(( سـيـسـكـو بــ 10,30.. مـمـكـن تـحـلــيـل فـني لـو سـمـحــتـوا ..؟ ))

[علي المفش]

السوق أستقر نسبياً والسهم سعره رخيص جداً وقوته في الامتياز وأفكر أشتري كميه وأقفل عليه تحت البلاطه .. ما أدري عن تحليله الفني .. بس لو استقر السوق مثل الحين وواصل ممكن هدفه
بعيد .. يا ليت تحللونه على المدى البعيد الله لا يهينكم .. واذا فيه هدف سلبي ما عليه نآخذ معه .. بس ودنا ندري أيش احنا عليه لأني ما راقبته كثير الفترة اللي راحت .

تحياتي لكم ومشكور مقدماً ,,

[الطنايا]

هلا اخوي لك وحشة لي زمان عنك ,,,

رايك بالسوق اليوم هل تتوقع له الانخفاض ام الارتفاع وخاصة بعد تصريح التصريف قبل تداول يوم السبت الماضي بربع ساعة !!

[العالم الثالث]

اخ علي مساء الخير

حبيت استشيرك بسهم مدينة المعرفه طالع علي بـ 10.30
وش رايك تنصحني اتمسك فيه او استبدله بـ عذيب ؟

[عادل الوافي]

والله يأخي في كل محافظي عندي منه ووالله أنها جتني توصية عليه دون العشرة وأوصاني أمسكه بقوة وزدت كميتي هذا اليوم...... فقط نصيحه ماليه وليست فنيه ..!

[علي المفش]

هلا اخوي " الطنايا " .. السوق اساسياً ممتاز والتصريح ما جاب جديد .. لكن مشكلة التصريح انه ركز على الجانب الاساسي وهذا ماهو هو السبب اللي نزل السوق ولكن
الاحداث السياسية في المنطقة .. السوق مدري عنه الحقيقة وتوقعت تدخل صناديق الدولة وذكرت هذا في موضوع سابق بس ما توقعت الارتداد بهذا الشكل ..

أخوي " العالم الثالث " .. ما اعرف أسهمك ولا عمري دخلت على ميزانية الشركتين .

تحياتي لكم,,

[علي المفش]

والله يأخي في كل محافظي عندي منه ووالله أنها جتني توصية عليه دون العشرة وأوصاني أمسكه بقوة وزدت كميتي هذا اليوم...... فقط نصيحه ماليه وليست فنيه ..!

بحق توصياتي القديمة عليك .. الشخص اللي وصاك فاهم وله علاقاته ونجاحاته والا من قوم قالوا وراحوا وعودوا .. السهم هو من الاسهم المرغوبة خارج القطاع
البتروكيماوي والقيادي والشغل عليه مستمر .. كثير ما تلاقيه في قائمة الـ 15 شركة الأولى من ناحية التداول .. اليوم مركزه 13 .. وعند اكتتابه ..!

تحياتي,,

[سهران]

سيسكو وغيره راح ترتفع بعد ما يرجع الاستقرار الى الخليج ان شاءالله ..

http://www.aleqt.com/2011/03/07/article_511951.html

هذا تصريح الراجحي اليوم

أكد سليمان الراجحي رجل الأعمال السعودي أن ما يحدث في سوق الأسهم السعودية من تسرع في البيع خطأ من قبل المستثمرين.

وقال في حديثه لـ"الاقتصادية": إن السوق عائدة للعرض والطلب رغم تسرع البعض في البيع مع أي حدث ربما لا يؤثر بأي شكل من الأشكال في السوق، مشيرا إلى أن السوق ستعود إلى ما كانت عليه، ولا يوجد خطر، وجميعها شركات قوية وقائمة ومبنية على أسس، وموقفنا الاقتصادي قوي ومتين، وستعود السوق لسابق عهدها، وهناك فرص واضحة في السوق.

