلنا في موضوع خارج موضوعه
تمونون يالشاهين والموضوع للجميع
المشاركة الأصلية كتبت بواسطة نسر
الله يجيب الخير ويرجع بالسلامه ابو الشرابيك واخوك مايبي بس 80
............................
الله يسلمك يا نسر وان شاء الله تجيب الـ 80 واكثر واشوف الشاهين يتكلم بثقة وأكيد قريب من حفايا الأمور بالسهم والله يفكنا من أبوضروس لأنه يملك بالسهم
المشاركة الأصلية كتبت بواسطة بن داود
جزاك الله خير ياشربكة
وياليت بمصادرك تجيب لنا يالذيب متى بيحركوووون نادك
ولك كل الشكر والتقدير
مع الاعلان ان شاء الله حسب كلام الرواجح
المشاركة الأصلية كتبت بواسطة ابوالسعد
خبر اسعدني وادعوالله ان يثبتهم.......
حائل – – فهد العمران:
أعلن المكتب التعاوني للدعوة والإرشاد وتوعية الجاليات في شمال حائل، إسلام 248 من العاملين الصينيين في المملكة دفعة واحدة، وذلك بعد ان أقام المكتب التعاوني للدعوة والإرشاد وتوعية الجاليات بشمال حائل برنامج دعوي للجالية الصينية العاملين في “شركة اسمنت حائل” 240 كيلو شمال شرق حائل.
وقام المكتب بالتنسيق مع شركة اسمنت حائل بتجهيز المكان المخصص للبرنامج، و تم رصد العديد من الجوائز والهدايا المتنوعة وتنظيم المسابقات الترفيهية التي كان لها بالغ الأثر في ترغيبهم بالإسلام، ثم قام داعية المكتب الصيني بإلقاء محاضرة تعريفية عن محاسن الإسلام بيّن فيها ميزات الإسلام وبيان وجوب الدخول في الدين الحنيف، ثم قام المنظمون بتلقين المسلمين الجدد الشهادة وتعليمهم صفة الوضوء والصلاة عمليا.
يذكر أن المكتب التعاوني لدعوة الجاليات في شمال حائل يقوم بجهود توعوية مباركة للجاليات من خلال المشاركة وإقامة البرامج الدعوية والتوعوية، وتقديم عددا من الدروس والمحاضرات بعدة لغات، وذلك برعاية صاحب السمو الملكي الأمير محمد بن سلمان بن عبد العزيز. فيما أكد المكتب، عن عزمه إقامة وقف يعود ريعه لأنشطة وبرامج المكتب ويمكن الإيداع في الحساب المخصص
الله يجزاك خير على النقل ويجزي إدارة اسمنت حايل كل الخير
المشاركة الأصلية كتبت بواسطة كايد
اخوي شربكه
الله لايهينك ( صدق ) وش وضعها
عقلتني فوق وكل يوم نزول
ايش الهرجه ياعم
الهرجة يا طويل العمر أن فيه محافظ قاعدة تطلع من السهم اضطراري على الرغم ان بعضها خرجت الاربعاء واليوم حسب ما وصلني بخسارة كبيرة , لكن الشبيح لليوم يملك كميات كبيرة وبعضها بمعدلات فوق 26 واعتقد لو ما يرفع السهم فوق هذي المعدلات راح تكون بالنسبة له كارثة كبيرة ويمكن اصحاب المحافظ يسحبونها من عنده . لذا هو راح يكون حريص جداً على رفع السهم وانصحك عند استقرار السهم تعدل اذا كنت تملك الكاش
المشاركة الأصلية كتبت بواسطة عاشق القمرا
سلم على الحاج احمد وقلة طولها وهي قصيرة يا يمعطنا تحت نعدل ولا يرتد نخرج براس المال الله لا يبارك فية
ههههه هذي مثل ما يقول المصريين . مثل اللي رقصت وسط الدرج لا شافوها اللي فوق ولا اللي تحت
المشاركة الأصلية كتبت بواسطة المنطقي
اخي شربكة رأيك في الغذائية كالعادة
شف وأنا أخوك , دام السامج موجود بالسهم فهو غير مرغوب الا باتفاق , والمشكلة مو عارف يعقد اتفاق بسبب سماجته , الرجال قاعد بصالة بنك البلاد يومي وقاعد يقرأ المنتديات ومبسوط ان الناس قاعدة تتكلم عليه وحاس انه شي مهم وقاعد يشبع غروره , الرجال ماخذ تسهيلات من بنك البلاد وحاطها كلها بالسهم ومعدلاته 26 تقريباً ودام السهم يتداول فوق هذا السعر ما عنده مشكلة , لكن ان شاء الله يدحدر السهم تحت 26 عشان يبيع خوف غصباً عنه اما غير كذا راح يبقى مشخص بالسهم واسمه يطلع بموقع تداول والمنتديات تتكلم عنه , الحمد لله الذي عافانا مما ابتلاه به وفضلاً على كثير من خلقه تفضيلاً
========
الاخوة الكرام ما تشاهدونه من نزول في بعض الشركات مثل صدق والقصيم الزراعية والكابلات ونماء والمعرفة , هو بيع اضطراري لمحافظ كبيرة وان شاء الله قاربت على النهاية .
وارجع اذكر بالمثل الحضرمي : كون نمل تأكل سكر , وكون جمل تأكل تبن أعزكم الله
وان شاء الله لنا لقاء بموضوع جديد قريباً
المفضلات