وش معنى كثروا عليها الشبيحة
لا يصير مذابح ومطاق والضحية الغلابة
الله العالم يبي ينزلونها شويتين ثم ينطلقون بها لآفاق ارحب
وش معنى كثروا عليها الشبيحة
لا يصير مذابح ومطاق والضحية الغلابة
الله العالم يبي ينزلونها شويتين ثم ينطلقون بها لآفاق ارحب
المصافي فيبكو مبرد شمس وحلواني بمراحل تصريف مع كل طلوع يستوجب تشغيل قرون الاستشعار
------------------------
يارجال انت قلت ان كمياتهم موجودة وانهم بيهملون السهم عشان حلواني ثم يرجعون
الحين تقول يصرفون
كان قلت وخليتنا بعنا فوق لكن الحمدلله على كل حال
دمت بود اخي صرخه
هلا وغلا أخي المبدع ‘‘ صرخه ‘‘
صراحه أسلوبك رائع وسياقك للأحداث مشوق واصل متابعينك
لكن ترى رفيقك هالشين ‘‘ ابومهند ‘‘ مهب سهل !!! أجل داخل السهم من الأربعاء ؟؟
أي يالعكروت
ابشرك طلعنا من الاحساء من يوم الاربعاء
وشته عليهم بوووز
----------------
طمنا على خويك عسى ما انجلط مع النسبه الحمراء؟
اممممممممممممممما ابو مهند بيدخل الجنه على يدك ياخوي صرخه
أعلن تعاطفي مع بو مهند
وترى لالعب زراره بوجهك ترى ماهيب مقصوده
الله يوسع صدرك بالعافيه سواليفك طيبه
سلام اخوي صرخه اثرك عود ما شاء الله - الظاهر ممدد لك علشان التقاعد
سامريهم زين بس تراهم يخلونك بالبرد لحالك انتبه منهم
معلوماتك سمعتها قبل من رمضان بنفس الاشخاص لكنهم من بعد الضحيه بدأو تغيير التكتيك
الاحساء ايضا تصريف
معاونيتهم ذهبو مع اخرين
الايهام بدأ يتحرك عندهم - تجميعهم متنوع - يجيدون المراوغه - ينوعون الفريسه
الخلاصه للجميع اي توصية على سهم ارتفع كثيرا وبسرعة احذر تسلم او ضارب بسرعة وجرأه
الحين ابي اسأل (م ح ن ح) و(ن ح) شغالين مع بعض. ولا كل واحد بروحه.
نبي اخبار الباحة عقب حركة اليوم !؟ ..
جزاك الله خير
وش نية الربع في المتكامله
يعني نشوت فيبكو بووز والا كيف
ترى مأجلين الديانه الى بعد 50 نعطيهم حقوقهم شفلنا ن ح بيتنحنح والا بيخلينا ننوح على الماء المسكوب ونغني اغنية ظلموه
بغض النظر عن الطلب اعلاه اسلوبك ممتتتتتتتتتتتتع
سلامي لاابو مهند سلام كثير:d
ودي اهدي قماش ابو شفه مطرزلابو مهند
كل التقدير لك خيو
الأخ العزيز (ش.ز) يقولون انه قاعد يستذكي يبي يعرف أي المحافظ عنده مكشوفة وقام يبيع ويشتري باسهم ماله علاقة فيها على باله انه قاعد يموه لكن الحبيب محتار مع ربعه ناس تقول ندور غير هالسهم وناس تقول نهدي اللعب شوي بالسهم ثم ننطلق وبعض المحافظ الوسط طلعها ومراسلنا مع قروبه يقول لا تتخذون قرار لين يستقرون على حال
الطقطق مع الاسهم المرتفعة ماهي طقطقت عروس يبيلها ناس محترفة والغذائية دام (ع . ش) بالتملك ان شاء الله ما منها خوف الربع شبه مرتبين الوضع معاه
أمس ردوا عليك بمبرد واليوم بالمصافي ويمكن بكرة يكملونها بشمس وتراك فاهم التصريف غلط ترى والله مو لازم يكون السهم نسبة تحت والا يمسك خط احمر لازم يسوون اغرائات ويدغدغون مشاعرك وبعدها يدغدغون جيبك يعني سياسة كبريهات