[على بركة الله]

السوق أستقر نسبياً والسهم سعره رخيص جداً وقوته في الامتياز وأفكر أشتري كميه وأقفل عليه تحت البلاطه .. ما أدري عن تحليله الفني .. بس لو استقر السوق مثل الحين وواصل ممكن هدفه
بعيد .. يا ليت تحللونه على المدى البعيد الله لا يهينكم .. واذا فيه هدف سلبي ما عليه نآخذ معه .. بس ودنا ندري أيش احنا عليه لأني ما راقبته كثير الفترة اللي راحت .

تحياتي لكم ومشكور مقدماً ,,

هلا وغلا اخوي علي



سيسكو وملاك سيسكو لقو الخير باذن الله طالما انت احد المستثمرين بها والملاك الفتره القادمه.. وسوف اتشرف بالمرافقه معكم,, والتوفيق بيد الرحمن

والله اعلم

[علي المفش]

10,70 .. يا اخوان هدوا هدوا شوي .. ترى والله خلفيتي عن السهم ما هي كبيرة
مره .. ولا عندي معلومة .. هدوا شوي ورفقاً بالقوارير

[علي المفش]

هلا وغلا اخوي علي




سيسكو وملاك سيسكو لقو الخير باذن الله طالما انت احد المستثمرين بها والملاك الفتره القادمه.. وسوف اتشرف بالمرافقه معكم,, والتوفيق بيد الرحمن


والله اعلم

أمون عليك .. ووالله اني اتفاءل فيك يا الحبيب .. اركب في القطار درجه أولى ولا
تشتري تذاكر العائلة الكريمة دفعة وحدة .. اركب وتحت البلاطة .

الله يوفقك ,,

[اللاما]

10,70 .. يا اخوان هدوا هدوا شوي .. ترى والله خلفيتي عن السهم ما هي كبيرة
مره .. ولا عندي معلومة .. هدوا شوي ورفقاً بالقوارير

ما شاء الله تبارك الله عليك يا أخ علي توصياتك في الصميم
تكفى ما ودك تاخذ 10 أسهم في الجماعي خله يتحرك

[على بركة الله]

أمون عليك .. ووالله اني اتفاءل فيك يا الحبيب .. اركب في القطار درجه أولى ولا
تشتري تذاكر العائلة الكريمة دفعة وحدة .. اركب وتحت البلاطة .

الله يوفقك ,,
[/CENTER]

انت تامر امر اخوي علي



ابشر

[عادل الوافي]

أخي علي .......... اللي وصاني يعرف في الأمور الفنية وبعض الأحيان يجيب العلم .......!

[لمّاح]

أخ علي

أنت سألتَ عن السهم فارتفع 30 هللة ,,

كيف لو وصيت عليه ؟؟

ماشاء الله ,, جعل الله لك قبول عند الناس بسبب أمانتك وعلمك ,

..

اخ علي ..

يوم الأربعاء الماضي كنت اطالع في شارت سيسكو , وجدت أن السهم تشكل عليه عدة نماذج سلبية 3 منها راس وكتفين والرابع كوب وعروة مقلوبة ,,وكلها حققت أهدافها ووصل السهم لدعم قوي وهو الترند الصاعد التاريخي , ففكرت انزل موضوع عن احتمالية انتهاء النزول بسبب انتهاء تصحيح سيسكو فقد تعطيك شركة صغيرة علامة على انتهاء نزول لسوق كبير ,

هذا هو الشارت :

..

...

[BMW]

بكل شفافيه انا من الناس اللي دخلوا في السهم

ثقة في استاذنا علي

انا من عشاق سيسكو بس عيال زينل يكرهوني في السهم مااثق فيهم نهائيا

وبالتوفيق للجميع

[علي المفش]

أخي علي .......... اللي وصاني يعرف في الأمور الفنية وبعض الأحيان يجيب العلم .......!

شوف يا طويل العمر .. وقبل يا طويل العمر واللي أطلبه منك خلنا نرتكز على اساسيات تفاؤلنا بالشركة:

1ــ عندها امتياز من الدولة وسهمها عند اكتتابه .

2 ــ القرض الكبير ما يُعطى عبث وإنما بضمانات وذكر هذا الكلام أخونا حبر سري وله توصية قديمة على
السهم وتقرير معتبر وخلينا بعد اذنه نحذف نص العائد حق دراسته والسهم الآن قوي بسعره الحالي .

