المشاركة الأصلية كتبت بواسطة علي المفش
أنا ( وأعوذ بالله من كلمة أنا ) للتحليل الفني عندي حدود .. فيه موضوع ما جف حبره واصطدت القاع الاخير بيومه وأكدت إنه قاع وممكن الاستفادة منه بدون تحليل .. وسامحني لو قلت لك توصيتك تعتبر عندي طلاسم ساحر كاميروني .. إنت على العين والراس أما الشارت وفي وضع شركة مثل كيان وبتروح للـ 28 أعتبره طلاسم ساحر كاميروني .. ما فيه شي بعيد انه يصير ويمكن توصل سابك لألف لأي سبب من الاسباب لكنه سبب ما يسوى تفتح توصية عليه بدون علم ..
إرجع للأسهم الحرة لكيان وشوف قيمتها السوقية وأسهمها الحرة وما تحتاج من سيولة عشان توصل للـ 28 .. هذي عيب شرعي جداً جداً جداً وبيكون ميزة كبيرة في وضع اساسي مختلف عن الحين .. وإذا وصلت لسبب أساسي متعلق بالاسعار غيرها بيدبل مرات .. وأنا قريت موضوعك ولاحظت فيه تعزيز واستماتة من قبل معرفات تدعم نظرتك والاسلوب كان واضح ..
سؤالي لك ليه كيان ..؟ وليه هذا الهدف البعيد ..؟ هل هو تحليل فني بس ..؟ وهل ما في السوق أسهم أخرى تعطيك المؤشر نفسه .. كيف تحدد الوجهة وتأكد عليها وتفترض صحة وجهة نظرك وتعيب على اللي يعارضك وتعرض استشهاداتك على خطأ معارضينك وبس وما تتطرق لأن الخطأ ممكن يصدر منك ..
وبعدين تجيب لي حدث استثنائي قبل اربع سنوات وتستشهد عليه وتنسى البنشرة والتسعة مليار واللخبطة اللي بعدها ليه وإنت تستشهد بوصول كيان من الـ 12 إلى الـ 35 فهل ما ينطبق الكلام على سهم ثاني في السوق عشان توصي عليه .. عندك مثلاً لا الحصر تهامه والباحة والشركات كثيرة .. هذولي ما كانوا فوق الميتين ..؟ ليه ما توصي على وحده منهم وتقول سبق انها تعدت الميتين وفيها تدبيلة من الحين والتدبيلة هذي ماهي شي من هاي السهم ..
شخصياً ولا أتهمك بشي لكن المداخلات اللي في موضوعك مشبوهه جداً .. وأنتظر ردك لو حبيت .
تحياتي,,
اخوي علي انت تزعل عندما بقلل احد من وجهة نظرك وتقع بنفس الخطيه
وما لون باللون الاحمر اكبر دليل
انت تقول تحليلي طلامس ساحر كميروني
هذه الطلاسم واضحه جدا وما شيه على موجات الليوت
لكن اي علم هو طلاسم لمن لا يجيده وكلامك يدل على ذلك ومن لايجيد الشي يتوقف عن مناقشته وهو الاسلم
تتبع حركة السهم جيدا وشف احترامه لترنداته المشكله لمساراته ونسب فيبوناتشي
اما قولك لماذا اوصيت على كيان ولم اوصي على غيرها
فانا لم اوصي على كيان لوحدها ولي توصيات كثيره ناجحه ومحققه اهدافها
فمنها ماهو بموضوع خاص ومنها ماهو داخل موضوعي عن السوق
معادن اوصيت عليها وهي بسعر 12 وقلت تستهدف 24.50 واذكر ردو علي ناس مثل ردك وقالو الهدف بعيد والسهم ثقيل لا يمكن ان يصله وحتى قالو لا تورط الناس وهم الان يعضون اصابع الندم على تفريطهم بها حين ذاك لانهم لو تمسكو بها دبلو راس مالهم
والان معادن شوفة عينك حقق ما قلناه.
سهم كيان ومعادن وغيرها من الاسهم ذات راس المال الكبير هي التي تمشي مع التحليل الفني وتطبقه وتمشي معه مثل الساعه لانها لايتحكم بها مضارب واحد والكل تحت رحمته ومزاجه.
وهو سبب ابتعادي عن بعض الاسهم الخفيفه مثل التي ذكرت انت لان توصيتي ستكون تحت رحمة مضاربي هذه الاسهم.
في ردك بعض التشكيك بالنوايا وهذا استغربته منك
انا لا اعرفك ككاتب لكن من ثناء الاعضاء عليك استغرب من ان يصدر منك رد بهذا الاسلوب مع اني لم اقلل من مشاركتك وانما اوردت وجهة نظري كتحليل فني بعد ما قلت كرد على احد الاخوان جاب سيرة توصيتي وقلت نه مخطي وضلم غيره.
والا انا مبتعد من اول ومشاركاتي هنا قليله لهذه الاسباب لما اراه من تشاتم بين الاعضاء هنا وتسفيه للراي الاخر وردك هذا احد الامثله والاداره هنا تكيل بمكيالين والدليل ردك هذا باقي وردود الاخرين محذوفه.
وردك هذا والتقليل من ما بيناه من علم يعمل فيه بجميع الاسواق العالميه يجب على الاداره ان تعامله بمثل ما عاملت الذين ردو عليك بكلام جارح
فالخطاء واحد والحكم يجب ان يكون واحد والا الكيل بمكيالين
وفي ردك اعلاه قلت ان مداخلاتي بموضوعي مشبوهه
وهذا يدل على انك تقراء كل مداخلاتي بموضوعي وهو دليل ان السهم يشكل لك اهميه
لذلك كتبت موضوعك هذا مناقض له
فيحق لي ان اقول ان موضوعك ومداخلاتك واستماتتك بالتقليل من شأن كيان مشبوهه لان فيه اسهم كثيره لها مشاكل اكثر من كيان
وش معنى كيان بالذات
فانت تقول لماذا لم اوصي على غير كيان
وانا اقولك لماذا لم تكتب عن مشاكل الاسهم الاخرى.
تحياتي
رد مع اقتباس
الاخ علي المفش نرجو الاطلاع على تقرير شركة كيان
المفضلات