الله يوفقك ويغنيك بالحلال من الرزق
العكروت اطبقوه بالنسبة تحت وربك ما يطق بعصا هذا اللي يجي على الضعوف مثلي حوبتي شينة اجل انا يلخمني ويخليني اشتري ماركت
بعطيك سالفته بعد ما انعرض 800 الف سهم على النسبة تحت وابومهند مطبوق معاهم ومنصك عليه الباب
ترى ابومهند حبيب وطيب لكن ما تعلم النجاسة الا من تالي يوم صار يروح لأستراحت اخوياه اللي بالشفا والازرار كنت متحوط له ما كنت اخلي رقبتي مقابه تثبت اكثر من ثانيتين وقلبت كوبرا قدامه لين غيرت مكاني الله من شين ذاك الزرار لو انطلق بوجهي ست غرز بالوجه ما تكفي
هلا بولد صالح واكيد الوالد صالح الله يحفظه يقاله ابومحمد لاني ما قد قابلت واحد اسمه صالح الا واسم ولده الكبير محمد . والربع كثرانة دراهمهم وصارو يطامرون من سهم لسهم لكن السهم الوحيد اللي طلعوا منه 100% تبوك الزراعية والشركات المرتفعة على قولتك يبيلها جراءة وسرعة وبعدين لا تقعد تطلع علي اشاعات كبير وما كبير عشانكم ما لحقتوا مثلنا ولعبتو البلايسيشون يا حقين الكيرم والمصاقيل
شغالين مع بعض ببعض الشركات وتخبر تجمعهم رابطة الدين والوطن واللغة والدم والقبيلة ومبدأ أنا وولد عمي
سبحان الله هذا السهم من الأسهم اللي لو يجيني عليها توصية انها بتدبل 10 مرات ما دخلت ولا عمري سألت مين فيه لأني احس انه ممكن يطلع فيه قرار استثنائي ويوقفونها بأي وقت واحس ان اللي يدخلونه منتحرين واخوك مؤمن وسهم راعي سوابق قد انمسك وطالع بكفالة ورجعته ما يبيلها اجتماع للمجلس الهيئة وممكن السوكرتي اللي على باب الهيئة يصدر قراره ز والله بجد رح شف سهم غيره ولك مني احوق كل الاستراحات واجيبلك خبره إلا ذا السهم الداشر
الله يجزاك الجنة والمتكاملة خلايا نائمة واتوقع بأي لحظة يسوون تفجير
(ن.ح) لو يلاقي طلب غريب على شركاته ما قصر وباعه الرجال قاعد يحوس ويدوس وماهو قادر يصرف وانت وش الله حادك على المغامرة الافضل انك تصير مضارب لحظي مع الشركات المرتفعة مثل ما قال واحد من الاخوان من جد تراهم كلهم متعلقين ولو يحصلهم يطلعون اليوم قبل باكر كان ما قصروا ولا يغرك يوم نسبين فوق ويوم نازلين ويطبلون لأسهم بأرقام فلكية والافضل انك تشوته ظفر وتضارب معاهم الا الغريب ليه من أول مافيه واحد الا ومنكسر ظفر اصبع رجله الكبير الحقيقة كانت ظاهرة تستحق البحث والدراسة ذاك الوقت لكن الحمدلله انقرضت من نفسها
كنك سامعنا اليوم ابومهند ناوي يفصل ثوب قيطان ومحتار بالقماش
-----------نعود لكم مساء ان شاء الله نكمل الموضوع عن اخبار السوق وردة فعل أبومهند يوم اطبقوه على النسبة تحت وحطو عروض 800 الف سهم لا تفوتكم ودي اني مصوره فيديو ومنزلكم الفلم بالمنتدى
كني اشوف ابو مهند
يوم شاف النسبه تحت كن طايح عليه كنديشن
يا ابو مهند تكفى وتكفى تهز الرجال يا رجال
عطني رايك في سهم اسماك اصبر عليه ولا استبدله بشمس ؟
رايك يهمني ابي علوم ( م ح و ن ح خ ش ) تكفى عشان ناوي اهديك شي قدييييييييييييم يحبه قلبك ههههه