3 ــ تداوله عالي ماهو تداول أفراد .. والصناديق خباث وما يزرعون في صباخ .. شوف مثلاً تداول بعض
الشركات غير القيادية والبتروكيماوية وقارن .

4 ــ ممكن مع الوقت الشركة تحصل على امتيازات أخرى لو نجحت .

وشوف يا طويل العمر .. أي شي تعرفه قوله هنا والكلام للجميع للإستفادة والموضوع موضوعكم والله
يكتب تفاؤلنا واقع وربك كريم .

تحياتي,,

[علي المفش]

أخ علي




أنت سألتَ عن السهم فارتفع 30 هللة ,,

كيف لو وصيت عليه ؟؟

ماشاء الله ,, جعل الله لك قبول عند الناس بسبب أمانتك وعلمك ,



...

الثلاثين هلله اعتبرها زيتونه وحده في سفرة عشاء لبنانية فاخرة .. ونسيت أجيب عامل آخر مشجع .. إن السهم ممكن يكون دفاعي وتأثره بالأزمات الاقتصادية أقل من غيره بحكم التطور اللي في معدات بوابة البحر الأحمر والسيء تأخر انتظام العمليات ومهما تأخرت الوقت معنا فإن أي يوم يروح احنا نصير أقرب أكثر .. وإن شاء الله تزين الأمور والسعر أُستهلك خلاص .. ومع إي هزة جاية لا قدر الله اجمع .. ولو طاح وصار بريلات سوقك كله عليه السلام والله أعلم .. سوي القائمة حقت مباشر عندك على الكميات وشوف الشركة الآن تجي في المركز السادس .. هذا عامل مؤثر وقوي عند القاع لأولي الألباب .

تحياتي لك ,,

[علي المفش]

ما شاء الله تبارك الله عليك يا أخ علي توصياتك في الصميم
تكفى ما ودك تاخذ 10 أسهم في الجماعي خله يتحرك

ترى جيزي جيزكم وادخل في السوق واتخوبر أحياناً وهذا طبيعي .. لكن والله ما أوصي إلا على الزين واللي يشرف .. ولخبطوني
الشباب .. مدري من اللي شرى من شوي .. هل هو صندوق والا جماعة اعمال الخليج درعموا ههههه .

تحياتي,,

[فهيدان]

انا اذكر لها كنداسة
معليش مجرد مزحة!!!!!

[اللاما]

ترى جيزي جيزكم وادخل في السوق واتخوبر أحياناً وهذا طبيعي .. لكن والله ما أوصي إلا على الزين واللي يشرف .. ولخبطوني
الشباب .. مدري من اللي شرى من شوي .. هل هو صندوق والا جماعة اعمال الخليج درعموا ههههه .

تحياتي,,

لا حنا اللي شرينا يا طويل العمر
وننتظر المشويات إن شاء الله
جزاك الله خير يالغالي

[اللحيدان]

طيب العثيم وشرايك فيه مايستاهل الطبه

[علي المفش]

سيسكو وغيره راح ترتفع بعد ما يرجع الاستقرار الى الخليج ان شاءالله ..

http://www.aleqt.com/2011/03/07/article_511951.html

هذا تصريح الراجحي اليوم

أكد سليمان الراجحي رجل الأعمال السعودي أن ما يحدث في سوق الأسهم السعودية من تسرع في البيع خطأ من قبل المستثمرين.

وقال في حديثه لـ"الاقتصادية": إن السوق عائدة للعرض والطلب رغم تسرع البعض في البيع مع أي حدث ربما لا يؤثر بأي شكل من الأشكال في السوق، مشيرا إلى أن السوق ستعود إلى ما كانت عليه، ولا يوجد خطر، وجميعها شركات قوية وقائمة ومبنية على أسس، وموقفنا الاقتصادي قوي ومتين، وستعود السوق لسابق عهدها، وهناك فرص واضحة في السوق.

