المشاركة الأصلية كتبت بواسطة شربكه
بسم الله الرحمن الرحيم . وسلام الله عليكم جميعاً
هالمرة شبيح السهم من خوالي 
محزمي ومجندي وقت المقابس
وما ألوم كديميس يوم قال فيهم في قصيدة ( المحدار )
ابيوتنا للضـــيف مـثل البســـاتين
يفــرح بنا الملـهوف ليلة ضـوانا
نجــود بالماجـود بالعسـر واللين
وضحك الحجاج وما حلا من نبانا
نبذة عن الخال
هالخال يحلفون الرجاجيل أن الكورنفليكس عمره ما طب فمه ، وما يفك ريقه إلا على غبوق نياق حمر أو عفر , ولا يقلط إلا على لحم حاشي , وما يحلي إلا على مضير مطحون بسكر
الخال طموح جداً وطموحه ماله حدود , ويحلم أن يكون عنده ذود من المغاتير والمجاهيم والصفر والحمر , الخال يحب التنويع عشان يشوف كل أنواع الأبل قدامه
ويوم بغا يدخل السوق قال للي حوله ما يقعد رأسي كود أعلى سعر وصل له سهم بالسوق , وقالوا له الربع يالمطنوخ ماغيره سهم الشيوخ المصافي , لين عنده ناقة لقحا , ويقول بوقتها للي حوله لين أضنت الناقة يا جماعة ترا أسم اللي ببطنها المصافي 
عشق السهم الخال وناوي يسوي فيه الهوايل والسهم لازم يرجع لأيامه الحلوة ويصير على أسمه سهم الشيوخ
قلت له يا خال ما نبي أيامه الحلوة أنت طموح وطموحك ماله حدود وما نبي منك إلا نسبة السبت أن شاء الله وهذا طموحنا لا نبي ذود أبل ولا عشة دجاج , قال أعتبر الموضوع تم بإذن الله
عاد قلت لازم أبلغكم باللي صار , وان ما لحقتوه بالافتتاح لا تطامرون وراه وهو مرتفع , لين نشوف وشهي مخطاطات الخال
حنا عطيناكم نبذة عن الخال , تهقون هالمواصفات تدعم السهم ومحفز للسهم وإلا خرطي , نشوف بكرة بإذن الله
وفقكم الله
رد مع اقتباس
المفضلات