بسم الله الرحمن الرحيم . وسلام الله عليكم جميعاً
في البداية ماجورين يالربع على اللي صار اليوم وأن شاء الله اخر الاحزان وقدامنا أن شاء الله ما يقارب من 1000 نقطة طلوع يتخللها بعض المزح الثقيل المقبول واللغير مقبول
طبعاً مع نزول اليوم طلعت بعض المعرفات بالمنتديات ترسم خيالات للانهيار العظيم القادم للسوق
وللتوضيح على اللي صار اليوم . كل ما في الأمر هو تبديل للمراكز لبعض الشبيحة استغلوا فيها قابلية وجاهزية نفسيات المضاربين لقبول النزول عند أي هزة مفاجئة
وكانت شرارتها في سهم نماء والذي تم ضربه للنسبة الدنيا , والذي خرجت منها محافظ كبيرة واتجهت لشركات أخرى مباشرة ومن ثم الضغط على شركات ثقيلة بالبيع المتتابع وبقوة لترهيب الاخرين ومن ثم يقوموا بمجاراتهم بالبيع وفعلاً حدث ما يريدونه وتركوا الضغط من البيع الجماعي ومن ثم عادوا والتقطوا أسهمهم بأقل الأثمان
المحصلة النهائية أن السوق بصفة عامة بخير أن شاء الله وأكثر الشركات اللي نزلت اليوم راح ترجع لأسعارها قبل النزول وفي غضون جلستين تداول بإذن الله فلا تحزن عزيزي المتكرعن ولا تصير نفسية على اللي حولك , ودام الرازق الله فأعرف أن رزقك بيد الأمين ما ياخذ منك أو يعطيك اللي لأمر لا يعلمه إلا هو سبحانه وتعالى .
==================
نجي لسهمنا العزيز . سهمنا تكلم عنه الكثير من الاخوان ويمكن الكثير يعرف سالفته وسالفة شبيحته والا تفاق المبرم بينهم وعملية التطفيش اللي صاحبة السهم من شهور وعملية الضغط القوي على السهم ، وواجبنا هنا أن نوضح للاخوان ماذا يحدث في السهم ؟
يقول السديري أحمد رحمه الله :
أنا من نجد يكفيني هواها **** ويبري لوعتي شربي لماها
ورد عليه شربكه غفر الله له وقال :
أنا من جيزان يكفيني سهمها **** ويطرب محفظتي شوفي لنسبها
طبعاً سالفة السهم سلمكم الله أن أخونا الغالي اللي يحبني كثير ( ع . ع ) دخل السهم قبل أكثر من سنتين وكان سعره أيامها بحدود 14 ريال , وواجه عملية بيع كبيرة من ( خ . ش ) حتى نفذت سيولة الأخ العزيز ( ع . ع ) وما وجد طريقة أنه يدافع عن السهم إلا أنه يقلب السهم قطية , وفعلاً صار الرجال كل ما قابل أحد عزمه على سهم جيزان ووعده بأهداف بعيدة , يعني لو يسلم عليك على طول يقولك يا فلان بكرة لا تخليني وخذلك كم سهم بجيزان , استمر على هذي الطريقة وقت ركود السوق .
وبعد عودة الثقة للسوق ودخول السيولة وارتفاع الشركات وخصوصاً شركات القطاع وأهمها القصيم الزراعية السهم واصل الطلوع وأصبح توئم مع سهم القصيم الزراعية في الطلوع والنزول .
بعدها صاحبنا ( ع . ع ) عقد اتفاقية مع ( ش . ز ) مضارب القصيم الزراعية لرفع السهم بأدخال محافظه على سهم جيزان ورفعه مع القصيم الزراعية , وفعلاً تم ذلك لكن الأخ ( ش . ز ) بعد ما أوصل السهم فوق 30 لقى أن المملكة العربية السعودية وبعض مواطني دول مجلس التعاون قالطين بالسهم وشغالين تدوير على السهم ! من حقهم معزومين على السهم وواقفين مع الرجال بشدته .
المهم قال ( ش . ز ) للأخ ( ع . ع ) أشبك يا ولدي قالب السهم جمعية خيرية قسمن بالله ما بقى إلا نرسل للي بالسهم ملابس العيد , يا ولدي شوفلك صرفة معاهم وطلعهم من السهم مثل ما دخلتهم .
هنا بدأت المرحلة الثانية من السهم وبدأ البيع المستمر من ( ع . ع ) و ( ش . ز ) وبعدها من وين ما يوجعك أنواع البيع المتتابع على السهم , طبعاً الاخوان اللي قالطين بالسهم كل ما نزل السهم يسئلون ( ع . ع ) عن سبب البيع ويرد عليهم ما أدري من اللي يبيع , طبعاً اختلقوا ( ع . ع ) و ( ش . ز ) سالفة أنهم متخانقين وان كل واحد يكب على الثاني كله عشان أخوانا القالطين بالسهم يفهمونها ويطلعون من السهم .
وعند وصول السهم عند سعر 26 بدأت المحافظ الجديدة الخاصة بـ ( ش . ز ) بالدخول على السهم والتجميع على أقل من مهلهم حتى نشفوا أبو أبو اللي جاب السهم ولم يبقى من الاسهم الحرة إلا كمية بسيطة .
طبعاً أخوكم شربكه كان يراقب الوضع عن بعد وينتظر الفرصة السانحة والصيدة الطيبة لهم وبفضل من الله صارت اليوم . كيف ؟
معدلات الشباب الطيب والمحافظ الكبيرة عندهم كلها فوق 24 يعني بفرق أعلى من سعر اليوم بنسبة 10% وبعضها 20% ولا اتوقع أنهم راح يغامرون بالضغط على السهم أكثر مما صار اليوم .
يعني بالعربي الخسارة الكبيرة من خلفهم وحنا من أمامهم , وهذا فرصة للي يبي يلاعبهم مثل ما هم كل يوم يلاعبونكم .
دخولهم وتجفيفهم للسهم بسبب الاخبار الايجابية للشركة اللي متفق على اعلانها من فترة لفترة لدعم السهم
كيف يتم التعامل مع السهم لمن يرغب الدخول ؟
الشراء يكون فقط بـ 10% من المحفظة وعلى دفعات في المرحلة الأولى حتى لا يتم الضغط على السهم مجدداً وتجميد السيولة والافضل يكون الشراء من الغد بإذن الله وإذا تم محاولة ضرب السهم أكثر يتم الشراء بـ 10% ثانية وعلى دفعات أيضاً .
السهم بالنسبة لهم مشروع تدبيلة حسب الاخبار من المقربين جداً منهم . وضع أمام عينك أنك قد تستغرق فترة ما يقارب شهر وأنت في السهم .
ارجو ان أكون قد وضحت عن كل ما يدور حول سهم جيزان
وفقكم الله
المفضلات