موضوع يستاهل المطالع والمناقش والمداقش
من 2006م وانا اتفرج على السوق مارجعت له الا شهر 10 2011م
كانت ارباحي ممتازه وزينه في بداية الامر بعدها صارت ارباحي عكس عكاس بس مافيها خساره ولله الحمد
الطريقه :
سيولتي كلها برا اجي من الدوام الظهر مع اي جني ارباح القط سهم
توجهه العام صاعد وعلى اللحظي جاهز
واسبوعيا افصل الارباح عن راس المال
كان المدخول الاسبوعي 5% والحمدلله نعمه
غيرت الطريقه :
صارت السيوله موزعه على ثلاث اسهم هذا يربح بالمقابل الثاني يخسر ومكانك سر
سبب توزيع السيوله على اسهم توصيات تجي من احد الزملاء ودائما ابيع بخساره لاني
ما أتحمل اللون الاحمر بالمحفظه ماحبه كلش
توصية مبرد مثلا دخلته وضاربت معه ونزل نسبه ومع اول عوده له دفيته بخساره
وبعده دخلت توصية معدنيه وضاربت معه بعدها نزل نسبه ومع اول ارتداد بعته بخساره
والأردى اني ربطت روحي باهلي تكافل عشان اكتتب مدري وين مخي فيه وقتها
الشاهد ان اللي مقابل الشاشه ماتصلح له اللبده كلش
وازين شي اضرب واهرب هذا اللي طلعت به
وبدءا من أمس قررت العوده للطريقه الاولى
المدمن تداول ماتنفع معه اللبده ابد
واستثمار خويك باسهم مضاربيه باسعار ممتازه ويلبد هو الصح حتى لو كانت شركات خسرانه
ومشكور على طرح الموضوع للتذكير بمراجعة انفسنا وكشف اخطاءنا
المفضلات