الله يعوض عليك اخوي متداول
محفظتك تتفق مع المنطق بس معاكسه للحظ
يقال والعهده على الراوي أن المنطق والحظ تخاوو في سفر مع بعض
المنطق عنده موتر عملي جدا ولا يحب يسافر الا بموتره واثق في سواقته حيل
ومن زود ماهو الموتر عملي الظاهر الموتر جاته عين وهنق على على الخط
حاولو المنطق والحظ يصلحونه عجزو والمنطقه اللي تعطلو فيها مقطعه ولا أحد راضي يوقف لهم يفزع
أقبل عليهم الليل الحظ حامت كبده من نحاسة هالناس اللي مايفزعون وقرر يوقفهم بالقوه فنام على الزفلت بوسط الطريق
المنطق جيد ماشاءالله عليه حي قلب نام تحت شجره عشان لاطلعت الشمس يكون بظل
الحاصل وهم نايمين في غفله جاه ذاك اللوري وش كبره حاط رجله مسرع وفي اللحظات
الاخيره انتبه لهالخبل اللي نايم بوسط الخط تحاشاه وطلع على الجلد وصدم الشجره
وطيرها بالادمي اللي نايم تحتها
مات المنطق بسبب منطق العقل اللي مايفارقه وسلم الحظ بسبب هباله وركب مع راعي اللوري ووصله لاهله وعاش حياته
وسوقنا راعي العقل يتعب معه
وعلى قولة الشباب اللي بالدور الفوقاني مع المصلين صل ومع المغنين غن
( مغطة لسان للي فوقنا
)
وترى العلم اللي جاك أكيد بإذن الله
المفضلات