انتظرك
صرخه نبي اعلوم معدنيه سعرها 35
سمعت بها قروب يبي 48
صررررررررررررخة
البخيل الداشر اللي ماسك اللجين متى بهون الله عليه ويفكة
ترى بحنكتك وفطنتك ما فيه خير ونبحث عن غيره أو نلبد فيه ونقول هانت
قال تعرف اليوم الجو ربيعي على باله ان عنده .... سالفة
المهم من جبت طاري الجو الربيعي والثياب الصيفي قمت افكر اخذ لي جوله سياحيه
مشكـــــــ ــــور ذكرتنا اشياء يمكن نسيناها ولا تحسب اني كبرك خخخخخخ
اللي مهتمين بالاسهم فقط يتجاوزون موضوع ابو مهند ويطمرون للنقطة الثانية ]خلونا نبدا بتعليقت ابومهند طبعاً قلت لكم انه لخمني ودخلني يوم السبت ماركت ب 14.45 وبعت ب 15 وطبعاً ما قلت لأبومهند اني بعت عشان اقدر اخذ منه علوم عن السهم ويصير لي حجة اني اسأله وحكيتلكم كيف ذلني بالتوصية طلعنا من العمل والسوق ماقفل وشفتو السهم طلع لين 15.30 ثم اقفل 14.80 ويوم الأحد بعد ماوصلت العمل وكالعادة ترتيب اوراق وفنجال قهوة وبعدها زرقت على ابومهند وقلت يا ابومهند وش فيه السهم طار لين 15.30 ثم دحدر ما دريت الا الشين يقبس فيني قال وش فيك ماتفهم بالاسهم قلت الا قال يا اخي السهم تشبع شراء وعنده مقاومة ولازم يريح مؤشراته يوم قال كذا دريت ان خويه مصرفه بهالكلمتين والا انا باخص ابومهند ما يفرق بين مقاومة السهم والمقاومة الفلسطينية قلت طيب اليوم وش الدبرة قال بتشوف رحلة العشرين قلت تمام قول وفعل ورجعت مكتب وانا من يوم شفت الجلد على السهم يوم السبت وانا داري ان فيه زحليقة لكن معلوماتي انها زحليقة صغيرة واخوكم مجهز اللاب توب وجايب بطاريتين احتياطي لان مباشر على جهاز المكتب يقطع وفيه ضعف اتصال وكالعادة ابوعلي 10 ريال الا وهو جايب الشنطة من السيارة المهم مع افتتاح السوق سحب المضارب لـ 15 ثم بدا الرش والسهم كل شوي ينزل والعروض تزيد طبعاً قلت مرحبا يا نسبة ويوم نزل حدود 4% وادق على ابومهند قلت ياخي وش فيه السهم نزل نزلة قوية قال بيسوي نفس حركة امس يضغط ثم يرفع السهم وانا داري العروض يبيلها صندوق سيادي عشان تنشال وشوي عند 14.30 ويبدا الجلد والجليد وكميات كبيرة وبغيت اطفي الجهاز خفت يطلعون ويتجالدون على مكتبي من قوت الجلد الا والسهم نازل 7% وانقز لمكتب ابومهند الا والرجال ماسك الجوال ويكلم وهو يبترم بالمكتب ويقوم ويقعد وهو يكلم متأثر بالمسلسلات المصرية واسمع يقول يا اخي تراك احرجتني وش الوضع وهو يأشرلي بيده اني اطلع ما يبيني اسمع المهم وارجع اشوف السهم الا والسهم حول النسبة تحت وارجعله ومن يوم دخلت ويقبس فيني مرة ثانية قال لا تقعد كل شوي داخل علي وبع الحين والخسارة بعطيك اياه وهو قاعد يفرك بوجه من الهم قلت افا يا ابومهند هذا سوق فيه ربح وخسارة ان ما ارتد اليوم يرتد بكرة وكلنا بمركب واحد وارجع الا السهم طابق نسبة وعليه عروض تنفك وتفتح النسبة وشوي يوم صارت العروض بحدود 800 الف سهم وادق عليه قلت شفت العرض المهم مافيه