تدري وش اللي يجرح القلب جرحين
ويمد حـبل الحزن فيك ويشدّه
انك تناظر طفل من غير أبوين
يمشي ودمعه سايلٍ فوق خــدّه
منظر صعيب ويقسم القلب قسمين
لا قـام يمسح دمعه بكف يــدّه
يمشي ولا يدري طريقه على ويــن
لين التعب من كثر ما تاه هـدّه
اثقل حروف يشيلها فيه حرفين
لا اب يدري به ولا ام تــردّه
في خطوته رحله ودمعه وسكـين
وحـظ تـوسد بالمـراسي مـخـدّه
جيت اساله بالله قللي ولـد مـيــن؟؟؟
وبغـى يجـاوب.. واختنق صوت ردّه
أنا يتيم وما لـدربـي عنـاويـن
وجـزر الحزن فيني يسـاوي لـمدّه
وطعم الطفولة ما عـرفته لها لحين
وثـوب السـعادة صـرت ما نيب قـدّه
ابكي إلـى من شفت غيري سعيـديـن
ليـن البكـا فيني يـوصـل لحـدّه
واقفى ورحت امسح دموعي من العين
وعيني تناظر دمعته فـوق خـدّه
وهـذا اللي يجرح القلب جـرحين
ويمدّ حبــل الحـزن غصب ويشدّه
..
نشيد جميل بصوت الأخ موسى العميرة ( أبو علي )
..
..
|
 |
 |
|||
 |
 |
||||
رد مع اقتباس
المشاركة الأصلية كتبت بواسطة وسم
المفضلات