( م . ح . ن . ح ) يشيع بين الناس أن الهدف لسهم المصافي هو 120 ريال لكن الحقيقة المتفق عليها بينهم نسبة ثانية وبعدها قاب وبعدها كرعنة ليوم الكرعنة لذا وعليه واستناد لنظرية الكرعنة أحذر تسلم . طبعاً يمكن يتغير التكتيك مثل ما صار قبل يومين يوم ذكرت انهم راح يرفعون السهم للنسبة وكتبتها باللون الأخضر وطلعوني خراط مشمش ومهايطي وجمدو السهم ورجعو شالوه اليوم للنسبة راجعو الموضوع السابق . هين هين يالضبان وراكم وراكم وان قالها الله ما اخليكم تعلقون مخلوق يتابع اعمال الخليج
الشرقية الزراعية ومضاربها ( ن . ح ) قام يقلب دفاتر القديمة وضحاياه القدامى ويشحدهم محافظ وهذا يدل على أن الزحليقة قربت ووجبت وبيصير يحرج على عمره ينقل ويشيل بين المحافظ الغرقانة بالسهم ويشتغل تلبيس طواقي بين محافظ قروبه واخرتها أنواع المخالفات راحو فيها القصمان
اسمنت الجوف مازال جاري البحث عن المضارب والقروب اللي قاعد يجمع فيها . بتقولون طيب وش دراك أن فيها أحد يجمع وأنا واعوذ بالله من كلمة أنا راح اقولكم سالفة أبو عمر طبعاً مو حسين عبد الغني هذا أبو عمر سلمكم الله كلمة حريص وبخيل قليلة عليه واليوم كلمني وقال وش عندك قلت عندي مشيوير قريب وبعدها بتابع القنوات الرياضية واشوف ردة الفعل على انتقال سعد الرابح للزعيم طبعاً أبو عمر ذا ما لأم أهله علاقة بالكورة لكن يقولون كان فنان بالمقطار وعظام ساري بشبابه المهم جاني الأخ ونسيت أقولكم واحد من الشباب دايم مستلمه ويقول لي أنت ما قد شفت صورة الملك عبدالعزيز بالخمسميات اللي مع أبو عمر قلت مين قالك أصلاً اني قد شفت معه خمسمية قال تصدق أن الملك عبدالعزيز صورته بخمسميات أبو عمر متلطم من كثر ماهو حاشر الخمسمية وخايسة الحقيقة اللي يعرف أبو عمر ما يستغرب أي شي ينقال عنه ادري أنكم تقولون وش دخلنا بأبو عمر وخمسميته لكن هذا الشي مفيد للسهم ولقوة التوصية المهم جاني وقعدنا نسولف ونجيبها من شرقها للغربها ما دريت إلا المليح يسألني كيف الأسهم طبعاً قحصت من مكاني أبو عمر يسأل عن الأسهم وين بلمبرغ وسي ان بي سي عنه قلت وش السالفة قال أن أبو بندر جايبلي واحد ويقول انه يبي دراهم تكون عندي بحافظتي طبعاً يقصد بمحفظته لكن متأثر بالمراصيع ويقول أني اكلم بنكي واشتري وكل شي باسمي واني ابيع باقل من شهر بربح 30% وانه يقاسمني من الربح 30% لأن معاه مجموعة هم اللي بيدبرون السهم قلت والله زين يا اخي دلنا عليه قال مو الحين داري انها نجاسة ما يبيني استفيد لكن مشيتها له وقلت طيب وانت وش سويت قال شريت اليوم قلت طيب وش شريت قال شايفني خبل اقولك عشان اخرب على عمري لعن أبو النجاسة المهم ما اطول عليكم قولو كل هذا وما طولت المهم يمين ويسار كني قاعد احبل لجربوع وصلنا أنه اشترى اسمنت الجوف ويقول أنتبه لا يدري مخلوق قلت أفا يا أبوعمر أنت تعرفني السر عندي ما يطلع وأنا اقول بنفسي سادحك سادحك بالمنتدى
الشاهد من الموضوع أن أبو عمر حقنة واللي مدخله اسمنت الجوف يدري انه لو خسر أبو عمر راح يدخله أبو عمر السجن والشي الثاني أنه راح يربحه 30% يعني هدف معلن للسهم والمشكلة ماني خايف من أبوعمر يدخل الموضوع لأن أبو عمر للحين ينام والرادو البني جنب رأسه وكل المطات بالرادو تطنط مافيها شي مغير مزعج اللي حوله واصلاً يمكن ما يدري أن فيه شي أسمه نت لكن الخوف أن واحد من قروبهم مشخص معانا بالمنتدى الله يخارجنا منهم
|
 |
 |
|||
 |
 |
||||
رد مع اقتباس
المشاركة الأصلية كتبت بواسطة صرخة
.
المفضلات