أشكرك .. وأتفق معك 100% .. لكن في أول اشارات الاستقرار ادخل في الاسهم المخصومة مخاطرتها .. ورأيي الشخصي سيسكو مستهلكه
وخالصه .. ممكن تجيب قاع ثاني بس من وجهة نظري إن الطمع في الشراء مثله مثل الطمع في البيع .

تحياتي,,

[NOMERCY]

دخلنا معاكم ونتمنى من الله التوفيق للجميع
الاخ علي ممكن نعرف هدفك في السهم كم

[علي المفش]

بكل شفافيه انا من الناس اللي دخلوا في السهم

ثقة في استاذنا علي

انا من عشاق سيسكو بس عيال زينل يكرهوني في السهم مااثق فيهم نهائيا

وبالتوفيق للجميع

لا تخلط وانا اخوك .. السهم للآن مخصصات وخرابيط .. إذا كنت مفترض نصب لسا بدري عليه .. إنت في قاع
تقريباً والله أعلم .. لا تعطي اللي ما تثق فيه رقبتك فوق وما عليك الا العافية ان شاء الله .

تحياتي لك

[علي المفش]

انا اذكر لها كنداسة
معليش مجرد مزحة!!!!!

أنا أذكر شايب الله يذكره بالخير يسمي سافكو ( الله يكرم
الجميع ) أم الدمن وما ضرها شي

[NOMERCY]

الله واعلم ضايقنا المضارب كل ماسحبنا حط عروض جديدة
بتخلص القروش وانا اسحب من العرض
اخوي علي ماودك تسحب معنا شوي

[علي المفش]

طيب العثيم وشرايك فيه مايستاهل الطبه

هلا أخوي " اللحيدان " .. العثيم ما أعرفه .. وإذا بتستمر في شركة تجزئة مهم جداً تتعرف عليها من منافذ البيع .. دخلت مره على فرع الدرعيه حقهم ولقيت حليب في ثلاجاتهم له يومين وتبريده لك عليه والبضايع مرصوصة كنك في مخزن قصر أفراح .. يعني ممكن لو نسيته في السياره شوي لخبط المعده .. هذا مؤشر سيء للشركة وترى ما اعرفها لكن مهم هالجانب استثمارياً إذا الشركة مالياً مالها جوانب أخرى مشجعة وداعمة .. الشركات اللي مثل هذي تكبر وتكبر وتبنشر إذا هذي طريقة إدارتها .

تحياتي ,,

[علي المفش]

الله واعلم ضايقنا المضارب كل ماسحبنا حط عروض جديدة
بتخلص القروش وانا اسحب من العرض
اخوي علي ماودك تسحب معنا شوي

سحبت بما فيه الكفاية وصرفت والهامور الحين يصرف عليكم وبآخذ نصيبي هههههههه .. والهدف بالنسبة لي وبإذن اللي ما تنام عينه 50% في ظرف أربعة شهور وحواليها إن الله سلم .. وان جابوها في شهر الله يعطيهم العافية ويسلمهم .. وإن نزلوها بنسحب من العرض على قولتك .. السهم بالتأكيد السوق فيه أحسن منه لكنه واضح وما فيه ربح مجزي بدون صبر وانضباط .. الربح الكبير يبي له استعداد نفسي وتوازن عند الشاشة والثقة في الفرصة .. عشان كذا أدعم الموضوع بشواهد عشان ما يصير ارتباطكم في السهم هش .. وأنا من الآن ان شاء الله أبشتغل شغل شايب مع السهم .

تحياتي لك ..

[NOMERCY]

يارجال حنا معك لو تقول الجماعي
ثقة بالله ثم فيك
انت حبيبي من توصية بتروكيم
وان لاقدر الله حصل شي خارج الحسبان
مسامح دنيا واخرة

[علي المفش]

الله يسلمك .. ومدامك حبيب خذ هالتطبيله المنتازة : الـ 50% مبدئيه ومسألة أشهر بسيطة إن شاء الله .. والظروف غير الطبيعية مثل ما تفضلت خارج
الحسابات .. وممكن تزيد بس ما نأمن الظروف وشوف بتروكيم الآن .. نمشي بالمعقول ونشوف الظروف كيف بتتشكل .