يا اخوان احد منكم استدعته هيئة سوق المال للاستجواب ؟

[مضارب ذهبي]

وهل تتوقعون ان سلوك الهيئة مع المضاربين من ناحية الاتصال بهم واستدعائهم


للاستجواب له دور في اختفاء المضاربات اللي تعتبر ملح السوق وتبث الحياة في


جميع الاسواق المالية


ارجو من له تجربة معهم يفيدنا وله الشكر

[كاترينا]

والله وانا اخوك ماظن

بس البلا السوق مافيه سيوله

لو كنت تملك ملايين مستحيل تغامر بالمضاربه على سهم

المؤشرات الشهريه سلبيه وحنا الان بآخر الشهر لاتستغرب تشوف عجايب هاليومين
مجرد ترفعه شويات رشوك الصغار والكبار وانت اللي بتخسر

[لهلوب]

تستدعي مفلسين !!!!!!!!!!!!!!!

[عمله صعبه]

نعم تم إستدعاء أكثر من شخص أعرفهم
وكذلك تم تعليق التداول بمحافظ بعض المضاربين حتى يصدر بحقهم إثبات التهم أو القرائن بممارسات مخالفة لنظام ولوائح السوق المالية .
وهناك أشخاص مضاربين ومتداولين وحتى مستثمرين تم الإعلان عنهم وفرض غرامة مالية وكذلك منعهم من التداول في السوق المحلية لمدة 3 سنوات

[خبره]

التصنيف 3 فئات
الاولى : ماتقدر عليهم لاهيئة سوق مال ولا غيرها ولا يهتمون او يفكرون فيها
الثانية : المضاربين الكبار وهذولا تحت المجهر واي حركة ايقاف وعقوبات وبعضهم صار يبحث عن تغطية من المجموعة الاولى
الثالثة: حنا المطحونين بهال السوق مكسب 10% وخسارة 90% وشتبي فينا هيئة سوق المال تستدعينا

جيدين على اللي يقدرون عليهم

[hotmail]

ابد يرسلون لك طلب عن طريق العمده وهو يبلغك عن طريق مندوبه بعد مايدور لك فى الحاره سبوعين ثلاثه

[مواطن]

لايوجد سوق في العالم بدون مضاربه
وألا فسيتوقف السوق عن الحركة

[لهلوب]

مضارب المتقدمة اضر بالمساهمين من حيث سعر السهم

[ضيف الغفلة]

الهيئة مشغلة نفسها بالماضي و تبحث عن الصفقات المشبوهة و جمع الأموال و تاركه السوق يدرعم ولكن القضايا المرفوعة من المتدولين على تجاوز البنوك لم تبت فيها ويكفي أن قضيتي مع الراجحي لها ثلاث سنوات محجوزة للحكم و رفض محامي الراجحي للحكم و لازلت أنتظر الأتصال كما زعموا للحكم النهائي بعد رفض الصلح مع الراجحي

[ابن شيبان]

اتذكر مره استدعوني ولمن وصلت لهم قالوا:

تراك موقف سيارتك ورى سيارة التويجري الله لايهينك لتعودها ولا بنغرمك!

وش يبون منا يستدعونا ......

[عقاري]

.

نظام صياد وما ادراك ما نظام صياد

فهو السبب الرئيسي في شل حركة السوق


.

[مضارب ذهبي]

طيب واللي نشبوله وشلون يتخلص منهم

[السيسبان]

انا والله ما استدعوني بس

استدرجوني

في سوق الي يدخل ما يطلع الا مدبوغ دبغ

الييييييييييين يذن

[مضارب ذهبي]

يا اخوان محد يقدر يفيدنا

اللي له تجربة الله يوفقه لا يبخل علينا

[السهم الماسي]

هم لا يستدعون أحدا وليس ذلك من صلاحياتهم ..

