ما هو افضل وقت للسحب من الصراف الآلي .. وآمن مكان نسحب منه ..؟؟(يوجد صور)

[ابن بطوطة]

اليوم الخميس 9 - 6 - 1432هـ
--------------------------------
السلام عليكم
السحب من الصراف الآلي
نسمع عن قصص تهديد وسرقة بالقوة لفلان راح يسحب من الصراف الآلي ..الخ
فما هو افضل وقت للسحب .. وآمن مكان نسحب منه
انا اشوف أن السحب من صرافات محطات البنزين داخل المدنية آمن
بشرط ما تكون محطة كبيرة والصراف في مكان منزوي بعيد عن الانظار ..
وكذلك ماتكون المحطة على خط سريع لكي لاتكون صيدة للحرامية فممكن يستغلون الخط السريع لسهولة الهرب ..
ويكون السحب وقت النهار يسعد لي نهاركون..








--------------------
استغفر الله افري تايم

[الوكيل المساعد]

آمن مكان اللي وانت بالسيارة تضمن على الأقل ما أحد ايكشف رصيدك

[ابن بطوطة]

آمن مكان اللي وانت بالسيارة تضمن على الأقل ما أحد ايكشف رصيدك

سمعت ان فيه واحد يسحب من سيارته من محطة على الدائري الجنوبي بالرياض اللي بعد محطة النقل الجماعي مقابل حي خنشليلة
فجاه حرامي نازل من سيارة رفيقه ودخل بين السيارة والصراف وحط المسدس على راسه وطلب 5 الاف ريال

--------------------
استغفر الله افري تايم

[طيب النية]

هو فيه سرقات عند الصرافات ذا اليومين ولا وش السالفة

كنت واقف خارج احد الصرافات بالرياض عصر اليوم بانتظار نساء يخرجن وبعيد عنهن

لأتفاجأ بهن يصرخن ابعد

[ابن بطوطة]

واحد من ربعي .. راح يسحب من صراف في غرفة .. بعد الساعة 12 ليلا في جدة ..
دخل عليه واحد تكروني وحط السكين في جنبه وقال له 5 الاف يامطوع ..
فقال رفيقي بس 5 الاف .. بسيطة ..
المهم دخل البطاقة ودق الرقم السري خطأ ..
طلب 5 الاف .. طبعا الاله في هذه الحالة تطلب منك التأكد من الرقم السري يعني دخل الرقم الصحيح ..
كل مره يدخل رقم خطأ .. بعدين الصراف شفط البطاقة .. وقال رفيق للتكروني .. شف الصراف خربان سحب البطاقة وفي هذا الحال دخل واحد يبغى يصرف .. وسحب التكروني رجله وهرب ..

--------------------
استغفر الله افري تايم

[mohammed bin-saeed]

سمعت ان فيه واحد يسحب من سيارته من محطة على الدائري الجنوبي بالرياض اللي بعد محطة النقل الجماعي مقابل حي خنشليلة
فجاه حرامي نازل من سيارة رفيقه ودخل بين السيارة والصراف وحط المسدس على راسه وطلب 5 الاف ريال

--------------------
استغفر الله افري تايم

الموقع الي ذكرة صعب يصير فيه مثل هذاالشيئ. المكان على الدائري وخط الخدمه دايم زحمه و لكن كل شي جايز

[عبدالله عبدالرحمن السليمان]

هو فيه سرقات عند الصرافات ذا اليومين ولا وش السالفة

كنت واقف خارج احد الصرافات بالرياض عصر اليوم بانتظار نساء يخرجن وبعيد عنهن

لأتفاجأ بهن يصرخن ابعد

انتبه يابو مهند لا تسولف هالسالفة لام العيال علشان ما تفتح معك ملف تحقيق
وراك توقف ؟
وليش مارحت لصراف ثاني ؟
ولو انك بعيد ما قالوا لك ابعد
والله ما تخلص

[نجل الرياض]

الموقع الي ذكرة صعب يصير فيه مثل هذاالشيئ. المكان على الدائري وخط الخدمه دايم زحمه و لكن كل شي جايز

في المنطقه هذي توقع كل شي ، اتوقع الاخ يقصد محطة المناخ كم مره اشوف فيها كمين شرطة يعني فخ لتصيد بعض المشبوهين

[كاترينا]

عندي سفتي اذا رحت اسحب فلوس من الصراف السيار حطيت السفتي على التنده

[طيب النية]

انتبه يابو مهند لا تسولف هالسالفة لام العيال علشان ما تفتح معك ملف تحقيق
وراك توقف ؟
وليش مارحت لصراف ثاني ؟
ولو انك بعيد ما قالوا لك ابعد
والله ما تخلص

كانت معي ام العيال

الى ساعك يااباعبدالرحمن بي حرة اني ما رديت عليهن

ووالله اني كنت بعيد

اخذت الموضوع على انهن مريضات نفسيا

[alrajel]

اللهم لك الحمد والشكر احمد الله انى طفران واكبر مبلغ اصرفه مايتعدى الحاجه....
وبعدين حنا فى الرياض وليس شيكاغو ..........

[salmman]

السحب أثناء النهار وبعيدا عن ألأماكن المظلمه بالليل ..