يتسائل الكثير من المتداولين عن من هو مضارب السهم الفلاني والسهم الفلاني وليت من يعرفه وياليتني صديقه..الخ
اقول وبالله التوفيق:
بروج مجموعة من ملاك اسهم التأمين متحدين على رفع الشركة(قطة)لأرقام عالية ليتمكنوا من ايهام الآخرين أن الشركات المتبقية رخيصة وتوها في أول المشوار وبالتالي قد يقعون في مصيدة التعليقة..يقارن بين بروج وامانة مثلا ويقول والله الفرق !!أكيد بتروح تدبيلة على الأقل في بطنها ..ويطب وهو مغمض وبكامل السيولة..لكن لو بروج بنفس سعرها السابق كان ماتلقى اكثر شركات التأمين بهذه الأسعار خاصة الجديدة منها..وما يطب الواحد بكامل السيولة ويكون مضارب لحظي مايرقد وعنده سهم.
بالنسبة لمضاربي التأمين اللي تتردد اسماهم بين الناس ماهم إلا جلابين محافظ لناس لايظهرون في الصورة مطلقآ وعمولتهم في الغالب من 5_10 في المية من الربح المحقق وللمضارب الأساسي(الصدقي)10في المية وكل العمولات الزود للجلابين المشهور والمغمور.
بمعنى آخر اللي تظهر اسماهم عند الناس يتلقون التعليمات قليل من المرات وش بيصير في السهم وفي الغالب مايدري الا وقت الشدة أو السحبه بحكم المحافظ اللي جلبها(في الغالب يربحونه وبعد أخذ العمولة يحرقون محفظته ويشوفها قدامه تتآكل ويقولون له ماعليك.. اصبر.. تكتيك.. نم) الين ينفذ صبره ويغير اليوزر ويبيع وياكل خسارته لحاله بعد تآكل راس ماله..بإختصار تلبيس طواقي..ليه الهيئة تحذر والعقّال مايعطون محافظهم لأحد؟.!
ادري كلامي هذا بيجلط بعض المتنفعين وِالأذناب لكن هذي الحقيقة والله أعلم.
المفضلات