هل تستثمر المكرمة(راتب الشهرين) في سوق الاسهم.

**البارود** · 21-03-2011, Mon 2:58 PM

بالنسبة لي سوف استثمر المكرمة باذن الله في سوق الاسهم والمقررة لنا خلال الاسبوع القادم .

**Ranger** · 21-03-2011, Mon 3:04 PM

نعم..الا اذا رفعوا السوق, فاانا اولى بها منهم

**البلبل الجريح** · 21-03-2011, Mon 3:10 PM

غلطان

هذا راتب انت اولى به

كفايه اللي اخذوها من العالم

اسال نفسك

هل انت الان ربحان من وقت دخولك للسوق ام ما زلت تعوض

فان كانت الاولى فدخل ام الثانيه فاتعظ

**amalgulf** · 21-03-2011, Mon 3:23 PM

اعوذ بالله
لو حطيت قرش واح يصير حالي حال هاللي في هالرابط
http://www.youtube.com/watch?v=MhhcL...eature=related

**POWER HORSE** · 21-03-2011, Mon 3:24 PM

ما ادري ليش عندي احساس ان اللي يستخدم كلمة مكرمة احس ان شحاذ متسول

**البارود** · 21-03-2011, Mon 3:32 PM

المشاركة الأصلية كتبت بواسطة power Horse

ما ادري ليش عندي احساس ان اللي يستخدم كلمة مكرمة احس ان شحاذ متسول

مت بغيضك يا مسكين ؟

**Stockbroker** · 21-03-2011, Mon 3:37 PM

خلني ارجع اللي راح علشان افكر استثمر هـــــا الراتبين

**كاترينا** · 21-03-2011, Mon 4:03 PM

الا طال عمرك هالراتبين بخلي الصغير والكبير يفرح بها

شي ببلاش ربحه بين

ازرع بها بسمه للشياب والعجايز والجيران والاطفال

عايشين من دونها ولله الحمد وزيادة الخير خيرين

بس السوق معصي يروح له قرش واحد

**أبو القمرين** · 21-03-2011, Mon 4:50 PM

بأستثمرها بإذن الله في الأجهزة الكهربائية وأخرج من الأرباح سنويا إثنين في المية صدقة على روح أبو متعب حفظه الله والله يرزقنا وإياكم من واسع فضله .

**الحوت الأزرق** · 21-03-2011, Mon 4:55 PM

بدور لي بها حديد.......... وذبيحه للثلاجه باذن الله

**abu3omr** · 21-03-2011, Mon 8:32 PM

عندي لستة طويلة من الاحتياجات الخاصة والعائلية .. نبي نخلصها إن شاء الله ..

أما اللي ما يبي يتهنا بالراتبين يرميها بالسوق بس لا يجي بعد كم يوم يقول أخذوا مني الراتبين هالحرامية

**السكبه** · 22-03-2011, Tue 11:50 AM

مع الاعتذار
اللي يقراء لكم يحسب هالراتبين مليونين(2000.000)،

اقول اصرف هالرتبين على عيالكم ابرك لكم

**متذبذب** · 22-03-2011, Tue 11:56 AM

اللي ما عنده التزام و لا حاجة للراتبين
اعتقد ان افضل استثمار لها هو سوق الاسهم
و بعد 5 سنوات اتوقع تصير 12 راتب

**مخضرم** · 22-03-2011, Tue 1:00 PM

معليش ما انهبلت .......يكفي ما كدينا على السوق

**أبو البراء ل** · 22-03-2011, Tue 1:40 PM

سمعت أن صرفها سيكون مع الشهر القادم وليس الشهر الحالي .

**البارود** · 22-03-2011, Tue 4:24 PM

المشاركة الأصلية كتبت بواسطة أبو البراء ل

سمعت أن صرفها سيكون مع الشهر القادم وليس الشهر الحالي .

صرفها خلال ثلاثة اسابيع بعد ان اقرها خادم الحرمين الله يحفظة من كل مكروة.

**ابو سلطان وسطام** · 22-03-2011, Tue 6:32 PM

نعم سوف افعل ذلك

**ABOTAREG** · 22-03-2011, Tue 10:28 PM

لا يكون كل همنا وتفكيرنا سوق الاسهم وبس...كنا مرتاحين من قبله ...
فكر في اشياء اخرى !
مثال/ سو لك مزرعة دجاج ...اكل لحم وبيض وبع منها واستثمر ..وبعد خمس سنين شف وش يصير عندك من خير ....

ولا تحط البيض كله في سله واحده ...قالوها قبل .

وهنا تفيد نفسك وبلدك وتنتج شي مفيد للوطن وافراد وطنك ..اما الاسهم تداول خلف الشاشه . وحرق اعصاب وضياع الوقت والجهد والمال .

هذي مشاركتي مع التحيه ....وعذرا للاطاله .

**khalid alhazmiy** · 23-03-2011, Wed 12:26 AM

لو جت وزين في بحر ال6 ريال والله اني مصمم عليها

**khalid-wy** · 23-03-2011, Wed 12:51 AM

ياجماعه ، أنتم تتكلمون عن راتب شهرين والا سنتين !!!

**نجل الرياض** · 23-03-2011, Wed 5:19 AM

ليش لا ؟

خصوصا انك قلت استثمار ، شوف لك احدى الشركات التي قلصت خسائرها ويكون سعرها في متناول اليد وحط فيها الفين سهم واتركهم

**حمود محمد** · 23-03-2011, Wed 10:32 AM

معصي ريال واحد يدخل السوق

الا بتنغنغ واشتري لي ولعيالي وبسافر بالباقي

الواحد بيعيش مرة وحده وهالسوق مامن وراه الا الفلس

تحياتي

**عملي الخليج** · 24-03-2011, Thu 2:46 PM

الي بيدخل فلوس يحتاج لها في السوق غلطان
ابنائه واهله اولى بها ومن وجهة نظري انه بهذا الفعل
يصبح عاطفي ومدمن والنتيجه بهذه الحاله الفشل الذريع
بكل تأكيد ,,,

**abu_ali** · 25-03-2011, Fri 7:31 PM

المشاركة الأصلية كتبت بواسطة البارود

بالنسبة لي سوف استثمر المكرمة باذن الله في سوق الاسهم والمقررة لنا خلال الاسبوع القادم .

نصيحتي ... متع نفسك وعيالك فيها ابرك من حرقها بالسوق.

**البارود** · 25-03-2011, Fri 8:53 PM

ان شاء الله تبدل في اسمنت الجوف والرزق على الله

**smart saeed** · 26-03-2011, Sat 7:29 AM

سوق الأسهم قد يكون فقد الثقه من أغلب المستثمرين بسبب ماحدث من هبوط غير متوقع ولكن المستثمر الجيد يعي تماما بأنه عندما يستثمر فإنه ينظر الى التوزيعات السنويه فقط ولن يدخل اي سهم الا بعد دراسة شامله للسهم وتقييم كامل من حيث الادارة والدخل والتوقع والنمو كلها عوامل تجعل الدخول كمستثمر فقط وليس مضارب لذا انا عندا ادخل فإنني ادخل كمستثمر فقط على مدى 5 سنوات فأكثر الا اذا احتجت مبلغ فإنني مضطر للبيع وشكرا

الموضوع: هل تستثمر المكرمة(راتب الشهرين) في سوق الاسهم.

أدوات الموضوع

بحث في الموضوع

تقييم هذا الموضوع

هل تستثمر المكرمة(راتب الشهرين) في سوق الاسهم.

المفضلات

المفضلات

ضوابط المشاركة