السلام عليكم ورحمة الله وبركاته
انا اليوم كنت عند واحد لكم عليه ولا ينتواخذ
قل صحات او البعض يسميه خبل
المهم كان يسولف عن السوق ومشاكله ، فقلت ليه ما أساله واستفسر منه ، منها أوسع صدري على سوالفه.
اول ما سالته شللي صاير بالسوق من اخبار وإشاعات اللي نسمعها. وش اللي صار اليوم هبلو بالعالم؟
قال ايه هذا موضوع متشعب ولا راح تصدقني؟
ثم(ن) قال انا راح اشرح لك ببساطة وبتلميحات بس ما تقاطعني.
جاوبته ابد سم وكلي إذن صاغية. وانا في نفسي اقول عسى بس محد ينقد علي من الجالسين أني أخذ الشور والعلم من هالخبل.
بس عندي لك سؤال قبل ماتبدي لو سمحت ، انا اقول له.
رد على بحمق
. بدينا من الحين بالتسال ؟ هماني قايل لك لا تسال والا ترا هذا بيني وبينك. من الحين نسكر على الموضوع.
لا حول ولا قوة الا بالله صاير لي الخضر مع سيدنا موسى. خخخخخ
رديت علي بسرعة أص أص أص وانا أتلفت لا احد فاطن لنا يضحك علي. قصر صوتك خلاص ماراح اتلقف مرة ثانية.
ثم قال خلاص عطني سؤالك واعتبره الاول والأخير.
سالته وين تشتغل؟
جاوبني ( مو شغلك. انت بتناسبني؟)
خلاص يالطيب تفضل وأنسى سؤالي.
قال اسمع ترى الموضوع متشعب وخطير. قلت ياساتر.
قال نعم خذ الكلام الصحيح.
الموضوع جزأين متداخلين.
اولا من الأسباب هي شركة زين صراع بين أطراف للاستحواذ والتركيع والصعود. ويوم استمر الأطراف اللي قامت تجمع ونجحوا لرفع السهم ، قاموا الأطراف الثانية اللي تبي تركيع السهم للاستحواذ اكثر اسهم قبل الانطلاقة قاموا برش باقي الشركات لإنزال السوق لتخويف المتداولين والبيع لانزاله اكثر.
السبب الثاني الحين ومن فترة صراع بين روس كبار وخبطة اليوم هي الفاصل لتحديد من المنتصر وهم نفسهم بعضهم أطراف في زين.
فإذا استمر الوضع او تكرر خلال فترات قصيرة فاعلم ان هذه الاطراف اللي تبي تمشي السوق على هواها قد نجحوا وفرضوا انفسهم نكاية بالاخر فاعلم ان الطرف الاخر استسلم خوفا من حصول ماهو أسواء . والعكس صحيح.
ثالثا والاهم. ان سمعت في الايام الجاية تعيين فلان مكان فلان او ترقية فلان وإحلال فلان مكانه يعني مثل هالأمور فسلم لي على السوق و وز فليساتك لعيالك أبرك. الا ان كنت بغنى عن فليساتك فهذا شي راجع لك.
وبس.
وشهو وبس ، انا أساله.
رد علي هذي كل السالفة وأخذها من اخوك.
انا هنا وقف مخي. يعني هنق مثل الكمبيوتر. ههههههه
شقال هو بالضبط.
بس قلعتي انا استاهل اللي اسلم عقلي لهالخبل وخليت الجالسين اكيد يضحكون علي بينهم وبين بعض.
وانا فاز ابطلع والا واحد وهو مار يقول لي وهو مبتسم " خذيت العلم؟ "
افااااااااااا. طلع اللي في المجلس كله مخابيل.
شرايكم يا اخوان وأخوات منهو الخبل انا او هو او المجلس كله بما فيهم انا؟
المفضلات