هل تم تعديل السرعات في شوارع الرياض !!

[نجل الرياض]

امس كنت في شارع العليا العام وصادني ساهر بسرعة 80 كم ، اين التعديل وهل هو في اماكن دون اخرى ؟

[ديك الجن]

والله علمنا علمك ..
ولكن حقين ساهر يهمهم انك ماتدري
عشان الحسابه بتحسب ..

حاول تطمس اللوحه وريح راسك ^_^

[طيب النية]

من خبثهم في الطرق السريعة

بعد اي تفتيش بثلاثة كم تقريبا
حيث لا يتوقع السائق وجود رادار يصيدوك بساهر

همهم السرقة لا تخفيف السرعة

[نجل الرياض]

تصدق عاد لوحه السياره شبه انطمست ملامحها من خط الشرقيه بس من زود الفهامه رحت اغيرها ، ما تحسفت الا امس

[نجل الرياض]

من خبثهم في الطرق السريعة

بعد اي تفتيش بثلاثة كم تقريبا
حيث لا يتوقع السائق وجود رادار يصيدوك بساهر

همهم السرقة لا تخفيف السرعة

خطط مدروسه وانا اخوك بعدين عندهم استراتيجية تغيير الاماكن ، يعني ماشي في امان الله وناسي ان الرياض فيه ساهر اصلا فجأه يطلع لك

[قوة الإرادة]

عنوان الموضوع: هل تم تعديل السرعات في شوارع الرياض؟

والمفروض يكون العنوان: هل إمتلأت جيوبهم لتعديل السرعات في شوراع الرياض؟

[مراقب البورصة]

اللي اعرفه وانا اخوك نهاية شارع العليا تقاطع التخصصي كانت السرعة 70 وتم زيادتها الى 80!

[niqa]

مخالفات مرورية تحجز 28 سعوديا في الإمارات ... تمثلت في السرعة الزائدة وطمس اللوحات
لاتعليق

http://www.al-marsd.com/news/view/23...%A7%D8%AA.html

[حبيب الملايين]

الحل ؟ وطن نفسك على عدم السرعه

[نجل الرياض]

اللي اعرفه وانا اخوك نهاية شارع العليا تقاطع التخصصي كانت السرعة 70 وتم زيادتها الى 80!

وصلت خير ، واتمنى تكون طبقت في جميع الشوارع المحددة سرعاتها مسبقاً

[نجل الرياض]

الحل ؟ وطن نفسك على عدم السرعه

حبيبنا

تعتبر 80 كم سرعه في شوارع الرياض الرئيسيه ؟

على فكره وانا اخوك اغلب الحوادث داخل المدينه قطع اشاره او اجانب تعلموا القياده في شوارعنا ، انا معك في حال تجاوز السرعه 120 كم بس

[أم عبدالله]

و الله تبون الصراحة خقت السرعة من السواقين المتهورين و ياليتهم مسوينها من زمان.

و الله من أرواح أنقذها نظام ساهر و أنتم ما تدرون و كل شيء بثمنه.

تخيل لو كان هذا الشخص اللي أنقذت روحه أخوك أو ابنك

و قد لاحظت أن سواقي الخاص صار يخفض السرعة و أكيد كثير من السواقين مثله

[ابو الخيرين]

و الله تبون الصراحة خقت السرعة من السواقين المتهورين و ياليتهم مسوينها من زمان.

و الله من أرواح أنقذها نظام ساهر و أنتم ما تدرون و كل شيء بثمنه.

تخيل لو كان هذا الشخص اللي أنقذت روحه أخوك أو ابنك

و قد لاحظت أن سواقي الخاص صار يخفض السرعة و أكيد كثير من السواقين مثله

" الإعلام نجح معك "