المشاركة الأصلية كتبت بواسطة بروكر
كلام جميل جدا ومقنع
الأجمل مرورك على الموضوع
المشاركة الأصلية كتبت بواسطة المسافر@
يسلموا شربكة وماهنا خبر عن السيارات
اشوفك شطفته وماله حس
المتكامله له 15 يوم تداول وهو مثبت السهم على وين الله اعلم
الله يذكرك بالشهادة . نسيت أقول لك أن اغلب المحافظ اللي طلعت من الصحراء راحت للسيارات كتبديل مركز لين يهدئ التطبيل على الصحراء , الناس ماهي فاضية تضيع وقت تبي فلوس سريع سريع
المتكاملة يقولون 30 للي يبي يصبر معاهم ويستثمر .
المشاركة الأصلية كتبت بواسطة مضارب محت78رف
واحد من جمهور مدرجات الدرجة الثانية ومعي سجادتي ومستمتع بالمباراة ونراقب باهتمام ما تسفر عنه النتيجة بس ما نبي تكسير ومشتاقين لك.
اثريك من اللي يقعدون تحت الساعة وشغالين تقشيم حب وذب على الناس . وان شاء الله ما يصير تكسير لكن الخوف من كريري بعد سحبة سالم الدوسري والشوق لكم أكبر
المشاركة الأصلية كتبت بواسطة الفال 111
ما خليت شيئ مشكور
في موضوعين لي سابقة (أحدهما من أشهر)عنونتهما
إن الضربات التي لاتقصم ظهرك تقويه
وذكرت ان السوق بخير والنزلات البسيطة هي لتقوية ظهر السوق
الله يجزاك خير . لكن رح اقنع بعض المحللين ان السوق بخير ، كان ياكلونك بريشك
المشاركة الأصلية كتبت بواسطة مخاوي الليل
البابطين ماله حس او المضارب اللي صار صبي بعد فيبكو ماخلص تجميع
يا أخي تصدق أن واحد من الاصدقاء أشغلني بالبابطين وكل شوي يدق عليً ويقول خذ البابطين واقول ان شاء الله ثم يرجع يدق ويقول اخذت البابطين ؟ أقول ما كتب الله نصيب ويقول خذه الحين وأقول ان شاء الله ثم يرجع يدق ويقول اخذت البابطين وأقول انشغلت وما شريت . وقمت سألته وش عنده البابطين ؟ قال مو شغلك قلت دامه مو شغلي وراك مشغلني بالسهم ! قال بعدين تعرف ! قلت يصير خير ورجع يدق وما رديت عليه . عاد شف انت وش تستنتج من خوي الدلخ .
فيبكو قاعد ارصدها جعلها مر على اللي رشنا واذا طلع معي شي ان شاء الله اسدحه
المشاركة الأصلية كتبت بواسطة كاترينا
لك وحشه ياشربكه
اللي يهمنا طال عمرك ماهوب اسهم السوق
نبي بالويكند تكتب لنا مذكراتك من طقطق الى السلام عليكم
يعني من يوم ان اظافرك ناعمه الين اخشوشنت
اسلوبك دائما رائع
تقبل تحيات ابنائك في الوطن العربي الكبير
هلا وغلا بالغالي بو عبدالرحمن , تصدق اسمع بالاظافر الناعمة ومن يوم ولدت لليوم وأظافري خشنة ودي أكتب مذكراتي لكن أخاف يذبحوني مثل سعاد حسني . ويطلعوني كافر ويقولون شربكه انتحر .
عاد تصدق عندي مذكرات أيام الحارة مع صديق لي أسمه طارق كانت بوادر طفولتنا بوادر أثنين مخترعين , اللي يدل لك أن دايم ريحتنا شوط كهرب لاذعين من كثر ما نسوي تجارب على أجهزة كهربائية , وأنواع النفض بالكهرب ، وطارق الله يذكر بالخير كان متهور من النوعية اللي إذا جا يبي يعرف الفيش فيه كهرب أو لا كان يحط أصبعه ولا يعترف بالمفك أبو لمبة . وقد مرة شفطه الكهرب ودخل المستشفى وصار التشخيص بالمستشفى أن كل الأعراض اللي عنده أعراض شلل أطفال ومن بعدها حرم يتعبث بالكهرب .
لكن الشي الغريب من أول كل شي ينفض أن فتحت باب الثلاجة نفضك الكهرب وأن ولعت النور نفضك وأن دقيت جرس على باب أحد نفضك وأن جيت تبي تشرب من البرادة نفضك الكهرب . الواحد ما يجي عمره 15 سنة الا وهو صاير مولدة كهربائية من كثر الشحنات الكهربائية اللي دخلت جسمه . ويقولون ليش من أول دايم نسعبل ونناشق ! بلا والله من الكهرب اللي لعب بروسنا
المشاركة الأصلية كتبت بواسطة خطاب
هداك الله
ماهذا الكلام
وصفتهم بالنصابين وباشياء لا تليق
اتق الله
الله يجزاك خير إذا والله هذي الاوصاف تنطبق على النصابين فتراهم يسونها وأبراي لله . وازيدك من الشعر كوبليه واحد منهم امام مسجد سابق الله يهدينا جميع ويكفينا شر الدنيا . والمقصد من قولي مطاوعة لأنهم معروفين بمجتمع الأسهم بهذي التسمية . مع احترامي وتقدير لكل ملتزم في الظاهر والباطن .
====
معليش شباب نسينا البحري , وترى اللي صار فيه اليوم استثنائي لكن هدف السهم أن شاء الله 22مع الصبر لكن اللي حصل اليوم ان مطافيق استغلوا طلوع الجماعي وشدوه
المفضلات