المشاركة الأصلية كتبت بواسطة Chart
ممكن حد يعطينا الزبده بنقاط لو تتكرمون
ابشر طال عمرك
طبعا موسى يتكلم ويقلب الحقائق
صار هو البريء ويا معزبه معمر وصارو هم أصل الشرف والكرامه والشعب الليبي
صار هو المجرم والحقير لانه يسانده الناتو وشالوهم من حكمهم اللي ظلمو فيه
الشعب الليبي طيلة 40 سنه عجاف
دليل كذبه وانه الشعب الليبي مايبيهم ماصدق على الله جاه اتصال من واحد أبقر الله
يكرمك والقراء وقد يكون الاتصال مرتب له الا قال لازال في الامر متسع وحنا نقدر
نقاوم الناتو لسنه كامله تعالو بعد اسبوع ونعطيكم سلاح وندربكم
بعدها قام يمدح في المهبول معمر وانه طرد الايطاليين وانه خلى مسؤول ايطالي
يقبل رأس بزر من احفاد معمر وقام يشق ويبق في مدح معمر لدرجة انك تضطر
تصلي على طرف ثوب معمر من مدح جاه وقالو لابو الحصين من شاهدك قال ذنبي
بعدها جاه اتصال من واحد:
موسى والمتصل نماكين لقو بعض المتصل عروبي ومسلم وحاس انه صار مهم لانه
يكلم مسؤول وموسى صاير خريج الازهر
بعدها صار يخطب ود السعوديه وانها مستهدفه وانها البلد الوحيد اللي الغرب
ماقدرو عليها وهو بذلك يرقع كلمة القذافي اللي قالها للملك بالاجتماع اللي بقطرعل
وعسى تستقبله السعوديه هو ومعزبه وعايلاتهم
وخاصة بعد مارفض سعود الفيصل استقبال وزير خارجيتهم مبعوث من القذافي قبل
كم يوم( عشان ترتيب سكن المستقبل ) هههههههه قدر الله على ملك ملوك افريقيا
انه يشوف حقيقته قبل مايموت الان الود وده بزنقه مو شقه وده بزنقه بالعماره
اللي فيها بن علي بس شغل الدجل والهرطقه جنت عليه
ولان موسى يكلم واحد متحمس للجهاد فصاير موسى كنه شيخ ويدعي محبة السعوديه وخوفه عليها وانها مستهدفه
قال ايش معلومات استخباريه
معلومات طبيعيه وكل بلد معرضه للاستهداف بس هو يقال له ناصح للسعوديه
شكله مقدم على قرض او منحه على الديوان
هههههههه هو يحلف والمتصل يستغفر هو يرفع والمتصل يكبس
بعدها اجتهد الشيخ موسى مسخ الله سره بالحش بتركيا اللي اشتغلت مع الشعب
المكلوم من البدايه الا مصر يشوه موقف تركيا خخخخ
ياليته عطانا نبذه عن نسب معزبه القذافي
والله ماضيع الامه الا امثال معزبه هالمتلون كل يومين طالع لنا بفلسفه من كتابه الاخضر
وصار يبيّن ان اهم شي يحافظون على الرمز هههههه كفوهم هالرمز الخبل وعياله
احفاد عمر المختار حالهم بليبيا يرثى له في بنغازي والان صاير يمجد بالاسره
خخخخخ جيت متأخر يادجال انت والفاطمي اليهودي معمر
ياحليله موسى صاير شحليله بعد ماطردوه من منصبه واتوقع معمر أحلى يوم
شالوه من الرياسه ينفع سواق لباص الرئاسه خاصة بطاقيته ذيك ام زري
لانزلها على عيونه يجيب البعيد
الله واكبر يامدح جا من موسى والمتصل في المهبول معمر
ماصار ذا مدح في معمر أحس انهم يوصفون صلاح الدين الايوبي
المفضلات