سبة بالدنيا ماقالها على المضارب وشفت اني زودتها معاه واتركه ورجعت لمكتبي وجاني واحد من الزملاء لموضوع بالعمل وحنا نحكي الا واسمع واحد وهو مار من قدام مكتبي يتشهد بصوت عالي جداً ومكتبي ما يكشف الباب قلت لنايف من ذا الله يهديه وراح طل قال ابومهند انا ما عرفت صوته لكن هالتشهد طالع من اعماق اعماق بحار ومحيطات قلبه وقعدت اضحك قال نايف وش فيه قلت بعدين احكيلك المهم عشر دقايق وطلع نايف وشفت الموضوع تعدى المزح ورحت ابي اطيب خاطره الا ما رجع مكتبه واحط كرسي كاشف الباب عشان اشوفه اذا رجع الا والرجال طول واستبطيته واروح ادوره والاقيه عند واحد من زملائنا الملتزمين الشيخ عادل ماشاء الله تبارك الله اللي احسن خلقه وخلقه واطل على مكتب الشيخ عادل إلا ابومهند قاعد على الكرسي ومتمدد ومافيه الا طرف مكوته على الكرسي وفاك ازارير صدره علاء زلزلي وحاط يده على رأسه رايح يدور روحانية عند الشيخ عادل من الهم واخوكم عند خبر ان السهم راح يرتد اليوم المهم قلت بعد اذنك يا شيخ عادل ابي ابومهند ورحنا لمكتي وقلت له باقي عندك كاش قال شي بسيط قلت عموماً بكرة ان شاء الله بيفتح السهم نزول واذا بدا يرتد بسحب كميات كبيرة عدل بالسهم واليوم الرجال عدل بسعر 13 وصار كل شيوي يدق على مكتبي ها وش بيسون قلت افا الحين مو انت اللي موصيني على السهم قال كلمت خويي ويحلف بالله ما باع قلت عموماً انت قريب من رأس مالك اذا تبيت نحاش ... الشاهد يا شباب بعض الاحيان نقرا كتابات بالمنتديات من بعض المعرفات تكتب بحرقة قلب بعد تعليقة بسهم وابومهند وصل امس لحد انه صار شخص ثاني رغم انه هادي بطبيعته ووالله مثل هذول يخلون الواحد يحاول قدر المستطاع انه يكتب أي خبر يعرفه فيه صالح لهم والا اصحاب المحافظ الكبيرة يخسرون اليوم ويكسبون بكرة
بكرة لو طلعت من بيتك وقابلك اللي يمسح سيارتك وقال المصافي رايحة ثلاث ارقام لا تستغرب لان الشبيحة حاولو يطلعون من السهم وما قدروا واختارو سيناريو الاغراء والتطبيل يعني بكرة لا يجيني واحد ويقول وش ذنب اللي باع على كلامك لأن بعده راح يجي واحد ثاني ويقول يا ناس مين عنده خبر عن المصافي والله تعلقت تعليقة العمر طبعاً بيجي واحد ويسأل ويقول وش الدبرة نقوله خليك صياد معاهم لا تنصاد طقطق يومي وعسى ما يردهم إلا ال 7000 اتفقنا من بكرة شوفو شغلكم
الشرقية الزراعية صورة طبق الأصل مختومة من المصافي
الغذائية دام ( ع . ش ) بالتملك و ( ع.م) و (ح.ق) وباقي الشبيحة مدهرين نصير ما بعد دخلنا مرحلة الخطر
القصيم الزراعية قلنا ان اعضاء ادارة النصر مجتمعين فيها ويقولون انهم مدخلين اداما سيسي ويوسف فوفانا وكنيدي كمستثمرين اجانب معاهم ويتداولون من غانا تمهيد للسماح للاجانب بالتداول من خارج السعودية وقائد القروب يخطط لإدارة العالمي والظاهر ناوين ميزانية النادي من السهم ومارية التصريف إذا شفتو الضب الأصفر يطبل للسهم بالمدرجات
