بسم الله الرحمن الرحيم والسلام عليكم ورحمة الله وبركاته
الحقيقة صيدة هالشبيح كانت من حلاق نعم من حلاق لبناني لاتستغربون
اليوم سلمكم الله رحت للحلاق لأني شعري كان مضايقني كثير وكل شوي يطيح على عيوني حطيت بُكل ما فاد حطيت طوق بفيونكة مثل بعض شباب المستقبل ولا فاد .
داري أن بعضكم بيقول وين شعر يطيح على عيونك وأخوياك أبو مهند وعبود ؟ أنا عاذركم .
لكن صدقوني رغم عيشت الشقا والغرابيل في مقتبل العمر ولله الحمد إلا أني صرت أدلع نفسي على كُبر وصرت أخر دلع . ومرت علي أيام فطوري ورد جوري وغداي فل وياسمين وعشاي زهرة التوليب ومويتي كادي وصرت أقرض الشعر الرومانسي واسمع لعبدالحليم بعد بشير شنان وهاني شاكر بعد فهد بن سعيد وفيروز بعد سارة مسيفر ووردة الجزائرية بعد ماري سعيد .
عوضنا شوي عن سنين المشق ومطارد سيارة الفليت وهجولة القوايل . ويقولون ليش ما طلعنا مثل الدول المتقدمة بلا والله من المناعة ضد كل شي اللي جتنا من ورا سيارات الفليت
ما ودي اطول عليكم . المهم أول ما دخلت على الحلاق غسان طبعاً لازم أسوي نفسي فاهم بثقافات وتقاليد الشعوب الثانية . ويوم تواسيت على الكرسي وشفت ذا الدافور وجه مربرب وزغوده كنها زغود خروف بربري من النعمة ، قلت مين قدك يا غسان أكيد اليوم الحجة طابختلك منسف وضارب فيه لين ما صرت ما تقدر تتنفس ؟
قال يا سيد شربكه كلامك كله مو مزبوط وخطأ ! قلت ليش ؟ قال أول شي المنسف تبع الأردنيين وثاني شي أنت بتعرف أني مسيحي كيف الماما تصير حجةدريت أني جبت العيد وسكت . واقعد دقيقتين على الكرسي من اللطسة ما دريت إلا يقول دقن وإلا شعر قلت الشعر مكينة نمرة أربعة سويت أنقلاب على شوشتي .
المهم وهو يحلق قال أستاذ شربكه بتعرف شي عن الأسهم ؟ قلت يعني مو كتير ليه شو في يا أبضاي قلبتها باب الحارة . قال عندي زبون من تندحة يوم لخمني الرجال راح يم ديرة سعد بن جدلان . قلت وقف منين تعرف تندحة ذي لو نسأل سعودي ما عرفها , قال مو زبوني أبو مريع هلك أهلي بتندحة ويؤعد يوصفها ويتغزل فيها كأنو أعد يوصف باريس . يوم خذتني الحمية قلت باطل يا أبضاي شو جاب الجاب . وبشعة وبيته في الطلعة . ولا من تمو ولا من كمو وشخاخ ونايم بالوسط . المهم سردت كل الأمثال اللي سمعتها بالمسلسلات الشامية . يوم ارتاع الأزعر قال شو فيك أستاذ . قلت إلا ديرة شهران حماة البلاد . قال يا أستاذ والله ما حكينا شي . قلت المهم علمن جاك لا يتعداك . صفقوني أن كان فهمها .
واتذكر سؤاله عن الأسهم وأنقلب 180 درجة لطيف ووديع الصافي ، قلت ليه تسأل عن الأسهم حبيبي غسان , قال يا أستاذ بلا ما أحكي عشان ما تعصب , قلت لا عادي ذاك موضوع وهذا موضوع لا تأخذ الأمور شخصية , مسوي فيها منطقي .
قال زبوني أبو مريع قال يا غسان إذا عندك كم قرش أحسن مو حاطها بالبنك استثمرها بسوق الأسهم تكسب من وراها ورديت عليه أني ما بفهم بالأسهم قال مو مشكلة أنت روح على البنك وخليهم يفتحولك محفظة أسهم واطلب منهم يشترونلك سهم الصحراء لأن السهم أعرف من فيه وراح يرتفع ويمكن يعطيك 30% بأسبوعين بإذن الله . شو رأيك يا أستاذ شربكه , قلت بكرة ان شاء الله أرد عليك أسأل حبايبنا وأجس النبض وأقولك تشتري أو ما تشتري وخصوصاً بكرة يوم مهم في هذا الأسبوع . المهم بعدها طيرت الشوشة رقم أربعة وطلعت ونقلت لكم وش صار .
وفقكم الله
|
 |
 |
|||
 |
 |
||||
رد مع اقتباس
المشاركة الأصلية كتبت بواسطة شربكه
اللى بالشبكة هونيك
وهو يوخر؟
المفضلات