يارجال بحكم تعاملك مع الاتصالات فقط تقول كذا ,,
ترى ما العن من الاتصالات الا موبايلي
بالعكس موبايلي ادهى وامر ,,
...
مره كنت مسافر داخل المملكه وكان عندي شريحة موبايلي فاتوره
كلمتهم وطلبت منهم تفعيل باقة انترنت ,, على شان استخدم الانتر نت اثناء سفري
قال لي اوكيه ,,
بعد 24 ساعه تفاجئت ان جوالي صار مفصول !
طلعت خدمة الانترنت ماتفعلت ,, !
والميقا بايت الواحد بـ ريالين ونص ( اغلى من برميل البترول )
رفعت اعتراض وتم رفضه بحجة انه ماوصلتني رسالة تفعيل ؟
...
..
قصه صارت لي الاسبوع الماضي
عندي شريحة اصدروها لي مع الايفون ,, 99 ريال شهريا ,, جالسه تحسب على ظهري
لاني فعلت خدمة البلاك بيري قبل سنه تقريبا واستخدمتها شهر وانفصلت الشريحه ( موبايلي )
لاني ماسددت ,, وانا ما استخدم الرقم فتركته
تخيل طول الفتره هذي يحسب علي !!
9 شهور الجوال مفصول والخدمه تحسب !! مو معقوله
لا انت اعطيتني الخدمه ولا انت فكيتني من رسومها
وربي شركه قمه في الحقاره
..
.
اليوم صار لي هالموقف
عندي اليوم اختبار مهم جدا ,,
شابك الانترنت من خلال كونيكت ,, فجئه جاتني رساله الاشتراك خلص
وباقي على الاختبار 3 ساعات والانترنت ضروري للمراجعه
عندي بعض بطاقات الششحن بقيمه اجماليه 200 ريال
لما جيت افتح البطاقه بعض الارقام راحت بالغلط ,,
اتصلت على خدمة العملاء وضليت اكثر من 40 دقيقه ويتنق !
والله العظيم اني رحت من بيتي الين فرعهم وفرجته على مدة الاتصال ( الجوال طول المده ماسك ومافصل )
وحاطين اغنيتهم الله يغثهم ,,
لما فعل لي البطاقه قال لي بكل بروده / ساعتين وينشط الرصيد !!!!!
وعلى فكره رصيدك ما انتهى باقي فيه 250 ميقا بايت ؟؟؟
قلت طيب الرساله الي جاتني ؟ قال يمكن بالغلط
يعني ضيعو وقتي ووقت الاختبار راح ,,
شركه والله اقل ما اقول عنها حقيره
على الاقل يسرقني ابن البلد ولا يسرقني مستثمر اجنبي ,,
عموما من الاسبوع القادم راح احول خطوطي كلها الى زين
على الاقل ادعم استثماري في السهم
رد مع اقتباس
المشاركة الأصلية كتبت بواسطة robinhod
المفضلات