وبما ان الشي بالشي يذكر فأ الأخ ( س . ط ) مارجع للسوق الا وهو ناوي يدعم النادي بقوة عشان يروح لمركز متقدمة في الترتيب . وش رايكم فيني بالتلميح عن المتقدمة فنان الله لا يضرني ويقولون القوالة ان البيت عنده غرفة عمليات قائد قروب جاي وقائد قروب رايح يعني الدعوة فيها يا حياة او موت واخذ بال سيادتك محمد
وسمعت قبل شوي ان المجلس العسكري في شمس قرر ان الثورة لازم تحقق اهدافها المرسومة
وان الكيمانول تبي تتسحب كنها بزر يعلمونه المشي
واليوم كلمت رفيقنا ابوعمر راعي اسمنت الجوف وقلت لها يا ابوعمر وراه سهمك من يوم دخلت ما عاد تحرك وعلى نفس سعره قال وانت وش لك فيه قاعد تراقبه قلت يا اخي ودي افرحلك قال يقولون الربع انهم يحترون ناس يجون معاهم قلت انتو رايحين عزيمة والا عرس عشان تحترون احد قال مو شغلك عاد انا سكت وغيرت الموضوع معاه
ويقولون فيه مجموعة مستقربة يعني سوت قروب زغنطوط ودخلو نما لكن شكلهم لو يطلعون 10% تعلقوا
ويقولون انهم اذا قضو من فتيحي بيروحون الجماعي
ويقولون ان معدنية على منصة الاقلاع وبصراحة اشك واطرز انها تقلع الحين لأن الربع مشغولين عنها بسهم ثاني
ويقولون ان ( ن . ب ) دخلت الاسماك وصارت سلمون وما لقت احد يساعدها غير التطبيل بكل مكان
ويقولون ان سهم المعرفة دخله يجمع فيه الفارس الملثم لكن كمستثمر
ويقولون ان قروب زغنطوط ثاني على نياته قاعد يشيل ويحط بمسك ومستخدم التطبيل ومبدأ اللي يحب الني يزوء
معلوم راح يجيك واحد ويقول مين اللي يقولون وهذا ابسط حقوق حقوقه وانا انسان احب الشفافية واقوله هذول مراسلين بلاحدود نحن لا نصنع الحدث ولكن ننقله لكم ونضع بين ايديكم لتتخذوا قراراتكم وشكراً لختياركم الخطوط الجوية السعودية يعني كنا لاقين غيرها بكرة ان شاء الله بتطن بأذني وانا بقولكم اسف على الاطالة قولو يا كثر ما تتأسف على الاطالة اقولكم اسف مرة ثانية وراح ترتاحون مني لين الاسبوع القادم ان شاء الله احد يوصي شي من جدة . العفو
الردود اذا الله كتبلنا عمر راح تكون الاسبوع القادم ان شاء الله
تسلم على الكم الغزير من المعلومات !
بس ما طريت تهامة (( 1001 ))
يا ليت توضح وش ناوين الربع في السمك
ليش ما يحطون سمك هاموور ترا ما فيه عظم وطعمه حلووو
الله يستر عليك دنى واخره
ابو مهند صعب صعب صعب
شكرا لك
ومعلوم ان التصريف يكون على طلوع اكثر من النزول
وهذا هو الفن في الاستفاده من الاسهم وليس الخروج منها عند اول محطه وبعده اكثر من تدبيله
جزاك الله خير
الحين س ط وش السهم الي خاش فيه؟
بعدين خابره من ٢٠٠٩ وهو برى السوق
وكان يقول ٢٠١١ ستكون العوده للاسهم
ياليت تفيدني يا بطل
وسؤال ثاني هل لا زال السعدان موجود في الاحساء
تروح وتجي بالسلامه يا بطل ،،،
مافيه صرخات حول الانماء
ابقول لك شيئ
الله يخلي للسوق مضارب بروووووووووووج الشهم وبس.
شكرا على صرخاتك القيمة.
سبحان الله ماتطلع اخبار القروبات الا وقت التصريف..
وين اخبارك يوم الغذائيه 23
وشمس 25
وغيرها الكثير
المفضلات