هم يقومون بالاتصال عن طريق مكالمة جماعية يحضرها مدير مراقبة السوق والموظف الذي اكتشف المخالفة اذا كانت هناك مخالفة ..

[مضارب ذهبي]

صدقت اولها اتصال

وبعدها استدعاء من قسم المتابعة

والمشكلة في قسم المتابعة

[انامين]

صدقت اولها اتصال

وبعدها استدعاء من قسم المتابعة

والمشكلة في قسم المتابعة

سؤال لو سمحت :

هل تقوم بعملية عرض لسهم معين ؟

وفي نفس الوقت تطلب نفس السهم بسعر اقل ؟

[مضارب ذهبي]

هي المشكلة يخوي في عملية رفع

السهم2% او 5% مثلا لما تكون العروض خفيفة

عليه وسهل رفعه ثم البيع مباشرة

يقولون هذا تضليل للمتداولين وخلق سعر

غير حقيقي

[مضارب الشاشة]

نعم اخي تم استدعاي قبل خمسة شهور وغرموني ايضا اكثر من 300الف ريال وكان السبب مثل ما قال اخي انامين والله على الضالم ...... هل تم الاتصال بك اخي..

[مضارب ذهبي]

نعم تم الاتصال بي

[khalid-wy]

سؤال لو سمحت :

هل تقوم بعملية عرض لسهم معين ؟

وفي نفس الوقت تطلب نفس السهم بسعر اقل ؟

أخوى انامين ، وش المشكله بمثل ها العمليه ،،
أحيانآ ، أقوم بمثل هذا العمل ، مثال أعرض 10الأف سهم بجبل عمر ( مثلآ )على 18.30 وأقوم بنفس الوقت بطلب 10الأف بسعر 18.10 ،،
هل هذه الطريقه فيها مخالفه !!!

[انامين]

أخوى انامين ، وش المشكله بمثل ها العمليه ،،
أحيانآ ، أقوم بمثل هذا العمل ، مثال أعرض 10الأف سهم بجبل عمر ( مثلآ )على 18.30 وأقوم بنفس الوقت بطلب 10الأف بسعر 18.10 ،،
هل هذه الطريقه فيها مخالفه !!!

اخوي خالد

نعم هذه الطريقة تعتبر مخالفة لنظام السوق

[طيب النية]

اخوي خالد

نعم هذه الطريقة تعتبر مخالفة لنظام السوق

اجل كل من يضارب بالسوق يخالف

[مضارب ذهبي]

اجل كل من يضارب بالسوق يخالف

عز الله انك جبتها

[خبره]

بسيطة
افتح محفظتين باسمك وباسم اي احد ثاني
ولا اقولك افتح خمس ولا عشر محافظ
وش المشكلة اعرض بمحفظة واطلب بالثانية
الهيئة تقول سو اللي تبي بس مو عيني عينك
يعني حاول يكون مستخبي واعمل اللي تبي
زي الوضع العام في هالبلد لايمسكون عليك شي ولا تبين لهم شي والعب على كيفك
الا اذا كان وراك ظهر جامد فسو الهوايل عيني عينك ولا يهمك

[انامين]

اجل كل من يضارب بالسوق يخالف

يا ابومهند

العملية طبيعية جدا لكن الهيئة تدرجها ضمن عمليات التلاعب

ولهم مقاصد اخرى

[مضارب ذهبي]

يا ابومهند

العملية طبيعية جدا لكن الهيئة تدرجها ضمن عمليات التلاعب

ولهم مقاصد اخرى

طيب وش الحل للتخلص من هالمجرمين

[لمّاح]

نعم تم الاتصال بي

الله يكون بعونك ويفرج همك ويفكك منهم ومن ظلمهم .

والله إننا أصبحنا نخاف ولو لم نرتكب خطأ ,,

..

[مضارب ذهبي]

يا اخوان اللي عنده علم يفيدنا

لا يحرمنا الفائدة الله لا يحرمكم الجنة